الله يعينك بس موكل كلمه يقولها لي أحد أخذ بها..

لا وانا ناويه ادخل زوجي معي بس عقب كلامك شكلي بهون

انا لو زوجي يخوني ما أدخله معاي غرفة ولادة ...

افتحي هالسالفة معاه .. قولي له انا لو حملت مرة ثانية بخليك انت تكون معاي حسيت انك تحبني وتهتم فيني وخايف علي..

قصي علي وكذبي ... شوفي كلامه وردة فعله .. بطلع لج كل اللي في قلبه ويمكن يجرح..

بس انتي خليج عاقلة واقلبيها مزحة ... و بعدين قولي كل شي في خاطرج بس ما تكوني زعلانة ...

لان الزعل يخليج تقولين كلام تندمين انج قلتيه ...


ومرة ثانية لا تخلينه يوديج المستشفى بعد ادا ولدتي ..
في بعض الرجال يكرهون حريمهم ادا شافوهم يولودن قدامهم ... يحسون انه قرررررف ...



وبسسس

الله يعينك

الله يهديج يالغالية ....
ليش مدخلته معاج للولادة انا بصراحة ماأيد ان زوجج يدخل وياج ، لان الرجل غير المرأة بطبيعته ابسط الامور تلوع جبده المرأة تعتبر الولادة معجزة بحد ذاتها وتتحمل كل مايحصل فيها من امور وماتنقرف منها لانها تفكر بالروح اللي خرجت منها اكثر من تفكيرها بهالبلاوي اللي تطلع....
اختي تبينه يحس بمعاناتج كان بامكانج تخلينه وياج لحد مايفتح الرحم لحد معين وخلاص يطلع ،، وارد واقولج ماكان له داعي انه يدخل ويشوف الفحص كل شوي...
غاليتي
اعتبري هذا درس لج ان اللي ينطبق على زوج صديقتج مو بالضرورة ينطبق علي زوجج لاختلاف طبيعة كل رجل ، ومو اي نصيحة تسمعينها تطبقينها الله يصلحك ويجملج بعين زوجج يارب

حبيبتي ،،
شوف يوم كناسب وودي الاولاد عند اهلك او اهله وتجملي ورتبي بيتج وضبطي سهرة حلوة واعزميه
واجلسي معاه كلميه قوليله احسك متغير انا مقصرة بشي يابوفلان وانتبهي لاتجيبين طاري الولادة ودمعه من هني وبوسة من هناك وطيبي خاطره
ومااوصيج بالدعاء يالغالية



1-اللهم اني اسالك باسمك الحبيب الكافي ان تكفيني كل اموري مع زوجي مما يشوش خاطري ويسهر ناظري اللهم الف بين قلبي وقلبه كما الفت بين قلوب عبادك اللهم سخره لي كما سخرت البحر لموسى.

2-اللهم اظهر محاسني لزوجي واظهر محاسنه لي واستر عيوبي عنه واستر عيوبه عني.
3-اللهم سخر لي زوجي وسخرني له وباركه فيني وباك لي فيه.
4-اللهم كما سخرت الريح لسليمان وكما سخرت البحر لموسى وكما سخرت جبريل لسيدنا محمد سخر لي زوجي تسخير العبد لسيده اللهم كما صرفت نساء العالمين عن يوسف اصرف نساء الكون عن زوجي اللهم اقذف حبي في قلب زوجي كما قذفت حب عائشة في قلب النبي صلى الله عليه وسلم اللهم جملني في عينه واجعله سكنا لي واجعلني سكن له واجعل بيننا مودة ورحمة انك على كل شيء قدير .


اسمحيلي يالغالية لو ضايقتك او تعديت حدودي معاك ...