خـطـوات وضـع * كـريـم مـاجـك * خطوه بخطوه و بالتفصيل و بتشوفون نتايجه المذهله

مــــرحــــبــــا يــــا حـــلـــوات











* كـــريـــم مـــاجــــك *







طبعا غني عن التعريف و اغلبكم تعرفونه او سامعين عنه و سبق و اني نزلته بموضوعين ..


بس هالموضوع بنزلكم ان شاء الله طريقة وضع كريم ماجك بالتفصيل و خطوه بخطوه عشان تشوفون نتايجه المذهله لانه كثير من البنات يسألوني عن طريقتي في هالكريم لاني استغرب لما اسمع من البنات انه ما فادهم او انه نتيجته عاديه و ان شاء الله اللي بتمشي على الخطوات اللي بقولها خطوه بخطوه باذن الله بتشوف نتايج هالكريم السحريه ..












بــســم الــلــه نــبــتــدي :











1- تنظفين بشرتج عدل بالاسكينول

( انا احب اسكينول الخيار )












2- تسوين تقشير لبشرتج بمقشر حلوو و خفيف او سنفره و شوي شوي و بحركات دائريه يعني جنج تسوين مساج لوجهج .. عشان ما تأذين بشرتج و لا تجرحينها .. ضروري تسوين تقشير عشان الطبقه الاولى و الجلد الميت كله يروح و تصير بشرتج جاهزه للكريم عشان تمتصه و تستفيد اكثر منه ..



( انا احب مقشر ستيفر المبيض حده عجيب )











3- تبللين وجهج بالماي و تاخذين الصابونه السحريه و تحطينها بفوطه صغيره و تبتدين تفركين وجهج شوي شوي مو حيل مثل ما ذكرت على الخفيف لما بشرتج تنترس رغوه خليها من 3 دقايق الى 5 دقايق لازم تحطينها بفوطه و تخلين الرغوه على بشرتج جم دقيقه عشان تبين النتايج اسرع ..

( ضروري تستخدمين الصابونه السحريه مع كريم ماجك عشان النتايج تصير حلوه و واضحه )


















4- بعد ما تنشف كل الرغوه من بشرتج و تروح تاخذين قطنه و تبللينها ماي ورد و تمسحين كل وجهج فيها راح تحسين بانتعاش حلووو ..


















5- بعد ما ينشف ماي الورد توزعين كريم ماجك على بشرتج كلها و تخلينه مثل القناع و قعدي فيه اطول فتره ممكنه يعني 5 او 6 ساعات و تجنبي الاضاءه القويه و الشمس و تجنبي بعد تحطينه تحت عينج لانه العين لها كريمات خاصه فيها يعني تقدرين تستغلين هالوقت و تحطين تحت عينج جل للعين او كريم او زيت اللوز ..



طبعا لمدة اسبوع او اسبوعين راح تحطين كريم ماجك مرتين باليوم مره مثل القناع و المره الثانيه قبل لا تنامين وزعيه على كل بشرتج و دهني يعني مثل ما تحطين اللوشن او الكريم العادي و استمري فيه و بعدها حطيه مره باليوم و اذا بتقطعينه و اعجبتج بشرتج لا تقطعينه مره وحده يعني خليه بالتدريج ليما توصلين انج تحطينه مره بالاسبوع طبعا كلنا عارفين انه الاهتمام يولد نتايج حلوه و من تقطعينه فجأه ترد بشرتج مثل ما كانت لانج اهملتيها ..
















6- ضروري يا بنات بالنهار تحطين اي كريم مرطب عندج و ضروري يكون فيه ترطيب

( انا احط كريم olay التفتيح بالتوت البري <<< حبيبي )














* * * * * * * * * * * * * * * * * * * *










مــلاحــظــه :




ارد اكرر هالملاحظه يا بنات كريم ماجك لا تاخذونه الا من عند احمد المغربي راح تلاقون عنده الاصلي غير هالمكان لا تاخذون لانه التقليد راح يدمر و يعدم بشرتكم اما الصابونه السحريه تقدرون تحصلونها عند الحواجين مو بس عند احمد المغربي ..




و هالرابط راح تشوفون كريم ماجك الاصلي عشان ما تنغشون بالتقليد ..




XXXXXXXXXXXXX
تنبـيـــــــــه//يمنع وضع روابط لمنتديات أخرى.
المشرفه ..