خيانه زوجي

بسم الله
اخواني سجلت بس لسبب ابي رد حكيم
انا بنهايه الثلاثين
زوجي بنهايه الخمسين
انا مريضه بالوسواس القهري ومرض ثاني بالدم يسبب جلطات في اماكن متفرقه بجسمي
اشتغل شفتات كنت اقول غيابي السبب لقيته يحادث بنات دردشه وهو بالدوام ومرات وهو بالبيت وانا برى
زوجي دوام صباحي
هو طلب اكون شفتات عشان الاولاد
يدخل برامج دردشات ويسحب من رصيده كل يوم عن طريق البنك لدعم بنات في هالدردشات
الاقيه كاتب لكذا وحده كيفك حبي عمري عسل
مافي تجاوب منهم بس طلبهم ارسل دعم
يقول رسلت
من الاخير مخرفنينه
هو طول عمره داشر بس عقل اول زواجنا والحين رجع الاقي مقاطع جنس وعياله يدخلون اليوتيوب مايخاف احد يشوف شي منهم خاصه البحث مفتوح
هو عارف اني اعرف الرقم السري
يقعد بالاربع شهور مايجي يدورني كزوج وزوجه واشوفه شبعان واضح جدا لمن ابادر انا
اشوفه يتروش يتقطع قلبي
كن مره اصيده واواجهه ويدخل بعيني بس هالمره واضح جدا مو زي اول يقول اتوهم
صورت كل السوالف بينهم
وحده مسجله صوتها له وتناديه باسمه حبيبي بس اروح البيت اكلمك
هالمره ماواجهته محتاره
العلاقه اصلا صايره سيئه من غير
هالفتره افكر بالانفصال لان عيالي صارو يشوفون مشاكلنا
وانا مريضه لمن ازعل اوسوس كثير بالطهاره وانضغط ويجيني الم في مكان الجلطات القديمة حتى دواء الجلطه ماصرت اخذه برغم خطر علي بس اقول يمكن الله ياخذني وافتك
الغريب ان مشاعري ملخبطه بين غضب وبين اقول طز وبين اكون عصبيه
محده اخذت رقمها وكلمتها بجوالي طلع ولد واعترف انه يسحب الخرفان
زعلانه عليه لانه كبير والمفترض خلاص يعقل مافي فايده شايف نفسه ولد العشرين عايش حياته
المشكله اني مو عارفه اتطلق اطنش اواجهه ماني عارفه
قلت انتم الفيصل