أقولكم شي بنات.........
تجربة سويتها طلعت شي...فرحت بالنتيجة اللي لاحظتها من أول مره...
وبكتبها وماأبي منكم غير الدعاء لي...
سلمكم الله كنت طفشانة وزهقانة...وكارهة خشتي ومالة منها...
وأقرأ مواضيعكم فيذا وكرهت نفسي زود...وخمتني على صابون مغربي بس ماعندي
وعندي متسع من الوقت وبلشت بعمري...
وقبل كل شي أعذروني أنا خذت طريقة منا ومناك وللأسف أكتبها ولا أذكر صاحبة الموضوع الأساسي بس أدعوا لهم في ظهر الغيب ولي لاتنسوني:p
هذا سلمكم الله زي ماقلت ماعندي صابون مغربي وأبي اسويه الحين الحين:22:
وأذكر عندي صابون الغار اللي يجي كنه طووب راميته بالدولاب لأني ماعرفت وشلون أستخدمه صاير يابس لايمسك ولا يطلع رغوة وقاسي...المهم خذته وبشرته لين طلعت روحي
ورحت سلمكم الله حطيته بقدر وحطيت عليه تقريباً كأسة موية أو أقل
وحطيت فنجال زيت زيتون ومثله زيت اللوز وعصير نصف ليمونة وخليته يغلي شوي لين ذاب كل أبو كل شي
وطيران على الحمام الله يكرمكم وفتحت الدوش وسكرت كل شي مفتوح في الحمام
غسلت جسمي حتى تتفتح المسامات وخليت الموية تميل للحرارة وبعدت الدش عني حتى مايحرقني واكتفي ببخاره
ودهنت بخلطتي بس للأمانة تلقفت وحطيت عليها شوية شبه تقريباً ملعقة صغيرة وأضفت حليب البقرة ماأدري شسمه:D وخلطت...ودهنت كل شي في جسميز.كل شي كل شي كل شي مناك منيك :D
وتركته بس طالع يتلصق وماراح بسرعة يمكن من الشبة!
فركت رجليني عدلت شوشتي أضيع الوقت يمكن خمس دقايق ومليت وقمتأدعكه بيدي بعدين تشطفت
ولبست قفازات بودي شوب ودعكت جسمي على خفيف...
وجبت صابونة البابايا خليتها ترغي ودهنت كل جسمي وفركت بالقفاز وتشطفت..
وجبت بعدها صابون الطاووس خليتها ترغي بيدي ومسحتها على جسمي وفرك بالقفاز
بعدها شاور بارد..ودهنت جسمي ببيبي جل بالزهور المنعشة...
طالعت روحي في المراية..ماشاءالله لاقوة إلا بالله حسيت أني بك بانثر اللي طلع من الغسالة منتفش:32:
بياض والله ونظافة لاحظتها من أول مره شي شي...ومن فرحتي جازت لي الخلطات قمت سلمكم الله
خذت فنجال وبشرت فيه من قشر الليمون مع عصرة ليمون مع ملح وملعقة صغيرة زيت زيتون
دعكت وجهي دعك كم دقيقة ومسحته بفوطة دافية
وحطيت قناع باارد من ربع ملعقة زبادي وملعقة حليب بودرة صغيرة وزيت زيتون مع ملعقة صغيرة سكر بودرة ومثلها ماء ورد وتركته نصف ساعة وأزيد ثم أزلته بنفس الطريقة السابقة وغسلت وجهي بماء باااااااااااارد
والله ماقد شفت خلطة تعطي نتيجة من أول مره مثلها!
يعلم ربي ماكتبت إلا لأنها أبهرتني النتيجة وماأبي غير دعواتكم لييززيقني وياكم من جوده وفضله ورحمته ويغفر لي ولكم ولجميع المسلمين..
يلزم عليك تسجيل الدخول أولًا لكتابة تعليق.
الصفحة الأخيرة
ربي يوفقك