خلونا ندردش عن الحاله الماديه والميزانيه وكيف تدبرين امورك

السلام عليكم

بنات خلونا نستفيد من افكار بعض ..........بخصوص الوضع المادي كل وحده تقول لنا كيف تتصرف بالمبلغ الي يجيها سواء تشتغل او مصروفها من اهلها او زوجها .......وهل انتي مرتاحه ؟؟؟هل يجي اخر الشهر وانتي مفلسه؟؟؟؟واذا فلستي كيف تتصرفين؟؟؟؟؟؟؟؟؟؟وشنو الشي اللي تتوهقين فيه اذا كنتي مطفره


انا الحمدالله موظفه انا مش متزوجه والبنت في هذه الزمن اذا كانت موظفه وعايشه مع اهلها اكيد تساهم وتساعد في البيت............اول ماستلم الراتب اعطي امي واتصدق واروح السوق اشتريلي شي بسيط


:o لو بشتري الي بخاطري راتبي بيخلص..........بس عندي قناعه انه الشي الحلو مايخلص من السوق

اا اذا عندي مناسبه اخصص مبلغ واشتري الي ابيه

امممممممم اغلب فلوسي تروح على البقاله ..ومتاكده اغلبيتكم مثلي لازم كل يومين اشتري عصيرات
حلويات كيك شبس........علك....... بس بحاول اخفف

واذا كنت مفلسه :22: الشي الي اغص فيه لما اركب السياره مع السواق ويقولي مافيه بانزين :22: لووووووووووووول اقوله خلاص ادفع انت وانا في يعطي بعدين (بالهندي ) هههههه

ولا :22: لما رصيدي يخلص وانا مفلسه ..........شاسوي :o اروح وارز وجهي عند اخواني واتسلف منهم

ولا اذا صديقتي والد ولازم اروح لها :eek: واكون مفلسه حووووووووووووووووسه اجلها الين ينزل راتبي

ههههههههه عايشين حياتنا بس ننتظر الراتب

ولا اذا جتنا مناسه او زواج وانتوا مفلسين ايش تسوون؟؟؟



بنات بقولكم نصيحتي كل وحده تخلي حصاله في غرفتها وكل مايجيها قرشين تقطهم بالحصاله
والله تنفع كثييييييييير وتفرج كربه اذا كنتي محتاجه مره تروحين وتكسرين وترتاحين

تحياتي

ادعوكم للمناقشه ؟؟؟