خبر هز كياني وخلاني اراجع نفسي

السلام عليكم


يمكن موضوعي مب بمكانه او ماحد بيهتم فيه بس حبيت اكتبه لاني مب مصدقه واريد حد يقولي اني احلم بس الخبر هدا هزني من داخلي احس نفسي متبلدة ودموعي مب قادرة اسيطر عليها


الخبر اليوم امي الله يطول بعمرها الصبح اتصلتلي وانا من صوتها عرفت ان في شيء مستوي سالتها ويالييييتها ماردت ياليتها ماقالتلي الي قالته ؟ بلغتني بخبر ان ابن صديقتها الي هي تعتبر اكثر من اختها صديقة امي الي اناديها امي نعرفها من كان عمري سنة ومشاء الله عايلة وووحدة في الافراح والاحزان وانا اناديها امي والمسكينة بعد صبر طويييل جابت ولد وبعدها بنت الولد هدا الخبر يخصه المسكين عمره الحين ماتعدى 13 سنة ويعز علي وااااايد انا الي شليته يوم طلعت امه من المستشفى اغلب وقتي كان معاه بالرغم اني كنت اعتبر طفله بس يوم كبرت وكبر اعتبرت نفسي امه من كثر ما احرص عليه واحبه اكثر من اخته مادري ليش بالرغم انهم كلهم غاليين علي
اليوووووم امي اتصلت تبلغني خبررر وفااااااته الله يرحمه ويصبر اهله ويصبرني على فرقاه حسيت بنفسي مخنووووقه وماصدقت معقووووولة ماااات يوم ارجع مابشوفه اخر مرة كلمته قبل ايام وسالته شو تبى حق العيد كم تباني اطرشلك تدرووووون طفل شو رد علي قالي اريد مبلغ قلتله اكيد حق سيكل قالي لا اباه حق المسجد الي اروحله ابا اشتري مصاحف وسجاد وتراه خالتوا يعتبر صدقه جارية وانا اخد الاجر وانتي تاخدينه لانها فلوسج اااااااه ياربي كلامه فرحني وخلاني ابكي من الفرحة واليووووم يجيني خبر وفاااته وامي تقول ادعيله بالرحمة وافرحي لان خاتمته كانت زينة تدروووون كيف مات اااه يابنات يوم عرفت كيف مات فرح قلبي وزاد حزني مادري اختلطت المشاعر تقول امي قام الصبح قبل الادان وتوضى وبدل ملابسه وصحى ابوه يروح معاه المسجد يصلي الفجر تقول ابوه قاله تعبان بقوم بصليه في البيت وانت ارجع نام صليه الصبح تقول ماسمع كلام ابوه وراااح المسجد وصلى ويوم رجع نسى مفتاح البيت والكل نايم والباب مسكر وماطاع يدق الباب يصحيهم تدرون شو سوى قعد عند بابهم ومصك المصحف وقعد يقرى قران يترياهم لين يقومون ويحس فيهم ويدخل البيت تقوول امي ابوه على باله ابنه بالبيت يوم طلع وهو رايح الدوام يقول حصله عند الباب قاعد وماسك المصحف يناديه مايرد عليه لين قرب وعرف انه ماااااااااات ماااااات وهو قاعد يقرى كتاب الله وهو متعود انه يقعد عند الباب وادكر يوم يكون عند الباب ويشوفني او يشوف اي حد اول سوال تامرني بشيء ادا محتاج مساعدة انا موجووود وااااا فديته ياربي ماقدر اتحمل ابى اساافر ابى اروحلهم مب قادرة اصبر كل دقيقة اتصل نفس المجنونة واقول يمكن يكدبون علي تقول امي اخر ايامه صار واحد ثاني اية في الجمال الكل استغرب من جماله يارب الله يرحمه ويعطينى حسن الخااااتمة وتقول امي قبل وفاته بيوم رايح عندها يقولها اريدك تكلمين امي انها تصوم كلها 10 ايام واجرها كبير انا استحي اكلمها اخاف تعصب علي قالت يوم كلمت امه تقولي علي الدورة ومستحية كيف اوصله المعلومة تقول امي احسن من اعمامه من ابوه ماتقولين عايشين في مكان واااحد صارلي سنة ماشفته ياربي ولا بشوفه يارب ارحمه وارحم جميع المسلمين



مادري شو خلاني اكتب بس كل شيء كان في خاطري كتبتها لاني كنت بنفجر وفي نفس الوقت اطلبكم طلبة كل من قرت الموضوع تدعيله بالرحمة والله يصبر امه وابوه وكل الي يعز عليهم يااارب


ويابنات الدنيا قصييرة وماحد يضمن عمره اليوم هو باجر غيره وغيره وغيره بس الفرق في الاعمال وانا عن نفسي عدت شريط حياتي كله لو كنت انا بداله لو لو لو ؟ ربنا عطاني فرصة بستغلها في الطاعات والتقرب لله








استغفر الله استغفر الله استغفر الله