خواتي يبون يعقدوني ويخلوني مجنونه!

السلام عليكم

بنات حبيت اكتب لكم مشكلتي مع خواتي احس يبون يعقدوني انا عندي 5 خوات 3 اكبر مني و2اصغر مني وانا عمري 14 واربع اشهر تقريبا المهم وحده من خواتي الحين متزوجه وعمرها 26 واختي الثانيه توها مو متزوجه وعمرها تقريبا 24


المهم الي بغيت اقوله لكم انه الكبيره احس كلا تبي تتحكم فيني (( وكلا تقولي غبيه واني مو جيده وما افهم )) <<< والله العظيم من كلامها هذا صرت اشك بقدراتي العقليه ومرات احس اني هبله وخبله (( في بعض المواقف مو كلها )) وطبعا احيانا احس اني ذكيه .. بس خلتي احس اني مو جيده .. عاد انشالله تكونون فاهمين ... يعني قصدها اني مو مثل باقي البنات الي كبري بسوالفي وطريقه كلامي .. والخ الخ .. مع انه انا احس انه كلامي مثل بنات جيلي والبنات الي كبري .. بس البنات الي كبري من جماعتها احس هم الي سوالفهم سوالف حريم كبار .. يعني انا للحين مو شاكه بعقلي كليا بس فيه بعض الشك ..


حتى مره وحده مدحتني انا وبنت خالتي وهي اصغر مني بسنه كنا بحفله لبنت عمي لانها متزوجه وكان فيه رقص المهم انا وبنت خالتي لبسنا ملابس عرس بس لما رحت هناك لقيت الحريم لابسين ملابس حفله مو ملابس عرس .. المهم انا ما اهتميت وقلت عادي بس بنت خالتي قالت شكلنا غلط وقلت لها عادي وشفيها مو في رقص وهو مو حفله لعرس و و و ....... إلخ ..ومرت وحده شريره حيل هي واهلها مع امي وقالت مشالله عرايس عرايس وانا بيني وبين نفسي اقول هذي شفيها صايره طيبه وسلمنا عليها ... قالت بنت خالتي وهي اصغر مني بسنه انها كانت تطنز علينا لاننا كاشخين ولابسين ملابس عرس ................... هنييييييييييييييييي انا انجييييييييييييييييييييييييت قلت هذي شلون فهمتها .... وفعلا حسيت اني غبيه ... يعني لو بقعد عند اي وحده وتقط نغزات علي ما راح افهم :( وانا كل ما اتذكر مواقف واجد تدل على غبائي ابكي والله عمري ما تصورت نفسي غبيه لهدرجه احس انه عقلي وقف نموه !!! لأن حتى الي اصغر مني احس يعرفون و يفهمون اشياء انا ما افهمها ولو اقعد ميه سنه اتذكر هالمواقف بس ماراح افهم الا لما احد يقولي ... المهم ادعولي اني اصير جيده وذكيه على قوله اختي حسبي الله عليها عقدتني خلووووووووو هذا على صوب

الحين اختي الي عمرها 21



بناااااااااااااااااااااااااااااااااااااااات والله العظيم احس انها ما تطوف في بلعووووووووووومي كلا معجبه بنفسها وتمدح عمرها 24 ساعه والي باط جبدي اني ما اشوفها حلوه بس اجاملها واذا احد مدح عمره تطلع له الف عيب وعيب وتحتر اذا شافت وحده مشبينها بوحده حلوه احس مرات انها سخيفه ( آآآآآآآآآآآآآآآآآآآآآآآآآآآآآآآآآآآآآآآآآآآه) ودي اقطع شعري راسي منها حتى الموضوع احسه سخيف لما اتكلم عنها والله متفشله بس بكتب لاعت جبدي واحس كلا تبي تعقد العالم تقول انا بعقد هذي انا قلت لها انها مو حلوه احسن بعقدها والله لأوريها ........... الخ والله ما اقدر ابلعها واحسها حقوده حيل حتى مره تهاوشت معاها لانه خلاص ما اقدر اتحملها والحين انا اكلمها وكلا تقط نغزات علي ياربي شسوي قولولي ؟

شوفوا مواقفي معاها

اول شي انا بيضه وهي سمره وانا رشيقه وهي لها كرش كبير حيل وفخوذها كبار بشكل مو حلو ما احس فيها انوثه وانا ملامحي هاديه وهي ملامحها حاده حيل وكلا تمدح الملامح الحاده وعندها الي ملامحها مو حاده مو حلوه وجيكره ..... ياربي احس بسخافه لما اتكلم عنها كل سوالفها عن اشكال خلق الله ....

