خلطـــة بتدعون لي عليها وبتسوونها قبل كل سشوار

السلام عليكم بنات ..

اولا: قبل كل شي ارجوكم ادعولي بالتوفيق دنيا وآخره والهداية والصلاح ..
وان الله يجعلني مصدر خير ورزق وسعاده لوالدي وخطيبي لاينقطع ابدا ..


ثانيا:
حبيت افيدكم بخلطة رهيبه سويتها من اختراعي من حواضر البيت وفعلا كانت النتيجه راااائعه ..
اولا انا شعري طبيعته من دهني الى عادي ومموج واطرافه شوي ناشفه من السشوار .. يعني مو دهني كثير والزيوت بطلتها لأني سمعت انها اسوأ عدو للشعر الدهني ..

فقررت اني اتركها واتجه للخلطات .. دخلت المطبخ واللي لقيته قدامي وحسيت انه رح يفيدني حطيته ..

والمقادير هي :

2 ملعقه سدر
ملعقه عسل
ملعقه مايونيز
نصف كأس لبن شرب
3 ملاعق زيت سمسم
3 ملاعق زيت زيتون

اخلطيها كلها وخليها ربع ساعه على الاقل وبعدين حطيها بشعرك ..
طبعا انا حطيت زيوت عشان تطري شعري شوي لأنه السدر ينشف الشعر نوعا ما ..
وخليتها بشعري حوالي 3 ساعات ..
بعدها غسلت شعري اول شي بصابونة الغار وبعدين بشامبو بانتين بالبسلم ..
واللي شعرها جاف افضل انها تزيد كمية المايونيز وماتحط عسل لأني اعتقد ان العسل ينشف الشعر .. وماله داعي تغسل بصابونة الغار لأنها بعد تنشف الشعر .. او تحط بلسم او تعمل حمام زيت بعدها لأن بعد صابونة الغار مفيده وتطول الشعر بشكل ملحوظ بفتره قصيرة ..

ويوم خلصت وجيت امشط شعري حسيت بخفته ونعومته ويوم سشورت لقيت شعر خياااالي
والحين قررت اني اسويها كل اسبوع وقبل المناسبات .. لأن السشوار بعدها راااااائع

وان شاء الله تنفعكم ..