خايفه بالوكاله اللي معاه يدخلني السجن قولولي بنات كيف اتصرف

بنات انا لمن توفى ابوي وعمري 16 سنه جاء اخوي الكبير وطلب اعمله وكاله عامه عشان يقدر يتصرف في الورث وينزل لي راتب ابوي الشهري ويتقسم على الورثه
المهم رحنا معاه المحكمه ووكلته وبحكم صغر سني ماقدرت اطلبه في الراتب ولا في اي شئ وصار هو ياخذ راتبي كامل ومااشوف منه ريال وهو اكبر مني بكثير عشان كذا كنت انحرج اسأله عن اي شئ يخص ورث ابوي:icon33:
بس كنت انقهر مررررررررررره لانهم كانوا يوزعون مصروف المدرسه على اولادهم وانا مااشوف ريال والله اني كنت اروح المدرسه من غير مصروف وانا باموت من الجوع واذا احتجت شئ وطلبته قال ماعندي

ويوم انقهرت وقمت سألت عن حق ابوي قال وش حقوقه ابوك مات وهو مديون وماعنده اي حقوق وجت مرته تنابح وتقول تري ماورثلنا الا الديون ولاعاد اسمعك طريتي الحق مالك عندنا شئ :44:

مع العلم ابوي تاجر معروف واسمه مشهور وغني جدا و كان حريص على فلوسه بالمره ويجمعها بس والله ماكان يقصر معي ابد وكنت اعرف وش عنده وماعنده وكان مفتاح المكتبه حقته معي واعرف كل شئ عن امواله

لكن بعد وفاته بشهر اخوي اخذ الوكاله مني و شرى ثلاث فلل في حوش واحد مره فخمه وشرى عماير واجرها ومسك محلات ابوي وشرى ثلاث سيارات اخر فخامه وسفر اولاده وبناته يدرسوا برى على حسابه وشرى فله في منتجع سياحي يروحولها كل اسبوع هو واهله وزوجته تغير ذهبها كل سنه من الغنى اللي فيهم

وانا اتفرج حتى مايمد لي بريال يقول هذا من حق ابوك حسبي الله فيهم ونعم الوكيل افوض امري فيهم الى الله سبحانه وتعالى :44:

اللي صاير اللحين ان الرجال قاعد يبيع ويشتري في حلال ابوي من غير مايشاركني بشئ واخرتها ارض باعها بمليون ونص وسمعت هذا الكلام من بنته الصغيره اللي بالثانوي قالته لي بالغلط ومن ناس كثير غيرها وفعلا سالنا وطلع بايعها بمليون ونص وارضين غيرها وحده بمليون ووحده بمدري كم وطبعا مستغله الوكاله اللي عندي وماخذ راحته

بس اللي قاهرني ومولع النار في قلبي ان في اسهم خصصها ابوي لي وقالي هذه لك من بعد عيني وكانت حول الالف سهم وكنت اعرفها ومخليتها ورى ظهري اللحين جيت لقيته باعها :icon33:

وبصراحه خلاص فكرت اروح الغي الوكاله لانه صار حتى انا يبيع ويشتري فيني مثل مايبغى يعني بكره لو تملكت شئ ارض والا بيت اخذها مني بالراحه واللحين ودي اتوظف لكن لو عرف بيصير يسحب راتبي حسبي الله فيه ونعم الوكيل بس لو عرف اني بالغيها بيسوي مصيبه لاني سبق جسيت نبضه وبغى ينجن مدري وش يبغى باسمي لان ابوي من يوم مات له عشر سنوات الله يستر بس:44:

وقولولي تصرفي صح باني الغي الوكاله ولازم يكون موجود وقت الغائها والا اقدر الغيها من غير مايعرف وهل فعلا وكالة الورثه يقدر يأخذ اي شئ ملك لي والا بس اشياء الورثه
وفيه حاجه ثانيه خايفه منها انه الطمع يعمي عينه و يستغل اسمي بانه ياخذ فيه قرض او ديون او يدخل فيه في اي صفقه وهميه ويدخلني فيه السجن بالاخص انه راعي هذه الحركات وينخاف منه:44:
يقدر يسوي كذا بالوكاله اللي معه والا ماله صلاحيات الا لابالورث فقط طمنوني بنات

ولاتقولوا خذي حقك لانه مستحيييييييييييييل وقد باع كل شئ باسمه خلاااااااااص ماعاد لي اي شئ وغير كذا زوجته وحده قووووووووويه ومجرمه ومااستبعد تسحرني وتطلقني وترجعني عندها

حسبي الله ونعم الوكيل
حسبي الله ونعم الوكيل
حسبي الله ونعم الوكيل
ولاحول ولاقوة الا بالله العلي العظيم