المهم .. مره كنت لابسه جنز ضيق وبلوزه مخصره وامي شافتني هي واختي الكبيره واختي الكبيره عمرها 35 وهي طيبه معاي بس انها صريحه يعني ما اتجامل حيل .. وقالت لي امي انه جسمي ذكرها بفنانه لبنانيه اسمها اليسا ... عاد انا طرت من الفرحه لأنه جسمها حلو حيل وكنت بهذيك الايام مربربه اما الحين احس اني ضعيف وفخوذي راحوا وترهلوا (( ضعفوا وترهلوا )) لأنه شهيتي صارت مسدوده عن الاكل .. المهم قلت لأختي وبنت خالتي الي اصغر مني قالت بنت خالتي ايه صح انتي نفس جسمها قالت اختي الي عمرها 24 لأ غير انتي بطه والفنانه ضعيفه قلت لها بالعكس هي امتن ... المهم انه المجنونه سوتها سالفه وراحت عند غرفه امي وسألتها اذا صج قالت هالكلام ولا لأ .. وردت اختي وقالت لي بعد ايام انه امي تقول اني مو نفس جسمها ..وقلت لها لأ هي قالت لي ..بس ما اهتميت بالسالفه وطنشت ولا رحت سألت أمي .. وبعدها بفتره طويله .. طرت على بالي السالفه وسألت امي قالت امي انها كذابه !!! .. وبعدين مدحتني امي قدامها وقالت انه جسمي حلو ونفس الفنانه اليسا وقالت اختي وانا يمه قالت امي لأ انتي مو نفسها وقالت شمعنى ليالي (( انا )) يعني تجاملينها !!! (((( يااااااااااااربي شنو هذا حقوده ما تحب احد يمدح غيرها !!! بالله امي حتى لو كانت تجاملني هي المفروض ما تقول هالكلام صح ولا أنا غلطانه !!! )) ...


المهم راحت هالسالفه بس اختي شكلها للحين حاقده وتبي تعقدني من شكلي ..

وكنت قاعده معاها قبل شهر وقلت لها يوووووووووه انا ودي امتن مليت احس اني ضعفت ابي يرد جسمي وخدودي مثل قبل ... (( شوفوا الوقاحه شنو قالت )) قالت انتي بطه بعد تبين تمتنين وكانت تقولها بجديه كبيره وشكلها خلاص بنتفجر .. انا سكت ما سبيتها ولا قلت لها انتي بطه مع انها فعلا بطه بس مو حيل شوي فيها اماكن بارزه مثل بطنها .. قلت لها لا انا مو بطه .. قالت الا .. سكت ما رديت عليها لاني مالي خلق لها وبعدها وقفت عند المنظره وقالت لي انا لازم امتن ولا اضعف قلت تضعفين قالت واجد ولا شويه قلت واجد (( وانا عند ربي صاجه هي لازم تضعف واجد )) قالت على ضحك فيه الكثير من الخبث يووه شكلج تبين تعقديني ...

المهم هالايام صرت صج ما ابلعها المهم آخره مره قلت لها انه في وحده معجبه فيني وانا ما احب هالسوالف بس قلت لها وقالت لو شافتني راح تعجب فيني اكثر قلت لها بضحك لا انا اكثر

.. قعدت تطالع من فوق لي تحت وقالت هيهيهي ياربي احس دمها ثقيل وقالت ليش ؟

هني انا كلمتها وقلت لأني انا بيضه ورشيقه وناعمه واهبل (( وكنت والله اقولها بضحك بس هي خذتها على انها مسأله جديه ))

