خدعة التصوير في الاعراس

اول زواج نحضره في الشرقية . وأول ماساة نشهدها

دخلنا على الزواج .. كوشة حلوة .. ضيافة حلوة.. قاعة مرتبة
دخلت العروسة والزفة حلوة .. والبنت ما شاء الله جميلة ..
طلعت العروسة
اتفضلوا على البوفيه .. الحمدلله على كل نعمة ..
انتهينا ..
طقوا اول طقة
ثاني طقة ووقفت
الا وحدة في نهاية القاعة تصارخ بشكل هستيري
وطاحت في الارض مغمى عليها
وش السالفة ؟؟

الحاصل
كان في تصوير وهي تصورت والطباعة فورية.. وقالت لها روحي اتعشي وتعالي تلقينها جاهزة
راحت .. رجعت .. مافي احد
دخلت عند مصورة العروسة.. لو سمحتي وين الاستديو حقك اللى صورني في زاوية القاعة..
قالت لها: مافي الا الاجهزة حقتي اللى قدامك.. مامعي احد ثاني ولا تحركت من هنا
شلون اجل الاستديو اللى برة مين حقه؟؟
قالوا اهل العروسة .. ان اهل المعرس دعوهم .. كما قالت لهم المصورة الخارجية
زين .. كيفهم .. ما بنكلمهم...خل لهم مصورة منفصلة ماله داعي مشاكل
تعالوا يا اهل المعرس وين مصورتكم ؟؟
ما حجزنا مصورة ولا شي !!! وهذي مصورة العروسة صورتنا كلنا أهل !!!!
يعني ايش؟ وين راحت صوري؟؟؟ ومشينا وهي تهلوس والله يعينها..
وكانت وحدة من الاخوات تقول انه في الفترة الاخيرة في محلات يدخلون ويقولون انه فلانه دعتنا او اهل المعرس او اي احد من الضيوف او مشرفة القاعة تتفق معهم وتاخذ لها نسبة .. سواء اسرقوهم او لأ
فانتبهوا يا خواتي .. استحلفكم بالله
خلكم حازميين بهذا الموضوع وما يدخل تصوير الا من جهة اهل العروسة او اهل المعرس فقط وبعلم الجهتين.. ومن يدخل ولم يثبت من طلبه فأخرجوه بحزم ..
ــــــــــــــــــــــــــــــــــــــــــــــــــ ـــ
وهذا احد ردود كاتبة الموضوع ...

والله وقاحة وحدة تحمل اغراضها وتدخل وتكذب عيني عينك وعارفة ماحد بيهتم لانه كله مشغول
على الاقل المصورة حقت العروسة مضمونه
ما خلصنا من جوالات الكاميرا
انتبهوا لا تتصورون الا لين تتاكدون ان الاستديو الموجود تابع للعروسة

طبعا الموضوع منقوول.. للامانه .. ولاهميته

ادعولي والله يكفينا شرهم اااامين