خلف خلاف

هذا حالي أنا وزوجي .....!!؟؟ أنا موظفة وجامعية و كل من عرفني يشهد بأنني ولله الحمد فاهمة ومدبرة وشخصيتي قيادية وكل هذا توجته بحسن الأخلاق وحبي للعطاء ؛ وزوجي شهادته ثاني متوسط وماخذها بطلووووع الروح ومسائي بعد ؛ المهم تفكيره سطحي وبسيط وأحاول دائما تطويره فكرياً وحتى شكلياً لكن للأسف أنجح مرة وأفشل مرات بسبب عناده وتمسكه برأيه الهزيل ...... حتى في طريقة صرف الراتب مشااااكل مالها أول ولا آخر بسبب تهوره وتدخلات أهله وأقساطهم اللي ماتنتهي وعلى تفاهات مالها معنى وياويله لو اعتذر أو مادفع تبدأ أنواع الحروب النفسية والمقاطعات الغير مباشرة وهذا الشي يخليه دائم التفكير كيف يرضيهم ويكسب مودتهم .. مع إني أحياناً أقول معليش هذولا أهلك وملزوم تبر فيهم والله سبحانه بيورينا بر عيالنا فينا في حياتنا وبعد مماتنا المهم السالفة طالت وأثرت علينا في تدبير شئون حياتنا ... أقسم بالله أغلب الشهور من تاريخ 15 والراتب منتهي و أنواع المعاناة والعذاب لدرجة إني أبيع قطع من ذهبي علشان نقدر نوصل لآخر الشهر بدون مانمد إيدنا لأحد ....... آسفة طوّلت عليكم بس مالي غيركم أفضفض له .. وعلى فكرة هذا الشهر قسمت راتبي على أربعة أسابيع ( لأن راتبه بااااح ) لعل وعسى أقدر أسوي كنترول على الوضع المادي اللي من جرف لدحديرة ........ أدعوا لي الله لايحرمني منكم ياأحلى خوات .....