دايم اسمع كل مشكلة ولها حل هل القى لمشكلتي حل عندكم

للرفع


الله يعينك والله يهديها يااااااااااااااااارب

الله يهديها
لازم تستشيري الاخصائية الاجتماعية اللي في المدرسة
او اي اخصائي
فعلا على مايقولوا العيال هم اللي بيربونا

فترة وبتعدي ان شاء الله
حاولي اتقربي لها وفهميها ان هي الكبيرة واللي بتعملو ده بيزعلكم منها
وعليكم باسلوب الترغيب والترهيب

الله يعينك لازم اخصائي نفسي

heba 200

ام الدلوعة

الدبلماسية

مشكورين على المرور

المدرسه كم مرة طلبوني وتكلمو معي

تقول المشرفة انها متخاف من العقاب
وتعترف على نفسها
وتضرب البنات

هي قلبها مرة طيب حتى من القصص الي بها فقدان الام على طول تبكي وتضمني وتبكي عدك ضاربتها
دايم اتكلم معها واقول لية انتي كذا

تقولي ياماما الام المفروض ماتضرب ولاتعاقب الم مثل البنت مسيطرعلى فكرها اطباعها امريكا لانها درست بامريكا 4 سنوات
وتحب افلام هنا مونتانا والافلام المريكية

اختي ادام شايفه نفسها هي اللي كلامها بيمشي ما راح تقدرين تتحكمين فيها وأكيد تقدر تستشف هذا من نظراتج وطريقة كلامج معاها ..اختي حتى لو حبستيها بالغرفه وبعد شوي طلعتيها عشان ما تسبب المزيد من الازعاج انتي ما اثبتي نفسج قدامها بالعكس طلعتي شخصيتها هي القويه وانتي الضعيفه ....

اولا خليها تفهم انج انتي الام وهي الابنه باظهار شخصيتج القويه عليها طبعا مب بالضرب , اذا سوت شيء غلط اول شيء كلميها بطريقه هاديه نوعا وحازمه بنفس الوقت وكلميها وانتي قاعده مب واقفه لانج لازم تكونين بمستوى حجمها لان هالشيء يخليج تواجهينها عين بعين وهذه النصيحه من اخصائيين نفسيين للاطفال وتعلمتها من برنامج سوبر ناني..
تكلمي معاها واستفسري عن سبب اللي سوته واذا لقيتيها تصرخ وتستقوى عليج قوليلها انج راح تعاقبينها للي سوته وخذيها من ايدها ودخليها غرف بس ما تكون غرفتها او خليها تجلس بمكان تهتارينه انتي كمكان للعقاب بس ما يكون فيه العاب وتلفزيون واذا عمرها 8 سنوات خليها في هالمكان من 5 الى 8 دقايق و وقوليلها راح تقعدين هنا حتى تعتذرين وكلميها بحزم وبصوت واضح وخليها وروحي بدون ما تطالعينها او تلتفتين الها ومهما صيحت وزعقت لا ترجعين او تتكلمين معاها اضبطي نفسج وطنشيها وبعد ما يمر الوقت سيري الها و انزلي لها وقوليلها هاه بتتاسفين لانج سويتي كذا وهالمره بطريقه حنونه أكثر واذا اعتذرت ضميها وخذيها معاج وكملي على هالطريقه حتى تتعلم

بالنسبه لاخوانها ...شركيهم بلعبة جماعيه وخليهم يتشاركون فيها مثل الكنز المفقود كان تخبي اي شيء لعبه حلاوه اي شيء في مكان بالبيت وتسوين خريطه وتقولين لها انتي القبطان وخوانج باقي الفرقه وعليكم البحث عن الكنز واذا لقيتوه لكم جائزه .
ممكن نشتريلهم لعبة يلعبونها كذا واحد ويشتركون فيها .
دخليهم معاج المطبخ لعمل البسكويت او الفطائر ..وخليهم يساعدونج باعمال البيت من تنظيف واللي يساعد اكثر له هديه والباقين لهم هدايا اصغر .
تقربي منها اكثر يمكن انشغالج بالاطفال وخاصه انها كانت على حسب كلامج ماخذه البيت كامل بالدلع سبب الها صدمه انعكست عليها عاطفيا ..قوليلها انتي اكبر خواتج وانتي اللي ابيج تعلميهم الاشياء الحلوه وتكونين مثل لهم وانتي اللي تهتمين فيهم اذا ماما محد .

وربي يعينج ويعينا على تربيه العيال