خالتي في خطططططر

السلام علييييكم ..


حبايب قلبي اليووم بعرض لكم مشكلة خطيييرة قد تضيع خاااالتي وانا هذه اول موضوع لي بالمنتدى هذاني اكتب من حررر مافي قلبي ..


المشكلة هي مع خالتي خالتي ساكنة معنا بنفس البيت والامور مستتبة وكل شئ تمام طبعا هو مو نفس البيت حنا لنا بيت منفصل وهي لها بيت منفصل وكل شئ تمام وحنا صايرين مثل السمنة عالعسل وطبعا كل يوم انا منقعه عندهم وهي بعد تجي بيتنا وفطرات وغديات وعشيات وحتى السفرات مع بعض ولكن من قبل 3 سنوات هي تقاعدت وبدت تزهق وشرت لها لاب توب وبدت اول شئ تفتح على هالمنتدى الطيب وتاخذ طبخات وكل يوم طبخة غير شكل تدلل زوجها فيها وانا طبعا صديقة خالتي على انها كبيييرة يعني في الاربعييييييناااات الا اني اعتبرها مثل اختي وكل يوم اروح لها واساعدها واززين اطباقها واساعدها عالجووو الحللووو اللي تسويه لزوجها بعدين هي راحت تفتح كذا منتدى وتحط طبخاتها لاكن في منتدى انفتنت فيييه بشكل غير طبيعي المنتدى توه مفتووح وانبهروا بطبخاتها وهي ماصدقت احد يمدحها احب اقولكم على الرغم من انها تدلع عمي ((( زوج خالتي يصير عمي ))) الا انه يستانس بقلبه بس مايمدحها ابداا فهي استانست ان في احد عبررها وقامت تحط الطبخة ورى الثانية بعدها صارت مشرفة في قسم الطبخااات بعدين هي صارت والابتوب يتقابلون 24 سااااعة صاير اذا رحت لها ماتعطيني وجه وطول وقتها بالاب توب صارت ماتحب الطلعة والروحة والجيه صارت ماتجيينا ولا تجي بيت هلي الا بالمناسبات الكبيرة واذا راحت لازم تفتح النت من جوااالها صارت ماتسافر مثل اول واذا سافرت لازم تودي الاب توب معها صارت تتأخر عن زوجها وماتقعد معه وماتطيقه وتتقاصر بالطبخات واعتمدت عالشغالة وحتى زوجها اللي هو عمي شكا لها جنبي قالها وين يام فلانة عن الطبخااااات يازين ذيك الايااام آآآآآآآآآآآآآآآآآآآهــ وانقلب حااااال خالتي فووووق حدر وااذاا قلنا لها انتي تغيرتي اني مكبرة شأن هالمنتدى انتي ماتعطينا وجه انتي تزهقين تقول مالكم دخل وتعصب علييييينا وصايرة عصبية جدا جدا

واذا رحنا بيتها واجتمعنا ماتجلس معنا تروح وتسكر على عمرها وتفتح منتدااااهاا


انا منقهررررررة على حاااالها كذا وتعبنا وحنا نقولها ونقنعها وبصراحة حتى الصلاة وقيام الليل تقااااصرت عنهم وااااااجد

وخالاتي الثانين صاروا مايحبون يجون بيتنا بسبتها لانها تغلق الواااااحد وين خالتي الوسيعة الصدر اللي تملي المكاااان بفرفشتها والحين حتى لو نقعد معها ويصير موقف تقول اييييه مثل منتدانا كيت وكيت كيت


اوووووووووووووووووووووووووووف مو لهالدرجه لوعت كبدنا :o


ومع ذلك صابرين بس ترى لحد الحين المشكلة الكبيرة مابعد نوصلها المشكلة الكبيرة انها دايم رسائل خاااصة مع المدير ورسائل تتجاوز الحدود اللي بين مدير منتدى ومشرفة


ومع ذلك انا الوحيدة اللي اكتشفتها وساكتة وطبعا انا جوالها طول وقته عندي اكلم صديقاتي وارسل لهم مسج وخالتي راااااضية بعدين ذاك اليوم شفتها رساااااايل غزل وحب وغراااام بينها وبين رقم انا شكيت بالبداية قلت يمكن يكون عمي اللي هو زوجها بس قلت مستحيييييل هذا مو رقم عمي وقلت لاختي قالت لي لو ان خاااالتي جد مثل ماتقولين كان مو وهقت عمرها وترسل من رقمها كان اخذت لها شريحة بدون اسم عشان ماتتوهق وانا ارتحت من كلام اختي

بس ياجمااااعة الرسائل متواااااصلة يوم بعد يوم ومرة خالتي تمسحها ومرررة لاء ولا حد يقول تجسس لان خالتي ترضى اني افتح جوالها وافتشه ذاك اليوم كنت وانا بنام اخذت جوال خالتي لاني بكلم صديقتي وجا الصبح وجات رسالة وفتحتها وشفت الرسالة من نفس الرقم يقوووول كلام عن المنتدى وعن مواضيعه وذكر اسم بعض الاعضاء انا على طووول عرفت انه مدير المنتدى وطاحت خالتي من عيني قلت في خاطري هذه وهي الكبيييييرة والعاااقلة واللي دايم تنصحنا واللي يسميها جدي الله يرحمه بالحكيمة تسوي كذا وقمت اصييييييييييييح بأكبر ماعندي


وطبعا الرسائل متواصلة ولا قريت الرسايل لان خالتي كانت تمسحها بعدين قلت انا ليش ماخذ الرقم وادق عليه من جوااال امي واخذت الرقم ودقييييييييييييت طلع صوت رجال قال الو وسكرتها على طووووول

ومرة من المرات شفت خالتي راسلة له رسالة تقول انتبه هالارقام اذا دقوا عليك لاترد واكتبت ارقام عيالها وبناتها


ياناااااس خالتي اللي توصيننا لاتأمنون على احد تامن هالخسيس على ارقام عيالها وخالتي اللي دايم توصيني لاتقطين نفسك على احد تقط نفسها برخيييييييييييييييص على هذا الحيوان



ملاحظة اذا فتحت السجل اشووووف هي اللي ترسل كثييييييييييير وهو لا يرسل قليل معناته انها قااااطة نفسها عليه


وهالايام عمي اللي هو زوووجها يهبببببببببببببل عليها وانا مستانسة بس هي مو معطته وجه ماتنام معاه الا متأخر وماتقعد معااااه


وازيدكم من الطيييييييييين بللللة هالايام اشوف السجل تكلمه ويكلمهاااااااااااااااااااااا شفت الدقائق ورببببببي




قهههههههههههههههههههههههههههههر خالتي بتخترب حياتها وحياتنا وهذا وجهي اذا ماعمي تركها وتزوج عليها لانه ماينلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام


انا خايفة احد يكشفها هي كاسرة خاطري وربي


ابغى حل انقذها ابغاها تترك المكالماااااات والرسائل



ولاحد يقول كلمي عمك انا ماعندي الجرأة اني اكلمه واصلا ماقدر اكلم امي بالموضوع بعدين خالتي ماتثق فيني وماقدر اكلم خاااالتي اقولهاا تراني اكتشفتك لاني مادري شنو ردة فعلهاا وربي قاعدة اكتب وانا ابكي مو متصورة خالتي العاقلة الحكيمة والرزينة يطلع منها كل هذاااااااااااااااااااا



ساعدوووووووني يابعد قلبي انتم لقيت فيكم اللي اشكي همي من بعد ماكنت اشكي همومي عند خاااالتي