خلطه تنظف الرحم بعد الولاده000أو الدوره000 مجربتها ومن عجوز

السلام عليكم ورحمة الله وبركاته
طبعا ياحلوات بعض مواضيعكم مجربتها ومستفيده منها والله يجزاكم خير ولأنكم زي خواتي ماحبيت
أخبي عنكم الخلطه هاذي أخذتها من جارت بنت خالتي سبيعيه وتقول ان كانت جدتها وأمها وخواتها وكل قرايبهم يسوونها
من أول يوم في الدوره 3حبات تمر يفضل خلاص منزوع العجم
وقطعه وسط يعني ربع الكف من الزنجبيل المبشور
وقليل جدا جدامن الفلفل الأسود
وملعقه صغيره من القرفه
ومقدار كوب ونصف من الماء
واللي نفاس أو حتى حابه يعني موشرط للنفاس تزود شوي حلبه وتحطها عالنار تغلي مدة 10 دقايق صفيها واشربي منها وكل يوم سويها لمى تخلص الدوره
والله يابنات قلتها لقريبتي كانت نفاس ومسويه عمليه تحلف ان بلاوي تنزل منها وتقول انها طهرت بدري بالعاده تطول وأنا عن تجربه أشربها والله كلمت روعه قليله فيها وحماتي تقول كانت دورتها 6 أيام صارت 4 أيام بعد ماأنتظمت على شربها والله على ماأقول شهيد وكل قرايبي يمدحون فيها قلت أفيدكم وتجربون وتروني حاطه كل شي بالتفصيل الممل يعني لاحد يسأل
واللي تستفيد تدعي لي بالذريه الصالحه وصدقوني راح تعجبكم أول يومين بتشوفون البلاوي
سبحان الله وبحمده سبحان الله العظيم