السلام عليكم
ياحريم ساعدوني وحده من صديقاتي تحبني مره وتعز علي زوجها بيعرس عليها
السالفه ومافيها ان خويتي يوم اتزوجت وعمرها 16 يعني بزرررررررر
لاتقولون فيه عقولهن كبار ذي غشيمه عقلها عقل بزر والمشكله غشيمه لدرجه ماتفهم التلميح
زوجها اهله بمدينه ثانيه وساكن الرياض كان عند اهلي ويحب امي مره معتبرها مثل امه ويشكي لها دايم
ويسولف لها عن كل شي وكل عيد يعايدها ولا جاء يسلم حبها على راسها
لاتقولون مو محرم وتخشون بسالفه ثانيه خليكم بالسالفه الرئيسيه
الولد اكثر من مره صرح لامي انه بيعرس وامي كانت تهاوشه وتقول منت ولدي اذا اعرست على حرمتك
طيبه ومتستاهل وتحبك وصغيره سن الين جت المصيبه
جو اهله بالرياض وسكنوا عندهم بعد كم يوم جت امه نامت عندنا امي استغربت الزياره الغريبه وانها تركت بيت ولدها ونامت عندنا
الحرمه فضفضت لامي قالت البنت بنت حلال (زوجته) ومو مقصره وطيبه بس مشكلتها وصخه
تشتكي تقول الزباله تجلس يومين ثلاثه بالبيت والحفايظ الله يكرمكم ماتغير لبنتها الين تتبرز اذا ماتبرزت يبقى البامبرز عليها والمطبخ حوسه وريحه البيت المشكله زوجها مو مقصر عليها وانا شوف عيني مايجيب لها الا اغلى العطور والبخور قسم بالله عطر باقل من 300 ريال مايدخل بيتها واللبس يجيبه لها من برا السعوديه
انا لاحظت وصاخه بنتها وهي فيها ريحه بس بيتها مدري ماشفت شي لاني من ازورها تكون مرتبته
كنت اهاوشها من اشوف شعر اباطها او شنبها تقول يووه انتي موسوسه انا زوجي يحبني مثل ماانا
انتي مرره رسميه ومن يومها بطلت اقول لها
شعرها بحياتي ماشفت فيه حركه دايم ذيل حصان المشكله هي ملكه جمال وشعرها ماشاء الله كثيييير وناعم وطويل
وتموت في زوجها بس مشكلتها غشيمه متاخذ تعلوم
انا شفت خوات زوجها ينغزونها بالحكي عن النظافه وقلت لها انتبهي قالت لا بالعكس هم يموتون فيني
البنت مره احبها وطيبه وحلوة وحسافه زوجها يعرس عليها توها عمرها 18 مصار لها سنتين من اتزوجت والله اعرفها بتموت
امي قالت لي ان زوجها بيعرس وحلفتني مااقول لها بس ابي انصحها امي عيت تقول اخاف تتحسس
شرايكم انصحها بدون مااعلمها ان زوجها بيعرس؟؟؟؟
اللي تبي تغث وتسوي تحقيق لاترد
واعذروني على ركاكه الاسلوب بس من حرقه قلبي عليها
غلا ميشو @ghla_mysho
محررة
يلزم عليك تسجيل الدخول أولًا لكتابة تعليق.
اذا الموضوع لسى ماتم ولسى في فرصة
كلميها وانصحيها
وخلها تكلم زوجها يعطيها فرصة للتعلم
وخلك معها من الصفر للألف........... ومن الألف للياء
إذا قررتي تكلميها كلميها بالصريح مو باللف والدوران
لأن الوضع حرج
ولو كلمتها بطريقة غير مباشرة ما راح تتغير بسرعه بل بتسوف
لكن لو صارحتيها راح تتغير بأسرع ما يمكن
الله يوفقهم
كلميها وانصحيها
وخلها تكلم زوجها يعطيها فرصة للتعلم
وخلك معها من الصفر للألف........... ومن الألف للياء
إذا قررتي تكلميها كلميها بالصريح مو باللف والدوران
لأن الوضع حرج
ولو كلمتها بطريقة غير مباشرة ما راح تتغير بسرعه بل بتسوف
لكن لو صارحتيها راح تتغير بأسرع ما يمكن
الله يوفقهم
طيب لازم تنبهينها وتقولين لها انا سمعت كلام مدري صحيح ولا لا ان زوجك ناوي يخطب اهتمي بنفسك
اهم شي النظاافه الجمال مو مهم قد النظافه
اهم شي النظاافه الجمال مو مهم قد النظافه
والله فعلا مشكله حراام مو حاسه باللي هيه فيه طيب لو عالاقل تحكيلها عالمشكله انها مشكله وحده تعرفينها او من النت قريتي قصتها ووصلي لها المطلوب والله يعطيك على قد نيتك
الصفحة الأخيرة
علميه خليه تنتبه يمكن تنقذين اسرة من التفكك