سلطانة الطيوبة @sltan_altyob

محررة

خـلـطـتـك.. ابــداعــك..ســــرك.. لــمــســتك,,خلونا نتباحث سوا ياطباخات

السلام عليكم

باختصار ومثل ما انا موضحة بالعنوان ودنا نتباحث سوا ونتناقش ((بالسر المطبخي))تبعك واللي

تتميزين وتنفردين فيه..من خلطات لذيذة للحشوات تبع الرز,,او الصوصات للمشاوي ..

او الصلصات..او الدريسينج للسلطات..

يعني المطلوب.. سرك اضافتك فنك ابداعك بطبخك..هذا اللي ودنا كل واحدة تضيف شي من اسرارها وياسلام لوهو مدعم بالصور والحركات..

عشان يكون مرجع لكل ربة بيت جديدة يختصر عليها الجهد والبحث والزمن كمان..وكمان مرجع لبقية فنانات حواء ومبدعاتها ربي يحفظهم..

ببداء بنفسي _للاسف من غير صور كماعهدتوني :) _وباضيف بعض خلطاتي اللي اشوف نفسي تميزت فيها ::

حشوة الرز..اللي تنحط فوقه بعد الغرف.. 1_حشوة البصل:
_________________________________

زبدة وفوقها بصل واقلبهم لحد مايقارب للاصفرار..ثم اضع خليط من الليمون الاسود+رشة هيل+رشة قرفة+رشة كمون+شوي مسمنه(اذا ماتوفرت مومشكله)..واقلبهم دقيقة واحدة ثم اضيف الزبيب وتقليبتين واطفي النار..اذا شرب الرز مويته حطيت هالخلطة فوقة ووطيت النار وخليتها نص ساعة.

الغرف..
........ اشيل هالخلطة على جنب..اغرف الرز ثم احط فوقه هالخلطة ..

2_حشوة البطاطس بالحمص:
_________________

احمر بصل بزبدة واذا اصفر اضيف مكعبات صغيرة من البطاطس المقلية+الحمص الجاهز اللي بالعلب
+رشة ملح+صبغة الزعفران
والباقي نفس حشوة البصل تمام

3_حشوة الخضار:
___________

احمر بصل بزبدة واذا اصفر اضيف بازيلا سبق سلقها+مكعبات جزر صغيرة سبق سلقها اوقليها+ذرة
+شوية ملح+رشة خفييييييفة من اي بهار عندك(خفيفة جدا جدا) والباقي نفس اللي سبق

صلصة الكشري:
__________

الصلصة العادية اللي معروفة بصل ثوم طماطم معصورة صلصة...بس صاحبتي من المدينه المنورة
قالت لي اضافة بسيطة وهي اني اضيف في اخر مرحلة زهرة مقلية صغااااار,,تطبخ حبتين ونسكر عليها..

دريسينج السيزر سلاد:
____________

كنت اسوي حووسة ولخبطة للدريسنج لكن طحت مؤخرا على واحد فلته اغناني عن الخليط المتعب اللي اسويه كل مرة..بتستانسون عليه وهو اسمه (ستيك هاوس_قيصر)
منه قليل الدسم وكامل الدسم..هذا اخلطه مع الخضروات وهي(خس امريكي وجرجير )فقط,,مقطع كبار
اخلط معاه شوي من هالصوص لانه حاد شوي+جبنة برمزان كرافت..بس شفتوا زين هالصوص :)
بعدين لي اضافتي المميزة هنا..وهي اني استخدم الفيليه الدجاج من شركة(الكبير او رضوى)اقليه ثم اقطعه شرايح واحطه بوجه السلطة..ارش شوي ذرة ثم رشة بارميزان ثم مكعبات التوست..ثم.......
شي رااااااااائع وهو( الرانش) من اي شركة سواء قودي اوغيرهل
اسويها خطوط عشوائية
والله بتصير سيزر سلاد عمركم ماذقتوه بحيااااتكم ..

مكعبات التوست للسيزر:
_____________

اقطع التوست مكعبات..اسوي خليط مكون من زيت زيتون ورشة زعتر واوريغانو وبهارات ايطالية..اخلطها بالتوست..احطها بصينية فرن وادخلها فرن متوسط الحرارة من تحت لحد ماتنشف
وبتطلع لكم الذ مكعبات توست واقتصادية كمان..
سووها وحطوها بعلبة وبعدين بالفريزر وطلعوها وقت الحاجة ..

تعبت.. :)

على فكرة عندي خلطات واسرار واضافات..بس مابضيفها قدامكم الا اذا تفاعلتوا مع موضوعي..وزودتونا بفنكم وابداعكم

اتمنى موضوعي حاز على اعجابكم
لاتقرون وتطلعون..مابي شكرا..ابي دعوة حلوة..واضافة حلوة كمان

منتظره ابداعكم :26: :26:

يلزم عليك تسجيل الدخول أولًا لكتابة تعليق.

تسجيل دخول

ام علايه • 17 سنة

بصراحه رووووووووووعه زيدينا الله يخليج رمضان ياي نبه نتميز :) :angry:

ريمووووو • 17 سنة

مساءالخيرعلى الجميع-عندي بعض الاضافات قصدي(الاسرار)اقول اليوم واحدواكمل بعدين لاني مشغوله عندناعشاءالليله
1-(كشنه الرز)عباره عن بصل مقطع شرائح اقلبه مع شوي زيت لين يصيرلونه ذهبي ثم اضيف له شوي ليمون اسودناعم وقرفه وشوي هيل للنكهه وبعدين احط زبيب واضعه بعدكذافوق الرزواسكرعليه مده ربع ساعه وانتهينى

سلطانة الطيوبة • 17 سنة

ام علايه :

بصراحه رووووووووووعه زيدينا الله يخليج رمضان ياي نبه نتميز :) :angry:

بصراحه رووووووووووعه زيدينا الله يخليج رمضان ياي نبه نتميز :) :angry:

تسلمي على مرورك العسل

بس انتي بعد زيدينا ..وطلعي مواهبك يافنانة

سلطانة الطيوبة • 17 سنة

ريمووووو :

مساءالخيرعلى الجميع-عندي بعض الاضافات قصدي(الاسرار)اقول اليوم واحدواكمل بعدين لاني مشغوله عندناعشاءالليله 1-(كشنه الرز)عباره عن بصل مقطع شرائح اقلبه مع شوي زيت لين يصيرلونه ذهبي ثم اضيف له شوي ليمون اسودناعم وقرفه وشوي هيل للنكهه وبعدين احط زبيب واضعه بعدكذافوق الرزواسكرعليه مده ربع ساعه وانتهينى

مساءالخيرعلى الجميع-عندي بعض الاضافات قصدي(الاسرار)اقول اليوم واحدواكمل بعدين لاني مشغوله...

تسلمي على هالحشوة

الف شكر يامبدعه..زيدينااااااااا

سلطانة الطيوبة • 17 سنة

لا لا لا لا لا لا لا لا لا لالالالالالالالالالالالالالا

مومعقول بنات..!!
لوكل اللي دخلوا الموضوع حطوا خلطة او سر واحد لهم كان امتلت الصفحة..

وينكم وين ابداعكم؟؟ولا بتبينوا لي انكم مافيكم فن وابداع بالطبخ!!!

عموما بجعبتي الكثييييييييييييير بسماراح احطها الا ليما تحطون اسراركم وتعم الفائدة

بالانتظاااااااااااااار