وقالت انتي تذكريني بوحده تصيرلنا كلا تقول عن نفسها انها ناعمه قلت لها لأ انا ما اشبها ولا شي قالت الا انتي نفس اسلوبها كلا تقولين انج ناعمه وكلا تمدح نفسها ((( وانا والله مو دايما امدح نفسي حتى امي كنت احس انها تحس انه ما عندي ثقه بشكلي . لأني ما امدح نفسي لو على ضحك وكانت هذي اول مره امدح فيها نفسي وعلى ضحك مو جد .. بس شسوي بالعقد والمجانين ))قلت لها انا مو دايما امدح نفسي اول مره امدح فيها نفسي وقلت لها اني ناعمه لانه شعري ناعم وبشرتي مثل الشي وبيضه قالت انتي مو بيضه حنطاويه قلت لها لأ كل الي شافوني قالوا اني بيضه ولا وحده قالت اني حنطاويه وعددت لي بنات يصيرون لنا انهم بيضات ومن بينهم بنت عمي وهي قريبه مني حيل )).. قالت باسلوب خااااااااااااااااااااااايس ويقهرررررررررررررر .. شوفي شوفي وجهج بالمنظره ابيض ؟!؟! قلت لها لأ لأن امي مو امريكيه تبيني كلي صبغه وحده وبعدين البيض درجات ونادر ما القى خليجيه وجهها ولا جسمها صبغه وحده وانتي وجهج مثل بطنج مثل ظهرج مثل ركبج ؟!؟!؟ قالت لأ بس وجهي ابيض من جسمي ... قلت لها ايه من الكريمات الي تحطينها (( خلاص انفجرت )) وانا ما احط على وجهي حمايه ولا شي وبشرتي حساسه لازم اسمر ... المهم رحت عند امي وهي كانت موجوده وقلت لها قدامها يمه انا بيضه ولا حنطاويه ؟!!؟ قالت لا بيضه ... قالت اختي لا حنطاويه شوفي جبهتج وخدودج (( مع انهم بيض يا ناس بس مو مثل بياض جسمي مصره تخلي وجهي حنطاوي )) قالت امي لا بيضه وبعدين راحت لغرفتهاوانا رحت لغرفه التلفزيون وامي كانت تبي تنام وفجأة شفتها نازلة من غرفتها تررررررررركض كأنه قامت الساعه مسرعه عند غرفه امي تقومها (( انا فكرت لي هالدرجه هالشي الي تبي تقوله لامي ضروري !! ما تقدر تأجله بكره )) وبعدين كنت ادري انها راحت تحش فيني عند امي لأنه هذا طبعها وانا جيت عندهم وسمعت امي تقولها يلا اطلعي من الغرفه ترى ماني فاضيه وبعدها طلعت وانا خذيت الي ابيه من غرفه امي وطلعت وقالت ليالي انا توني سألت أمي اذا كانت تجاملج انج بيضه وناعمه ولا لأ ؟!؟! ((( يااااااااااااااربي قلت لكم انها سخييييييييييييييفه ما تنبلع الحين تركضين من غرفتج وطايره وتقومين امي عشان هالسؤال السخيف ؟!؟!؟ ))) .. قلت شنو تجاملني ؟؟ <<<<< قصدها من انا سالت امي تجاملج ولا لأ يعني انتي موبيضه بس امي طلعت ما تجاملج ... قلت لها شنو تجاملني ؟ وانا ولا وحده جت وقالت لي انتي حنطاويه .. سكتت وبعدين قالت يلا وريني رجولج وريتها رجولي وقالت ايه صح بيضه !! ... وقبل هالسالفه قلت لها انه مره جربت احط على نفسي مكياج وحطيت كريم واجد على وجهي حتى انه صار ابيض مثل لون الطحين قالت شلون تحطينه ابيض وايدج سمرا !!! <<<< سمره بعد مو حنطاويه .. قلت لها اذا انا سمره انتي شنو تطلعين ؟!؟!؟




اما خواتي الثلاث الباقيين حلويين وياي ومالهم شغل باحد .. اما هذول الثنتين احس انهم يبون يخلوني مجنونه (( وترى والله قربت اصير مجنونه قمت اشك بعقلي وخاصه وانا صغيره

واشياء واجد ما اقدر اكتبها لكم الحين بس الصراحه انا قمت ابكي عند امي قلت هذول يبون يشككوني بشكلي وشخصيتي ومت من البكي عندها يعني انا اصغر منهم وماني عدوتهم ليش يسوون فيني هالشكل ؟؟ انا ما هموني بس احس انهم غثوني حيل وما صرت ابلعهم وخاصه اختي الثانيه وودي الحين لو اشوف اي وحده منهم لاسوي فيهم الي سووه فيينيي .. بس انا كتبت هالكلام لكم لأني بديت اشك بقعدراتي العقليه فعلا اما شكلي ما اشك فيه ابدا بس حبيت ابين لكم اني منغثه من اختي الثانيه وياليت محد يطنش وتعلموني شسوي معاهم ابي اوقفهم عند حدهم