خطيبي متعلق مرضيا بأمه

سلام يا بنات

انا مخطوبة و مكتوب كتابي

و زوجي الحمد لله طيب و كويس لكن فيه عيب واحد وهو تعلقه الشديد بامه لدرجة انه ما يبينا نتزوج عشان ما نسكن في بيت واحد و يضطر يترك أمه لان البيت حقي و هو يلمح اني اقول له خليها تعيش معنا مع ان ابوه موجود

في البداية كانت تمنعه يطلع معي الويكند عشان يوديها مشاوريها 

بعدين صار الويكند و كم يوم في وسط الاسبوع

وصار لما نتفق نطلع اقول وديني اول مشوار بعدين الثاني و الثالث الين ماتجي الساعة ١١ في الليل وتقفل المحلات وتخليه يرجع معها البيت و يطلبون عشا وتكتسب الطلعة


الحين مشت العاملة و صار هو الي يخدم في للبيت بعد الدوام بعدين يطلعها تتمشى و يطلب لها عشا لانها ما تطبخ

وانا صار لي شهر ماشفته و كل مادقيت عليه مكالمة فيديو الاقيها جنبه و تقعد تسولف معه و تسمع الكلام الي اقوله 

ولما يدق علي احسبه بيجي يسلم و لا يزور يقول لي انا وديت امي السوق وانتظرها تخلص

سؤالي هو هل هذا الادمي وضعه طبيعي و انا مكبرة الموضوع؟ ولا هو الي فيه مشكله و لا هي تبي تطفشني 

والله اني مادري اكمل في العلاقة هذي و لا لا و ايش اقول له؟ ان علاقتك بامك غريبة

ارجوكم انصحوني جزاكم الله خيرا