خطبني بطريقه غريبه لو كنت مكاني ايش بتسوي/ استوفى

ابي وحده حكيمه ترد الي بترد عشوائي ما راح اسامحها لان الموضوع مصيري والبنت الي عمرها تحت 27 لا ترد والي ما تزوجت قبل لا ترد برضو ابي الي عندها خبره سابقه بس والي بتجرح بالرد لا ترد انا لحالي وما اقدر اسالصديقاتي ولا اخواتي لان ابي الموضوع يتم بالسر

قبل سنه يوم من الايام دقيت على واحد اخذت رقمه بالنت ابساله عن شغله الولد عرف اني ابي البعثه علطول بدى يمون وقالي ابي اخطبك
انا مطلقه وعندي طفلين واتمنى االبعثه
المهم الولد استمر يلاحقني 5 شهور اعجب بشخصيتي بالبدايه وطلب اني اقابله ورفضت بقوه ولا فكرت بالزواج منه ولا حتى واحد بالميه لانه اصغر مني ب ثمان سنين !!!!!!!
يقولي انتي مطلقه المطلقه مثل الرجال تزوج نفسها وتعالي عندي اسكني في بيتي انتي وعيالك ولا راح اعلم اهلي
بصراحه الولد فيه مميزات لاكن فرق العمر كبير !!! وهل فعلا المطلقه تزوج نفسها؟؟؟؟؟!!!!! بصراحه اعجبتني الفكره لان اهلي وحوش نكدو علي عيشتي عشان يزوجوني غصب عني ولما تزوجت واحد كان يضربني ويطردني من البيت ولا يتحمل مسؤلية عياله وكانو اهلي واقفين معاه ويضربوني بعد ويقولون اصبري على رجلك ولا تجينانا وانتي تحملي مسؤلية عياليك وانا غير موضفه وحاجات كثيره عانيتها منهم المهم اني ذقت الضيم منهم كثير فلو لا قدر الله اني تزوجته علني وصارت مشاكل بيننا بيقتلوني وانا محتاجه لهم

فا اذا كان كلام الولد صحيح ان المطلقه تزوج نفسها قلت اتزوجه وانا هناك واجربه ويجربني ان حبينا بعض استمرينا واعلنا الزواج وان ما اعجبني فكينا الملكه ولا من شاف ولا من دري
وبعدين برضو اعجبتني فكرة انو ما راح يعلم اهله لان 50 بالميه من مشاكلي انا وزوجي كانت بسبب تدخلات خواته يعني انا وياه بنعيش بدون محد يتدخل فينا لا من اهلي ولا من اهله
احيانا اقول العمر خلص وانا عمري 31والحياة فرص ومثل ما اهلي حاسو حياتي خليني اضبط حياتي من وراهم ما يستاهلون اني اهتم لهم
واحينا اقول احسه زنا بس الى الان ما سالت عن حكمه فا ما اقدر افتي هل هو حلال ولا حرام بس الولد طالع من بيت ناس ملتزمين وعايله معروفه

وبليز الي متشدده بالدين وكل شي حرام لا تدخل

مالي الا الله ثم انتم اسالكم لان ما اقدر اسال صديقاتي او اهلي ابي الموضوع بالسر وهينا محد يعرفني