أخواتي الحبيبات الغاليات الطيبات
يسعد مساكم يارب
أنا وحده من المتنيلات بس ماراح أقول وش الحل مع زوجي ووش أسوي
لأنه ماله حال الله يآجرني في مصيبتي ويخلف لي خيراً منها
بالمختصر حتى تحسوا في وضعي
زوجي على مشارف الخمسين وأنهبل تالي عمره لايحشم ولا يقدر ويدور الزله تدوير
والله يزعل على أتفه التوافه ويسوي قضيه والمصيبة يشيل البيت مايحطه من غضبه
بالدقيقة يزعل وهو خلقته مكشر الله يرفع عنه وخلقه موب عاطفي الله يرحم حاله
فكملها
عاد أنا أحس إني بنهار قريب وإحتمال بعد ساعة
مرهقة نفسياً وجسدياً
عيشني أرمله وهو حي من أسلوبه الجامد
حتى الفراش مايعترف فيه
حياتي معه مجاعه
وأنا والله ماأستاهل هذا كله في قمة انوثتي وشبابي ومو مققصرة وأحاول ماأقصر والكمال لله وحده لكن الحمدلله على كل حال
صرت ماأركز ودايم أفكر في علاقتنا اللي خربت خربت حربت
لاتقولون كلميه وتقربي وحاولي والبسي
والله ماخليت ولا بقيت بس خلاص هذي قسمة ربي
أبي حبوب مجربه تعيشني ببرود
تطنيش
لامبالاة
تروق أعصابي
أنا مافيني إكتئاب
فيني قهر وغبنه بس
يعني ما أبي حبوب تضرني والا تسبب إدمان
والله إن توتري وحالتي اللي أنا فيها تصعب ع الكافر
لاتقولون طنشي واسفهي أنا إنسانة من لحم ودم زيكم
وبتقولون أستغفري وأدعي وأقري البقرة
الحمدلله أحاول أتقرب لربي بالطاعات قد ماأقدر
بس ماأقدر أستمر كذا أحس بيصير فيني شي
حتى الرقية أستمريت عليها قلت يمكن محسوده
بس أوقات أحس من تصرفاته إنه الشيطان لاعب برأسه
لاحسد ولا سحر
لأنه أوقات زعله يضحك خخخخخخخخ
تحسونه مغصوب يزعل بس مافيني أكتب مواقف لأن همي علاج وبس
تكفون لاتبخلون علي
والله وصلت لمرحلة أني أمشي ومدري وش أبي
ولاأركز وأنسى بشكل مو بسيط مفهية والله
حتى لما أروح للمستوصف أقلب أسم عيالي وأنسى متى انولدوا لدرجة الممرضات يأخذوني مضحكة:icon33:
صح كلن صار ينسى وكنت مثلهم بس حالتي صارت أشد +رجال عصبي
بينتحر مني إذا ماسبقته وانتحرت:icon33:
يلزم عليك تسجيل الدخول أولًا لكتابة تعليق.
منااااور2011
•
والله علاج ماعرف بس ادا تاخدي حبوب منع وقفي عنها بس العنوان يضحك القذافي محد يعيش معاه يكفي اللبس والله يهدي سرك اشربي يانسون يخليك مرتاحه وبث
بيت وسفر
•
ياااقلبي الله يسخررره لك يااابنت طنشي وحتى واذا عصب وخاصم سوي ولا كانك تسمعين وحااااولي تمسكين نفسك وشوي شوي تتعودين وانصحك ماتاخذين حبوووب راح تضرك اكثر ماراح تنفعك
والله العلاج انك تقوي شخصيتك وخليك واثقه من نفسك ولاغلط وقفيه عند حد ه
والدعاء ثم الدعاء والله يصخره لك
والدعاء ثم الدعاء والله يصخره لك
الله يصبرك والله مادري وش اقوال بس الله يهدي زوجك ويحنن قلبه عليكي والله معندي حل بس اذكري الله وستغفري
اذا زعل طنشيه واتركيه وابعدي عنه قد ماتقدرين عشان مايسبب مشاكل
واذا عصب اسكتي
مالك الا هالحل
والحبوب ابعدي عنهااا
واذا عصب اسكتي
مالك الا هالحل
والحبوب ابعدي عنهااا
الصفحة الأخيرة