السلام عليكم ورحمة الله وبركاته
انا ولله الحمد من كم سنة وانا ادعي بهذا الدعاء ( استودعنا الله التي لاتضيع ودائعه ) وحصلت لنا مواقف
كثييييييرة ولله الحمد الى الان وانا اقول ما اعظم قدرتك يالله ( ادعوني استجب لكم )
الموقف الاول الي يحضرني لما كنا طالعين مع اخوي بالسيارة وكانت بنتي الي عمرها 11 سنة جالسة
من عند جهة الباب ولما جاء اخوي يلف بالسيارة انفتح الباب فجأة ومن الخوف مالت على الجنب الثاني
الحمدلله كان تصرفها سليم وبرضو ستر من الله انه اخوي ماكان مسرع والمرة الثانية كنا رايحين لاستراحة
ونفسها بنتي وهي تسبح فجأة انزلقت رجلها وغرقت قدامنا وانا اصررخ
ماعرفت كيف اتصرف بس اخوي راح وانقذها الحمدلله والمرة الثالثة كنت نايمة بالليل وفجأة وانا في غرقة نومي
حسيت انه احد يقولي روحي للمطبخ والقي نظرة وقمت مفزووووعة ووالله رحت للمطبخ والبيت كله ظلام
ولعت لمبة المطبخ الا ولقيت قلاية الزيت الكهربائية شغالة وقلبي جلس يرقع سحبت السلك ولقيتها لهيب نااااار
ربي ستر ماذاب السلك وشبت نار يالله لك الحمد ولك الشكر يارب والسبب كان ولدي الكبير
عمره 16 سنة الله يصلحه عمل له بطاطس مقلي ونسى يصكر القلاية والمشكلة انه كرر نفس الغلطة مررة ثانية
ونفس الشي صحيت ولقيت القلاية شغالة والحمدلله بعد ماخاصمته ماصار يشغلها صرت انا اسوي له البطاطس
والمرة الثانية صحيت بالليل ولقيت الغاز متسرررب الا ولقيت وحدة من عيون الفرن مفتوحة
وبنتي الكبيرة عمرها 18 سنة هي الي فتحته بدون ماتنتبه وهي تنظف الفرن
وبعدها صكرته وصكرت الغاز بكبره ههههه << خوااافة .. برضو ولدي الي عمره 5 سنواتي مرة رايحين نتمشى
وزوجي وقف عند بقالة ونزلوا الاولاد معه ولما اشتروا اشياءهم طلعوا كلهم واخرهم اخوهم الصغير مامسكوه
ولا حتى ابوه مسكه الله يهديه وهو كان يركض وصل لحد الشارع والسيارات مسرررعة بس هو الحمدلله رجع
وربي انا جالسة اصرررخ داخل السيارة بس وانا مفجوعة كنت اشوفه وهو يركض حسيت انه فجأة توقف والله
العلي العظيم وكأنه احد وقفه وخلاه يرجع على وراء اقسم بالله انه هذا الي صار ياسبحان الله ..
برضو بنتي الصغيرة عمرها سنتين قبل شهرين كنا طالعين بالسيارة الا وتنط على الكرسي الي وراء وتجلس جنب الباب
وماكان عندها احد قامت وفتحت الباب عالخفيف والسيارة تمشي بسرررعة ولما وقفنا عند الاشارة لقينا واحد باكستاني
يضرب بوري ويأشر على وراء التفت الا لقيت الباب مفتوح والبنت جنبه ستر من ربي ماطاحت بنتي بالشارع
والله احيانا من كثر الحرص الزايد صار الواحد ينسى بس ربي ماينسى ندعي له دائما يستجيب لنا وهو الي الحافظ
سبحانه والله حتى الاسبوع الي فات نفسها بنتي الصغيرة اخوها وهو يلعب معها صكر على
اصبعها الدرج وانشق اصبعها شق كبير والارض صارت كلها دم وديناها للاسعاف وما احتاجت لخياطة قالوا انه
الجرح مو عميق وفجأة الدم توقف لفوا اصبعها ورجعنا للبيت وخلال كم يوم تشافى اصبعها والتحم الجرح ولله الحمد
هذا وهي ماتخلي لصاق الجروح على ايدها انا الف من جهة وهي تفكه من جهة الله يصلحها ..
وقبل امس ولدي الكبير كان ياكل دجاج وفجأة غص بعظم والله بغى يموت دخل اصابعه وسحب العظم وبعدها ماكمل
الاكل من هول الصدمة بس هو مستغرب طووول الوقت انه كيف قدر يطلع العظم باصابعه ويسحبه سبحان الله قادر
على كل شي وبرضو بنتي الصغيرة طاحت على راسها قبل امس وكانت الطيحة قوووووية مرررة وستر من ربي
ماصار لها شي .. والله فيه مواااااقف كثيييييرة صارت لنا بس ما ابغى اطول اكثر من كذا الي كتبتهم كفااااية
ولاتنسون انه هذا الدعاء عظيم حاولوا تتعودون عليه وكل يوم اذكروا هذا الدعاء على انفسكم واولادكم وازواجكم و
حتى اغراضكم سبحان الله يحفظها ربي لكم .. ان شاءالله هالقصص تفيدكم ويارب يحفظنا ويحفظكم من كل مكروه
استودعكم الله التي لاتضيع ودااااااائعه ..
ام بيان المبارك @am_byan_almbark
عضوة مميزة
يلزم عليك تسجيل الدخول أولًا لكتابة تعليق.
عقارية الحفرررر
•
مشاء الله عليك الله يحفظهم لك يارب فعلا هالدعاء عجيب والله يحفظ الجميع
الله يحفظلك عيالي زيحفظلي عيالي
والله من كتر المواقف اللي تصير ما نقد ر نقول الا الحمدلله الحافظ رب العباد
لسة من يومين صارلي موقف مع اولادي والله قدر ولطف فيهم
الحمدلله
والله من كتر المواقف اللي تصير ما نقد ر نقول الا الحمدلله الحافظ رب العباد
لسة من يومين صارلي موقف مع اولادي والله قدر ولطف فيهم
الحمدلله
لين11
•
الله يجزاك خيرالله يجزاك خير
جزاك الله خير فعلا هذا الدعاء كثير منا يجهل عظمتة
اللهم أني استودعتك اهلي ونفسي وزوجي وطفلتي يامن لاتضيع ودائعك '&&
اللهم أني استودعتك اهلي ونفسي وزوجي وطفلتي يامن لاتضيع ودائعك '&&
الصفحة الأخيرة