داخله على الله ثم عليكم الي عندها جواب ترد على اسالتي بخصوص رياض الاطفال

اخواتي داخله على الله ثم عليكم صاحبات الروضات او مديرات الروضت الي عندها جواب على اسالتي او على بعضها تجاوبني لانها راح تنفعني وتنفع اخوات في الله محتارات ومحتاجات لو لجواب واحد
ارجوكم الله انعم عليكم وافتتعتوا مشاريعكم وشغلتوها ماشاء الله لاقوة الا بالله فحنا محتاجين منكم مساعده
1=انا راح افتح روضه اطفال انا لقيت مبنى لكن صاحبه يرمم فيه بعض الحاجات لانه طلعت منه شركه والوالد قال ماراح يقول للبلديه عليه الا لما يخلص الترميمات ونوقع العقد
سؤالي عادي تطلع البلديه تشوف المبنى قبل نوقع عقد الاجار ولا شرط البلديه انها متطلع للمبنى الا بعقد الاجار؟
انا بس ابغاهم يشوفون المبنى ككل ينفع ولا لا لاني اخافاوقع العقد وادفع اجار ثم ترفضه البلديه

2=عادي اخلص ترخيص الغرفه التجاريه والاسم التجاري والسجل والشعار وترخيص العمل والعمل وترخيص الضمان الاجتماعي قبل ترخيص البلديه ؟

3=ممكن احد يفيدني بمحتوى الشعار ويزودني بصور من شعارات بعض رياض الاطفال ان وجد؟لاني ناويه اصممه من الان ان شاء الله

ارجوكم نخيتكم ومانخيت رخوم تساعدوني وتجاوبوني انا احس اني مقيده ابي استفيد من الوقت بدال ماهو رايح كذا بسبة المبنى والبلديه
واي اخت عندها سؤال راح عن بالي ياليت تحطه علشان ااخوات يفيدونا