خبروني .. زوجي على حق ؟؟!!!!!!!!

السلام عليكم خوااتي ..

حبيت اعرض لكم مشكلتي اللي امر فيها الحين وان شاءالله تفيدوني مثل كل مره ماشاءالله عليكم .. ربي يسعد كل من تساعدني ويفرج همها يا رب

مشكلتي ..

انا متزوجه عن حب .. بس هذا ما يمنع انه في مشاكل .. ومشاكل واايد بس تنحل .. لكن شوفي هذه المره شو صار ..

كانت عدنا مناسبه خاصه بيني وبين زوجي .. واهداني 2000 درهم .. انا كنت ابغي هديه مش فلوس .. لكن ما عرف شو يشتريلي لانه كل شي متوفر عندي .. المهم .. لما رحت بيت اهلي رحت داماس واشتريت سلسله صغيره بـ 1300 درهم .. من الماستر لزوجي لانه وقتها ما كان عندي كاش واتفقت معه اني بعطيه المبلغ يرجعه في الماستر ..واشتريت لبنتي حلقات بـ 300 درهم من فلوسي مش من الماستر ..لحد الحين حلوين ..

وانا عندي اهلي احتجت فلوس فا صرفت اللي بقى من ال 2000 في مصاريف عاديه .. يعني كان لازم يكون من مصروف العايله مش من الهديه اللي اعطاني اياها بس بعد ما كان عندي المصروف .. لكن ما سالت زوجي عنها ولا طالبته فيها قلت عادي كل وحده تساعد زوجها ..

لما رجعت عند زوجي .. اعطيته المبلغ 1300 حسب الاتفاق تفاجات انه يطلب مني 1800 مش المبلغ الاصلي .. يقولي لازم تدفعين .. سالته ليش قالي لانهم سحبوا من المعاش عشان الماستر اللي انا سحبت منها ... مافي اي مشكله لو كان المبلغ متوفر ..لكن ما كان متوفر عندي اي فلوس .. غير فلوسي اللي في البنك من ورث ابوي الله يرحمه.. وهو مبلغ بسيط مش كبير .. وانا كنت ناويه هذا المبلغ ما اسحب منها اي شي لكن ازيده .. فا قلت له انا ما عندي لكن ما اقدر اسحب من البنك لاني ما ابغي اسحب .. قلت له تغاضى عن الموضوع .. وكل ما يفتح السالفه اقفلها بنفس الحجه ..

الحين هو زعلان مني زعل كبييييييييييييييييييييييييير .. ويقولي انتي جرحتيني وعمري ما تخليت انج بتجرحيني وخاصه انتي بذات ..يكلمني بزعل ولا بينا اي شي حتى اللمسه .. ولما يكون برع يبعث لي مسجات يقولي الجرح ما يبرى في يومين انتظري علي ...

الحين شو لزوم هذا كله ؟؟؟؟؟؟!!!!!!!!!!

هل انا غلطانه وكان لازم اعطيه الفلوس ؟؟؟؟!!!!!!!!

لكن انا ما حاسبته على اي فلس صرفته له او للبيت ... رغم اني ما اشتغل ... اول زواجنا كان عندي 5 الف واحتاجهم ووعدني يرجعها اول ما يزيد معاشه الحين ماشاءالله لاحول ولا قوه الله بالله مدير فرع .. لكن عمري ما فكرت اطالبه فيها الا اذا هو رجعها بنفسه ..

هل الغلط مني ... لاني عودته على اني اعطيه وما اطالب ؟؟؟!!!!!! بس هذه الزوجه الصالحه .. تساعد زوجها اذا احتاج ...

نوروني الله يخليكم .. وابغي حل معه شو اتصرف لانه تعبت نفسيا من معاملته ومسجاته ..