خلونا نتكلم بصراحه الخيانه .التكبر . الغرور .وبالعربي شوفة النفس ترى مليناااااااااااا

السلام عليكم ورحمة الله وبركاته ...

مساء الخير جميعا ..
:39:
بنات فيه شي إنتشر بين الناس والله مو زين أبدا


وخاااااااااااصة بين الحريم ليش التكبر والغرور ورفعة النفس


وإنك تشوفين الناس بمبدأ المستويات الماديه ليييييييييش أنتي الي خلقتيهم وخلقتي نفسك وعيلتك غير

عن كل عالناس

أنتي الي توزعين الرزق عليك وعليهم

أنتي الي مميزه عن بقية الخلق وبحياتك ماصارت لك مشكله

حتى بعضهم تتكبر لوصارت مشكله تقول

أنا يافلانه بنت فلان يصير معي كذا لييييييييييييييش ؟؟؟؟ولو وحده غيرها (أقل من مستواها حسب عقليتها )

حصلت معاها مشكله تقول عادي مو مهم

لكن أنا لا وتسألينها ليش تقول لك بإختصار أنا غير عنها أنا مو مثلها ولا تحلم

تكون مثلي (وش هالثقه لالالا الغروووووووووووور بالنفس )

والقهر لم تتكبر عليك أقرب الناس لك وماتشوفك بعينها وأنتي الي تعزينها :44:

صارت معي كنت أنا وبنت تعرفت عليها أول سنه بالكليه وجلست

معها 4 سنوات أكثر من خوات وبم إناا كنا حريصين على المحاضرات كانت تجي بدري

وإذا بدت المحاضره وأنا ماجيت تجلس تدق علي حتى أوصل حتى لو كنت مو متأخره

بس ماتحب الدكتور يطردني من المحاضره كله شايله همي إني ما أتهزأ وأتفشل قدام البنات وغير كذا

وقت الفطور إذا طلعت قبلها تجي تلقى فطورها جاهز وهي نفس الشي ولو حصل وتكلمت

عليها دكتوره أنا ما أرضى عليها وتلقوني أنا الي أقول للدكتوره ليش وحتى مره تكلمت عليها الدكتوره

وفار دمي بالمحاضره مارضيت تهزأ أختي قدام الناس قمت رديت عليها

وعصبت الدكتوره وطردتنيي قامت صديقتي تتكلم قالت الدكتوره مسوين فيها برى إنتو الإثنين :35:ولا تحضرو لي ولا محاضره (شكلنا كان يضحك ترى :35:)

كانت أول مره أنطرد بحياتي وأحلى طرده

رحنا جلسنا بالكفتريا وشايلين هم المحاضره الي فاتتنا

كيف نفهم الحين بس كنا نكابر ونقول مايهمنا ومن داخلنا نااااااااار

طبعا تركنا الدكتوره حتى هدت ورحنا لها تخيلو طلعت من طيب أصلها نست الي صار أو طنشت

وقالت تعالو إيش تبغون قلنا نبغ نعتذر تدرون وش ردت علينا

قالت إنتو خوات (على بالها خوات من أم وأب ) ضحكت أنا وقلت لها هذي أختي الي ماجابتها أمي

وفهمتها وقالت أنا إنذهلت بالمحاضره من خوفكم على بعض ويعجبني حبكم الأخوي لبعض

وحرصكم على بعض وقالت كلام كثير مستغربه إنا كذا مع بعض (بلاها شافت الناس على حقيقتها قبلي وأنا

مخدوعه فيهم:44: )

بنات أنا قلت لكم كل هذا حتى تعرفون هي إيش بالنسبه لي آآآآآآآآآآآآه ياناس بموت قهر والله مقهوووووووووووووره عليها

تخيلو بنات تخرجنا هي توظفت وأنا لا جالسه بالبيت تكبرررررت وشافت نفسها أدق عليها ماترد مع إني أعرف

ظروفها تماااااااااااااام حتى بينا علامه لو ماعندها رصيد لكنها تتهرب مني ولا تبغ تكلمني كلمت أمها وأقول

عطيني .......وأسمعها بجنبها تقول أووووووووووووووووووووف وقلت لأمها هي وش فيها أبوها يعني (أقصد

مهاوشها )وأمها تعرفني زييييييييين وعارفه أنا مين بالنسبه لها

وإنحرجت أمها ماتعرف وش تقول وتركتها ورجعت دقيت وصرفتني وبعد كذا صارت تقفل بوجهي تخيلو:44:

طيب لييييش لو أنا غلطانه أو فيه مشكله أساسا قلت راجعت حساباتها وماتبغاني وزعلانه من الي صار



لكن ماصار شي فجأه قلبت البنت

أقولكم السبب ...

