المواد الطبيعيه لها فايده كبيره
ولانلمس نتايجها إلا بالإنتظام عليها ..
صحيح أحيانا تكون النتيجه بطيئه لكن مضمونه إنشالله ..
أنا بتكلم هنا عن المواد المطحونه (البودره) ..
يعني تكون ناعمه بودره وإنتي تخلطينها مع
زيت أو ماي .. وتستعملينها .. فهمتوني !
وحلات البودره إنها إقتصاديه وسهلة الإستعمال وتقعد مده طويييله
وأفضل خلطة بودره على الإطلاق هي إللي راح أكتبها لكم هنا
وهي إهداء مني لكم .. وأنتم تعرفوني مانزل خرابيط وأي كلام ..
بسم الله ..
خلطة : (وش هالزين ؟!) :llove:
ربع كوب قشر بيض
ربع كوب حنا
ربع كوب كركم جسم
نص كوب مسمار
نص كوب سدر
نص كوب حليب بودره
كوب سكر
السدر والحنا وقشر البيض والكركم والحليب .. تطحنينهم
لما يصيرون بودره ناعمه ..
السكر تضيفينه مثل ماهو ..
المسمار يكون مطحون بس مو ناعم كثير ..
تخلطين المقادير كلها وتحفظين البودره بعلبه بلاستيك او كيس في مكان بارد وجاف ..
وتكون جاهزه للإستعمال .. فقط تاخذين منها ملعقتين كبار
وتخلطينهم مع الجلسرين السائل ..
لمايصير عندك الخليط سائل نوعاً ما وممكن تضيفين شوية ماي حار ويستعمل مباشره على الجسم بدون فرك ..
وتخلينه لما يجف تقريباً ربع ساعه وبعدين تمسكين الليفه المغربيه
وتفركين فيها بدون ماتبللين الليفه ..
لما تخلصين إغسلي الجسم بماي دافي او بارد وحطي مرطب ..
ممكن تخلطين معها الحمام المغربي او تستعملين الحمام المغربي بعدها وانا جربت كل الطرق ..
وجربوها وشوفو:)
ام ماسه @am_mash
كبيرة محررات
يلزم عليك تسجيل الدخول أولًا لكتابة تعليق.
واااااااااااااااو روعه انا متاكده من غير ما اجربها انها
خلطه روووعه ان شاء الله اجربها
تسلمى اختى
خلطه روووعه ان شاء الله اجربها
تسلمى اختى
الصفحة الأخيرة
مبين حلوة بنجربها ان شاءالله