خايفه على زوجي

بنات وش اسوي مع زوجي
زوجي يحب امه وايد وما يرضى عليها ودايما يزورها يعني كل يوم من العصر الى الليل هو عندهم
وما يرفض لها طلب
المشكله انه من ناحيه ثانيه دايما يصرخ عليها
يعني هم كأنهم قطو وفار دايما يتهاوشون ودايما مختلفين بوجهات النظر
وهي بعد الله يهديها دايما تعانده وتسوي الي يضايقه يعني ما عمرهم اجتمعو الا تسمعون الصريخ لاخر الشارع
ولما يعصب يقعد يصرخ عليها كأنها طفله
انه خايفه عليه من عقوق الوالدين ومن عقاب ربي
انه احبه وايد وما ارضى انه يخرب زينه بشينه ويتحمل هالذنوب
طبعا دايما اكلمه واقوله حرام عليك لا تصارخ عليها على الاقل مو قدامي
يقول انه وامي ميانه وما تزعل مني وانتي مالك دخل
واذا ذكرته ان ممكن بعدين عياله يسون معاه مثل ما يسوي يقول ولله اتمنى لاني احسن واحد بخواني ( طبعا هو الكبير)
وهو فعلا قايم بكل امور بيتهم من الكبيره للصغيره بس بعد ما المفروض يسوي كذا
ذكرته عن طريق بديننا بالايات والاحاديث بس بدون فايده
وحتى امه اذا كلمته قدامها تقول لي انه ما ازعل منه وادري انه يمزح
بس صراحه بنات هو ما يكون يمزح العكس يكون معصب مره
وانه خايفه عليه انه تجيه جلطه من كثر الصراخ والعصبيه الي دايما سببها امه
وهي مسكينه تحبه حيل بس اسلوبها غلط وكله اسلوب نرفزه
اخاف عليه من عقاب ربي
ساعدوني بنات شسوي