خدعت أهلي والحين ماني عارفه كيف اتصرف

بناااات زوجي اول ما تقدم لي سألنا عنه وكل شي تمام وصارت الملكه وفرحنا الحمدلله بعد الملكه عزمني على المطعم طبعا رحت مع ولد اخوي الصغير ههههه الحارس الشخصي

المهم اعترف لي زوجي انه معاه عيب خلقي في القلب وهذا الشي انولد فيه بسبب قرابه امه وابوه المهم وجاب التقارير عشان اشوفها صراحة هو إنسان طيب وللحين أقولها يستاهل عمري كله مو بس اني راضيه أعيش معه تكفون أذكروا الله
طبعا وقتها طلبت منه ما يعلم أحد بهذا الموضوع وخاصه أهلي عشان انا أحبه وانا راضيه فيه صح مفروض إن أهلهم يقولون لي قبل الملكه وبعدين لي حريه الاختيار ولكن الحمدلله على كل حال وانا ما عندي مشكلة وهو إنسان جدا طبعي قايم بواجباته كإنسان مسؤل عن بيت وزوجه دخلت الحين السنه الثالثة طبعا للحين أهلي ما يعرفون عن وضع زوجي شي خاصه احنا بعيد عنهم ولكن الحمدلله يحبون زوجي ويحترمونه إلا صار الحين إن كشف في المستشفى التخصصي وقالو في احتمال نسوي لك عمليه جراحيه الله لا يقدر وهو احتمال بعد ما يجتمعون أطباء القلب والجراحة يدرسون حاله زوجي عاد الحين انا لو قدر الله علينا وجات العمليه
انا صراحة خايفه على وضع زوجي وصحته ونفس الوقت مالي حيل كلام أهلي والقيل والقال أخاف يأخذون موقف من زوجي وأهله بسبب هذا الموضوع انه غش وخداع وانا ما همني ذا الكلام كله انا زوجي حساس جدا وبعض أهلي لو عرفو الموضوع بيدفشون الكلام في وجهه وانا إلا خاطر زوجي ما ابغئ ينكسر ولا أحد يحسسه بنقصان أو شي من هذا القبيل قولولي كيف اتصرف

انا اعرف ممكن أهلي يزعلون وكده من تصرفي ليه خبيت عليهم هذا الشي بين وقتها كنت في فرحتي وما ابغئ شي يكسرها

والله انا الحين جالسه أفكر بوضع زوجي وصحته وماني عارفه أفكر ولا اتصرف بموقف أهلي
لا تقولون قولي لامك لأن أول وحده راح تنشر الخبر