^^الفجر الوردي ^^ :

السلام عليكم ورحمة الله وبركاته حبيباتي الحوائيات ان شاء الله انكم باحسن حال بدخل بالموضوع على طول مثل مانتم شايفين فيه حريم يقولون ان مافيه شي اسمه خراب:mad: طيب انتن مهتمات بنفسكن ويمكن مافيكن خراب والدليل الاعشاب الي تستخدمنها الحلبه والرشاد ليه تتكلمن عن الخراب وتقولن ان مافيه شي اسمه خراب اتركن هذي الادويه ثم تشوفن الخراب بعينه والاعشاب الي انتن تاكلنها ذي كلها تشد الرحم وتقويه وتنظفه الي هي الرشاد والحلبه وهذا شي كويس للحرمه وقت الدوره والنفاس والي تضحك تقول ليه هي سياره تخرب اتقى الله لايبتليك الله :mad: الخراب يطلقونه الحريم على أي وحده تعاني من افرازات وهواء ومويات وتوسع هذا كله خراب وماله الا الله ثم الطب الشعبي لاعمليات تجميل ولاغيره واقروا قصص بعض الاخوات الي سون عمليات تجميل عقب الولاده ومافادهن وهن مايدرن ان الخراب يسبب هبوط للمنطقه الي تحت وتصلخ في الارحام ويضعف جدار الرحم و حتى الاطباء يعجزون عن حل بعض هالمشاكل والي تهمل نفسها في الدوره والنفاس صدقيني بتطلع خربانه خربانه 200 في الميه اصوات من تحت ومويات وافرازات وغيره من بلاوي والي خربانه تروح للدكاتره تشتكي من هالالفرازات الي معذبتها :44:وش بيد الدكتوره الحين غير انها تعطيك تحاميل ولامضاد ولاغسول هذا الي عندهم ويوعدونك اذا هذا كله مافاد معك تعالي ناخذ مسحه ونشوف وش السبب واخرتها قرحه برحم من الاهمال وتعالي نكويك وماتدرين انتي بترجعين مثل قبل او لا هذا كله يسببه الخراب الي تضحكن عليه اهتمي بنفسك من البدايه وماراح تشوفين غير العافيه والمنطقه الضيقه وبعدين الخراب يمكن يسبب تاخر للحمل وضعف في الارحام وسقوط للجنه و اغلب المتاخرات بالحمل مانفع معهن غير الله ثم الاعشاب والانظمه الي تعطيها المداويه وتقولن انه خرابيط لا ياحلوات لاتحكمن على ذي الاعشاب وانتن ماستخدمتن او جربتن نظام معين وشفتن الفرق على انفسكن وانا والله ماكتبت الكلام هذا الي بسبب الي يضحكن من كلمة الخراب.. واحب اعلق على النظافه بوقت الدوره والنفاس ترجع للشخص نفسه الي نظيفه اكيد ماراح ترضى على نفسها غيرالريحه الزينه لكن الوحده ماتتروش وتعرض نفسها للهواء تتروش وتحافظ على نفسها من دخول الهواء لجسمها ورحامها وتكون مغطيه راسها بشال بعد التروش لان الاذاني يدخل عن طريقها الهواء وتكون لابسه شرب برجولها والرجل المصدرالاول لدخول الهواء بالارحام والتروش مايكون دايم ويومي وتتروش بطرق انها ماتكون تحت الدش مباشره لانه يدخل الهواء بالارحم والتروش يكون بي جركل صغير وتكب على حاجات بسيطه ولاتطول تطلع على طول وتكون متنشفه زين وحافظه نفسها من الهواء موب عشان ماتخرب ثم تمرض بوجع في الارحام وحراره بالجسم وهذا من علامات دخول الهواء في الجسم وقت الدوره والنفاس وتحط مزيلات العرق وبوده للجسم وتهتم بنفسها داخلي وخارجي.. والله شي بخاطري قلته لان لازم كلمة الحق تنقال ولااحد يزعل والي تبي تلفلسف تحتفظ بكلامها لنفسها لان هذا الكلام ماكتبته الا وانا مقتنعه منه .. وصلى الله وبارك وادعن لي بصلاح النيه والذريه وان الله يرزقني بالولاده السهله والميسره والطفل السليم المعافى..

السلام عليكم ورحمة الله وبركاته حبيباتي الحوائيات ان شاء الله انكم باحسن حال بدخل بالموضوع...