دايما تقولي راتب زوجي اعلى من زوجك تقهرررني

السلام عليكم


اخباركم يابنات


بدخل بالموضوع ع طول
انا سلفتي مو مرتاحه لها ابداً ليش مادري
يالرغم انها انسانه اجتماعيه جدا والكل يحبها ويموت فيها ولسانها ينقط عسسسل
بس لاني جربتها عرفت انه كل هذا مظاهر وبس
مايني وبينها اي شي علاقتنا عاديه واصلا انا ساكنه بمنطقه بعيده مع زوجي بس قريب بسكن جنبها
المهم هي ماتكلمني الا اذا السالفه فيها حش بفلانه وعلانه والاغلب اهل زوجي او مرت حماي الثانيه اللي هي ساكنه فوقها حالياً


طبعا هي محبوووبه جدا من اهل زوجي تعطيهم هدايا وتشتغل وتنظف لهم وتعطيهم فلوس وكاسبتهم


انا بس لو رحت لهم زياره اسوي لهم اطباق وحلويات وينبسطوا مني وعلاقتي فيهم حلوه وتقول انه يقارنوها فيني من ناحية الطبخ وهي تحب تكون الافضل في كل شي بس كيفها
بس انا تعبانه نفسيا من تصرفاتها مادري كيف ابدا وكيف اتعامل معها


دايما تتكلم عن الناس واهل زوجي وسلفتي الثانيه مع انها طيوبه ومحترمه بس اهل زوجي مايحبوها لانها صريحه وظروف زوجها صعبه واكثر من مره اقولها كيفهم وانا مالي شغل في احد بس مايفيد
ودي نكون خوات تسال عني شخبارك شخبار عيالك ابد ولا مره حتى لو دقت على طول هلااا ايه اقولك ترا كذا وكذا
وتخلص سالفتها وتسكر
وتقهرني دايما تقولي انه راتب زوجي اعلى من زوجك بس تجيبها بين السوالف وانه تبي مصلحتنا ومدري ايش وانا ماقدر ارد عليها لان احنا نبني شقه فوق اهل زوجي وهم بعد نفس الشي بس احنا الحين ياجار وهم ساكنين مع اهل زوجي بدون اجار في بيتهم القديم وتقول انا احاتيكم مدري كيف بتتصرفون حيل وضعكم صعب اجار وبني شقه وقرض وسياره حيل احاتيكم وراتب زوجك مو مثل راتب زوجي اكثر منه واحنا بننقل الشقه الحديدة وانتوا يمكن تسكنون في القديمه علي ماتخلص شقتكم الجديدة
ومن زمان كل تقول كيف زوجك بيبني وهو في شركه عاديه احنا في حكومه ومو قادرين
وكذا مره اخوه قاله عطني شقتك لانه انت ماراح تبنيها احنا اولى لانها اكبر بس زوجي رد عليه وقاله انا شقتي ببنيها ان شاء الله
سعني ماخذين فكره علينا انه احنا ماعندنا ولا شي وهم احسن منا صحيح زوجي مديون وظروفه صعبه بس عمرنا ما اشتكينا لحد وانا اساعده لو قدرت وابوي يعطيني واشتري لي ولبناتي ونلبس احلى لبس ليش تكلمني بهالطريقه تحسسني اني ولا شي وانا بنت عز عشت مع اهلي حياه مرفهه وكل شي عندي بس الحين بحكم ظروف زوجي بس مع هذا كله للحين محافظه ع لبسي وعيالي بديت اشك في حياتي من كلامها ليش دايما تسمعني هالكلام حتى اتل زوجي يقولوا انتي اكششخ وحده في حريم اخواني ولبس بناتك اخلى شي امي حيل يعجبها لبسكم
وقبل فتره صارت بيني وبينها مشكله زوجي مو متقبلها نهائي لان اخوه تزوج بدون رضاهم كانوا معترضين عليها وعارف حركاتها وكل يقولي بعدي نفسك عنها اخر مره صار موقف انه ابو زوجي مريض منوم بالمستشفى وكانوا بيطلعوه خلاص بس ام زوجي قالت خلوه احسن له لان مافي احد يغير له وينظفه ويهتم فيه فتره بس هو مايقدر يروح حتى الحمام وانتوا بكرامه وعيالها كلهم باشغالهم بره المنطقه وزوجي سمع كلام امه يحبها ويموت عليها ويحب ابوه بعد حيل بار فيهم
جت سلفتي هذي وكلمتني وقالت لي انه زوجك مو واضي يطلع ابوه بس زوجي اللي يبي يطلعه وكلميه وقنعيه قولي له بعدين بناتك بيسون فيك كذا انا حزت بخاطري وقلت لها هو مو هذا قصده من لان ام زوجي مو راضيه وهو يسمع كلامها والناس يقولوا لهم المستشفى احسن له حالياً
المهم انا قلت لزوجي بس ماقلت له مين اللي قال عنه هالكلام وعصب الا تقولي مين قالتي عني كذا وانا مارضيت اعلم ودق ع خواته يسالهم اذا هم او لا
بعدين قلت له خلاص لاتدق ع احد بعلمك وانا ميته خوف ادري بتصير سالفه وقلت له زوجة اخوك قال متوقع وع طول دق ع اخوه وقاله خلها تعرف قيمة ابوي عندي وخلها تعتذر عن اللي قالت ودقت علي وقالت عادي انا اسولف بس مو قصدي شي وانا اسفه وانا قلت لها عادي بس زوجي كبر السالفه وماودي اقوله بس هو اصر يعرف مين وعلمته وقالت لا عادي احنا خوات انحطيت بموقف محرج معها حيل ع كلامها ما حسستها انها فعلا غلطانه وقالت بناته بيسوا فيه قلت لها ايه سوالف بس ومشيت الموضوع


ووخوات زوجي دقوا علي مين فلانه اللي قالت عن اخونا كذا وهو اكثر واحد يهتم في ابوي مارضيت اعلمهم وحاولوا فيني بس قلت عذروني ماقدر دوجي اجبرني والا كان حتى هو ماعلمته
انا سترت عليها لان لو عرف بتصير سالفه كبيره واستغرب انه مرت حماي الثاني تقولي انها قالت لها بالسالفه وانه زوجي سوالهم سالفه وهي ماقالت شي محرد سوالف عاد تقولي سامحيني يمكن يكون غيبه عشان كذا جيت اقولك هذي مرت حماي الكبير


انا انقهرتي يعني انا ماعلمت احد وسكت وهي تمشي وتتكلم علي وعلى زوجي عند كل الناس وتطلعنا ظالمين وهي مظلومة طبعا انا اعرفها اي شي يصير تنقله للكل هي علاقتها قويه مع خالات وعمات زوجي وبناتهم وصداقه معهم لان اي شي يصير لاهل زوجي تروح تقوله لهم او تروح تصيح لهم وتشتكي وهي قصدها تفضح اهل زوجي لانهم ظلموها


والله مدري كيف اتعامل معها وهل هي طيبه او لا انا مابي مشاكل معها بتكون جارتي بس مابي اكون ضعيفه بعد تجرحني وتدقني بالكلام وانا اسكت ودايما تتكلم ع زوجي واحسها تتشمت فيه لو صار شي بينه وبين اهله قالوا عن زوجك كذا وكذا وهي يعد يقولوا عن زوجها وعنها احيانا بس مستحيل اقولها لاني ماحب افتن
وزوجي ماقدر اقوله كل شي عنها لانه مايسكت عليها ويكبر المشكله وبيكلم اخوه وانا ماودي بهالشي


عذروني طولت عليكم