خلاص محمد جانى

هذا ياطويلات العمر فيه زوجين ماكملو سنه مبصوطين مع بعض الحرمه بعد فتره احملت ونبسط الزوج ويوم سوو اشعه وطالع الى فيها ولد قعدو يخططون وش بيسمونه وين بينام وشبتسو فى نفاسها وتتقضى له ملابس وكل شى يحتاجه والزوج مبسوط واتفقو يسمونه محمد فى يوم من الايام الزوجه جاها الطالق

ركض للمستشفى جاها نزيف وهى تولد وتوفت تخياتو توفت من دون ما تشوف ولدها الى قعدت تحالم فيه 9شهور ماتت مندون ماتحط ولدها فى حضنها الحمد لله على كل حال قضى الله وقدره
الزوج كان فرحان فى الولد الى جا وفى نفس الوقت زعلان على حبيبته الى فقدها مايدرى وش مصير ذا الولد وش يسوى فيه وين يوديه
وداه لخت زوجته تربيه مع اعيالها بحكم شغله ماكان يقدر يتفرغ للولد المهم بعد سبع اشهور قرر الزوج انه يتزوج وفعلن تزوج وخذ ولده محمد معه يعيش مع مرت ابوه <ياشين ذا الكلمه الله يحفظ عيلنا منها>
مرت الاب ماكانت تحب الولد بذات لما جابت بنت ولد وصار عندها عيال صار المسؤول عن ذا الولد الشغاله ينام عندها تاكله تشربه تلبسه والزوج اذا فضى شيك على اولده
لما صار عمر الولد 3سنين وشوى الحرمه كاتن عازمه اهله عندها وكان فى العزيمه بزارين واجد كان محمد يسمع البزارين ينادون امهاتهم ماما وماكان يعرف معنى ذا الكلامه ولايدرى لمين يقولها كانت كل ولد اذا بغى شى يروح عند امه الاهو مايدرى وين يروح الشغاله مشغوله ميب فضيت له
كان يشوف مرت ابوه تصف الاكل على الطاوله كان متشوق يبى ياكل من الفطاير والكيك والكبه ورق العنب ويذوق انواع الحلا تعرفون الاطفال كان يستنا مرت ابوه تناديه علشان ياكل معهم كل ام صارت تنادى ولدها يجى يقعد فى حضنها وياكل من كل الانواع
محمد قعد يناضر مرت ابوه يبها تناديه علشان ياكل معهم متشوق يذوق الاكل بس تخيلو هى نادته بس موعلشان يقعد معهم لا

قالت له محمد تعال خذ عشاك واطلع كل بالحوش علشان مافيه مكان لك و ماتوصخ علينا راح الولد لمرت ابوه يركض يبى الاكل يوم خض الصحن لقاها غارفت له رز بس تخيلتو اعوذ بالله وش وكان بيضرها لو انها نوعت له عن نفسه
محمد خذ الصحن وطالع الحوش كان الجو برد مره مالقى له مكان الا جمب الدرج هذا ادفى مكان فى الحوش
محمد قعد ياكل من الرز ويفكر يمه وينك ليه خاليتينى ورحتى
يمه يليت التراب الى انتى تحته يجمعنى انا وانتى
يمه محد يبينى
محمد حط صحن الرز ونسدح على البلاط البارد وهو يصيح ويفكر فى امه الى ربى ماكتب انهم يجتمعون فى ها الدنيا ضم رجوله لصدره علشان يدفا ونام نام فى الحوش على البلاط البارد فى جو مايتحمله الكبير وشلون الصغير
لما خالصت العزيمه وطلعو المعازيم رجع الاب سئل عن محمد قالت له الزوجه نايم مع الخدامه الضعيف محد فقده محد درا انه نايم بالحوش نام الاب وزوجته وعيالهم الثانين الاب حلم بزوجته الاولى تقوله فى الحلم انتبه لمحمد الاب فز من النوم سئلته زوجته وش فيك قالها الحلم قالت ماعليك هو نايم الحين عند الخدامه رجع نام سبحان الله وحلم بنفس الحلم وفز مره ثانيه بس زوجته نفس الشى هادته وقالت الولد مافيه الا العافيه رجع نام الحلم ذا المره تغير زوجته الاولى جته وقالت له


خلاص محمد جانى
انهبل الاب وقام من فراشه قعد يدور ولده مالقاه عند الخدامه ولا عند اخوانه قالب البيت عاليه مالقاه طالع الحوش شاف منضر ولده وضام رجوله لصدره من شددت البرد ولونه ازرق وبجمبه صحن الرز محمد ماااااااااااااات
والله انى اكتب القصه ودمعتى على خدى تخيلت اولدى بسم الله عليه