خواتي متى تنصحوني اسوي اطفال انابيب .. انا في حيره من امري احتاج لنصائح

السلام عليكم ..

كيف حالكن يا خواتي ؟؟
خواتي انا صار لي متزوجه 3 سنوات و ما صار حمل و لله الحمد .. و طبعا لكم ان تتخيلوا حالات الاحباط و الياس يلي مريت فيها ... و حتى قبل كم يوم كتبت موضوع كنت في حالة نفسيه تعبانه كثيير بس الحمد لله دحين تحسنت نفسيتي كثيرا .. و الخوات يلي ردوا في موضوعي ما قصروا و الله ووقفوا الى جانبي .. الله يسعدكم يا رب ..

خواتي انا قبل الزواج مريت بظروف لا يعلم بها الا الله .. كنت عايشه بضغط نفسي بسبب هذه الظروف التي مرت سنوات ..... تخيلوا من عمر 15 حتى 21 كله كآبه و قهر و ظلم من الناس .. ما ودي اطلعكم عليها عشان ما اوجع راسكم ... سبحان الله خلصت ظروفي من هنا و جاني زوجي من هنا و كنت في حالة نفسيه لا يرثى لها .. و قالت لي امي العريس المتقدم لك مره كويس و انا نفسي اشوفك مبسوطه مثل البنات و تعيشين احلى حياة يكفي ما عشتيه من حزن و الم آن الاوان ان تسعدي .. و فعلا ربي عوضني عن كل آه قلتها و عن كل دمعة ذرفتها و عن كل احساس بالظلم و القهر بهذا الزوج الصالح .. الحمد لله ...

بعد ما تزوجت .. انضغطت كثيير في الدراسه .. و في موضوع الحمل ايضا من مراجعات في المستشفيات و مدري ايش انواع الضغط الحمد لله ... و انا الآن في فترة امتحانات نهائيه .. بعد اسبوعين راح اتخرج باذن الله .. فكرت اني بعد ما اتخرج على طووول اروح للاردن و اسوي اطفال انابيب .. بس بعدين لقيت نفسي ما فيني همه . مع اني ميته ودي احمل . بس توني طالعه من سنة تخرج و دراستي صعبه جدا .. و طلعت روحي الى ان خلصت جامعه .. يعني الخلاصه ما هديت ابدا ... لا قبل الزواج و لا بعده ..

فانا قلت خليني ااجل فكرة اطفال الانابيب .. بس 3 اشهر .. بعد ما اتخرج اقعد اروق بس 3 اشهر مو اكثر .. ناويه اسجل جيم في هذي الفتره لاني امووووووووووووت في الرياضه و السباحه خصوصا .. انسى كل همومي و انا اسبح او العب في الاجهزه الرياضيه .. سبحان الله الرياضه تغير النفسيه بشكل كبيير .. انصح الكل فيها ..
و ناويه اسوي تان هههههههه يعني ناويه اغير اللوك تماما . ...

و قلت بخليها بعد رمضان اكون روقت و اخذت نفس .. و قلت يمكن في فترة الروقان هذي احمل .. يمكن مو قاعده احمل بسبب الضغط النفسي .. و رمضان على الابواب ناويه اكثف دعاء و قيام ليل .. و ما راح انساكم يا خواتي في الدعاء ...

وش رايكم خواتي تفكيري صحيح ؟؟ و لا اسويها الحين و افتك و لا آخذ نفس و اروق 3 شهور و ادخل في عالم اطفال الانابيب و المنشطات ...

احس احتاج اني آخذ نفس عمييييق الاول و بعدين اغوص في هذا العالم ..

حابه آخذ رايكم و خصوصا ليلي جربت اطفال الانابيب ..

قلت لكم قصة حياتي ههههههههههههههه ما بقى اقولكم متى اقوم من النوم و متى اصحى و ايش اسوي بالضبط هههههههههههه


صحيح عمري 24 و زوجي 34


اعذروني على الاطاله ..

و شكرا .. :)