خجلي القاتل

السلام عليكم ورحمه الله وبركاته
انا صارلي متزوجه 6شهور ومن تزوجت وانا اخجل منه كثير ما اسولف معه دايما عالصامت وهو متضايق كثير من هالشي ويقولي لازم تتغيرين المصيبه اني مع الكل هذا طبعي خجوله من كنت بالاعدادي عمري 21 وياما نصحوني اهلي وصديقاتي اني اكون جريئه بس مافي اي تطور انا واختي كنا دايم بغرفتنا ما نطلع منها الحين عرفت ان هالشي ضرني كثير لاني تزوجت و ندمت لاني كنت دايم بالغرفه صرت اعاني من سكوتي الدايم اتضايق كثير من هالشي احضر عزايم مرات ومرات ما ارضى اروح لاني عارفه بكون صنم هناك لا اتحرك ولا اتكلم صديقاتي واهلي هم الناس الوحيدين اللي اخذ راحتي معهم اهلي طبعا اقصد امي واخواني اما ابوي استحي منه كثير والحين انا متزوجه ودايما بغرفتي وما اطلع لاهل زوجي مع اني كنت في اول ايامي عندهم ليل ونهار بس الحين ما عدت اطلع لهم والسبب اني اكون صامته وما اسولف وهالشي خلاني ما اطلع لهم مع اني اتضايق كثير لاني اكون وحدي وزوجي يطلع مع اصدقائه لاخر الليل ما الومه مل مني اكثر من مره يعطيني محاضره بس ما تغيرت انا من نفسي ابي اتغير بس ما اعرف كيف ومن وين ابتدي حابه ارتاح من هالمشكله شو الحل برايكن مع اني قرات اكثر من موضوع عن علاج الخجل بس مافي اي فايده وانا على فكره اخاف م الناس يعني اذا باجيهم احتاج ساعه حتى اقنع نفسي اجيهم ولما اوصل قريب قلبي يدق بسرعه واذا بيسألوني يتشتت فكري واتلخبط بالكلام واسوي حركات لا اراديه من الخجل