خدامات الهم

السلام عليكم ورحمة الله

بنات عندي خدامه ليها حوالي 9 شهور عندي

قليلة ادب
لسانها طويل
ماتحترمني ولا تحترم زوجي
ماتسمع الكلام
ماتحب تنفذ الشغل اللي تقوليلها سويه واذا سوته لو مااخذ منها ساعه حتى تروح تنام بدري كون انها تعبت يعني.
يوميا تناملي من 10 المساء الى 7 ونص الصباح واذا ماازعجتها وفكيت الباب ماتصحى واذا قامت لازم تسمعك اووووف استغفر الله
انا حامل في التامن وتعبانه ايام رمضان وقت مايادن المغرب تشيل كم صحن وتروح الحمام تسيبني اشيل واحط واغرف.
طبعا مالها علاقه ببنتي ابدا لو قالتلها بنتي اديني حليب ولا اي شي تقولها لا وبعد الصراخ عليها بدات تديها وبجنان وعبط يعني تديها حلويات وعصير وحليب وايسكريم وكل شي مع بعض
طبيخ ماتطبخ
تنظيف البيت بمزاجها واغلب الوقت البيت وسخ
كل اسبوع اسبوعين تبغى مقاضي من ابقاله الاندونوسيه. تبغى بطايق تتكلم تلفون تبغى تحول فلوس ولو قالتلك وماسويتيه في نفس اليوم تبدا تقل ادبها وتطول لسانها واول ماجات تسوي نفسها تدلع على زوجي طبعا انا من اول مره هزاتها وصرخت فيها قدامه وهو زوجي طفشان منها من قله ادبها وطوله لسانها
قبل العيد ابغى انظف البيت قلتلها نظفي السيب بس الجدران والسواد بين البلاط ترى السيب حقي نص متر في متر ونص. ياويلي على الفيلم الهندي اللي سوته ومانظفت بيتي قبل العيد
كل يوم تقعد بالساعات فاضيه كل اللي تسويه تنظف غرفتها والصاله والحمام
غرفة نومي مره في الاسبوع او الاسبوعين
مو كل يوم اطبخ انا ورغم ذلك تنظف المطبخ كل يوم حتى لمن اقولها لمن مانطبخ ماتنظفي مافي فايده
كل يوم تطلع اكل وتطبخ لنفسها على الرغم انه لو قلتلها اطبخي شي تطلعه محروق. :angry2: بطلت اقولها اطبخي
من. يوم جات قلتلها حوالي عشرومية مره لمن ادخل المطبخ اطبخ تدخلي المطبخ تساعديني مصممه الى يومكم دا انه لمن ادخل المطبخ تروح تكوي وتشغلها المكيف وتسك الباب عليها لازم كنت كل يوم في مضاربات معاها اقولها المكوى بعد ماتخلصي المطبخ من بعد المغرب الى يومكم دا وهي تسوي اللي في راسها.

غير اشياء كتير تانيه واهمها انه مابقي شي في البيت ماكسرته الله ينتقم منها.

اليوم قاعده تنشف الحمام بمناشف نستخدمها في البيت. لمن بقولها ايش القرف دا تقولي انتي شفتي من اول ليش ماتتكلمي وايش سوت شالت شباشب الله يكرمكم من الارض ورمتها جهتي طبعا ولعت واخدت الشباشب ورميتها عليها وسبيتها ولعنت اهلها وبعدها سكت ماكبرت الموضوع عشان اساسا ناويه اسفرها. واليوم حاقطع تذكرتها ان شاء الله واخصمه من راتبها. ولمن رحت المكتب واخدتها عشان يكلموها قالولها لو سافرتي قبل يخلص عقدك حيخصموا التذكره من فلوسك وياخدوا 3 رواتب منك ماتاخدي فلوسك كامله وكانت اول طول الوقت سفروني انا ابغى اسافر دحين لا ماتقول كدا وماتبغى لانه بطلت اكلمها وبطلت اقولها اعملي ونظفي اغلب الايام مانطبخ فاضيه من 11 الصباح تقعد فاضيه بس انا طفشت منها وتعبت مابتساعد في ولاشي

ماتبغى لاتنظف ولا تطبخ ولا تمسك بنتي ولاتسمع كلام فنويت اسفرها
دحين ابغى اسفرها بدون مااقولها بقطع التذكره ويوم السفر اقولها البسي نروح بيت امي وافتش شنطها مزبوط لمن تطلع واشلها اوديها المطار


سؤالي اقولها يوم السفر انها مسافره ولا لا ؟؟؟؟
ولا اقولها خلاص حتروحي بيت امي وخدي اشيائك كلها وافتشها هناك عشان بخلي ماما تفتشها ذاتيا وانا افتش شنطتها ومن هناك على المطار ؟؟؟؟؟؟؟؟