تكبر .. غرور .. شوفة نفس


ووحده من جماعتنا كانت عاديه تزور الناس وتسولف وتضحك

جا تعيينها بالديره وبعد التعيين لا تطالعيني ولا تقربين لي أنا غيييييييييير والحين لو تسلمين عليهاو

تقولين كيف حالك يالله هه يالله من طرف خشمها تقول لك الحمد لله وبدون نفس وبعد الي تسير على ناس

وتطنش الأطفال ماتسلم عليهم ليش والبزر متكشخ ونظيف وحليو لييييييييييييش

أنا والله العظيم أسلم على البزارين كلهم أنزل له وأحب راسه

حتى وحده إنتقدتني قالت كذا ماتصير لك هيبه بين الناس سلمي على الحريم الكبار ولا تاخذين وتعطين معها كلمه ورد غطاها بس (يعني قصدها سلمي من طرف خشمك ولا تعطينها وجه ) والبنات سلام عادي من عند الباب والصغار طنشيييييييي تخيلو

وش ذا يابنات ليييييييش الغرور وعلى إيش يعني (لايدخل الجنه من كان في قلبه مثقال ذرة من كبر ) صح وإلا لا

عندي كم كلمه طبعا لنا كلنا يالحريم لأن هذا الشي منتشر بين غالبية الحريم :

معك شهاده عاليه راح تلقين الي أعلى منك شهاده

عندك خدامه وفرحانه فيها الناس تقدر تجيب أربعه مو نقص فلوس لكن ما أحد يبغاها

توظفتي وأنا بالبيت جالسه الأرزاق بيد الله قادر سبحانه بغمضت عين يوظفني وظيفه أضعاف أضعاف راتبك

حلوه ومغتره بجمالك والله الجمال زاااااااااااائل

تكبرتي على فلانه وفلانه وفلانه يمكن يكونو عند رب العالمين أفضل منك ألف مره

ماتتنازلين تسلمين على الصغار أقول لك الله يشفيك لأن مافيه أحد مايحب الاطفال لا رجال ولا حريم إلا المرضى نفسيا ..

بنات نصيحه لوجه الله أموالك ووظيفتك و مركزك ماراح تدفن معك بقبرك

تكبرك وغرورك صدقيني بيرجع عليك بالدنيا قبل الأخره بيجي لك يوم تتمنين أحد يمرك أو يسأل عنك تتمنين أحد يقول لك يا فلانه ياأم فلان كيف حالك من قلبه تدورين أحد يسلم عليك ماتلقين

حبو الناس وتواصلو وسلمي على الكل بدون إستثناء لأحد محدد تكبرا عليه أو احتقارا له

أنا أداوم بالمعهد للكمبيوتر والبنات مايسلمون على الخاله الي عند الباب مره كبر أمي عجوووووز صكتها الدنيا أكيد تفتش على الجوالات تداوم دوامين من 8 - 12 الصباح وترجع من 4- 8.5 بالليل وحده كبيره ماترجع بيتها إلا بعد صلاة العشاء تداوم دوامين علشان وضعها تمرين من عندها ولاتسلمين ليش تخيلي أمي وإلا أمك بنفس المكان ترضين البنات يتريقو عليها ترضين تقول لها وحده (أقول فتشي وأنتي ساكته ولا يكثر أحسن لك):mad:
وين الاخلاق وين الاحترام لو انها عميدة كليه أو مديره أو لك حاجه عندها ماقلتي الي قلتيه كان صرتي تركضين قدامها

لا حول ولا قوة إلا بالله

الدنيا صارت مصالح * مصالح

وأعتذر على الإطاله وأعطوني رأيكم لأنه أكيد يهمني....