تكفووون ادع ـولي بالزوجه الصالحه محتاجكم ياعالم آدم
السلامـ عليكمـ ورحمة الله وبركاته ....
نورتوا موضوعي وقصم... ياجعلي ماخلى من هالشنبات من لحى مسدله ومن سكسوكات
انا من زمان وانا اتابعكم واعجبن فيه تواصلكم وقلوبكم على بعض
قررت افتح لكم قليبي واشكي لكم همي ..حتى امي ماتدري عن النار التي تسعر بداخلي .. ماتصدقون وش كثر يتفطر قلبي إذا شفت طفل يلعب ويضحك اتخيل انه ولدي بس احس اني منب صاحي واتعوذ من ابليس لأني مابعد اعرست ولاجاني نصيبي بعد .. اخواني عنسوا والسبه أنا وش السواة يااللحى الغانمه فكرت اكلم والعياذ بالله بس الحمدلله ربي بط على قلبي في اللحظه الأخيره يوم تذكرت ان البنات اللي يكلمون ماعندهم نية زواج ولعابات كل همهم اشباع النفس الحيوانيه
وانا رجال اخاف على سمعتي خبركم الولد مثل القزازه اااااايه موب مثلهن مهما سون وافعلن ينسون خرابيطهم بمجرد ماتتوب يقولون مافيه منها وإذا ماتسنعت قالوا زوجها غديها تعقل ياعمري ياحنا حاطينا حقل تجارب ..
اخوياي قاطعوني واطردوني من الإستراحه لأني مابعد انخطبت
ابوي دائم يرززني عند كبار العائله ويقولوهم إني رجال سنع أعرف أسوق بهدوء وأعرف اشتري من السوبر ماركت ولاينلعب علي بأي قطعة غيار في الورشه بس ماش الحظ عوج لو ابتل اصبصب لهم من هالزنجبيل والشواهي جعلهم يشرقون مايفتون عيونهم على رشاقتي وبشاشتي وكأنهم مالاحظوا أي تغيير على بشرتي اللي صار لي شهر اتبع برنامج الفراشه التجميلي ..حتى اني رجال جميل ماامدح لكم نفسي بس هذا الصدز الكل يشهد بنظافتي وترتيبي ..صراحه صرت اغار من عيال عمي وخوالي لاقالوا انهم يحبون يفاجئون زوجاتهمـ بحركات رومنصيه وليالي حمرا ويشكون من انهم سحالي عربجيات الرومانسيه بوادي وهم بوادي ..وغالبا مايدققون علي بالحكي الله يسامحهم خصوصا وليد يحب يغايضني وياخذني معه لمكتبة جرير يشتري كتب كيف تتعامل مع زوجتك وكيف تلبي طلباتها ..آآآآه ياحسرة قلبي متى انخطب واستلم المهر بيدي والله لأشتري احلى كوشه واتفق مع اكبر طقاقه تردح بالرياض كله ... امي طفشت مني من كثر وانا اوصفلها وش اسوي بليلة عرسي .. اقولها ابي الزفة تكون وانا امشي بالدرج تقول لا اخاف تطيح ويسحبك نفاش بشتك .. حتى حلاقنا عليم مل من كثر وانا اوصيه يجيب لي آخر موضات الصبغه ..اخاف تصير زوجتي من طبقة راقيه وماتحب الشعر الأسود الليلي وديرم ابو خشبه .. لاتقولون لي دق على خطاب .. لالا حتى ذولا جربتهم يجيبون لي صور بنات اشكالهم هيبه وثقل وخبركم انا حبيب ومااطمح إلا انها تكون وسيمه وتخاف الله فيني واهلها طيبين مايظلموني .. تصدقون لدرجة اني قررت اوافق اسكن مع حمولتي لو كتب ربي نصيب حتى لو كان حماي معي بنفس البيت انا ماابي إلا الستر .. اسف طولت عليكم بس هذا مجرد فضفضه وان تسان تبون اكمل لكم ماعندي مانع بس اللحين استأذنكم ابوي يناديني اروح اصلي معه التراويح عسا ينكتب نصيبي بهالإجتماع المبارك ويشوفني حدا هالشيوخ ويخطبني لبنته
اللهمـ سخر لي قلبها وسخر لها قلبي ولاتجعلها تناظر غيري اوتفكر تجيب لي ضر :icon36::icon36:
دعواتكم لي بالزوجه الصالحه التقيه ذات القلب المخموم
اللهم استرني وشباب المسلمين اجمعين ...
>
>
>
>
صدقتوا
ههههههههههه من قصه من وحي خيالي بنات ومتزوجات تخيلوا لو صار هالشي حقيقه وش تعليقكم ؟
:icon30::icon30::icon30::icon30::icon30::icon30:
00ياجعل حظي كبير00 @00yagaal_hthy_kbyr00
محررة فضية
يلزم عليك تسجيل الدخول أولًا لكتابة تعليق.
شقحاء14
•
:09:
هههههه آلله يسعدك خيـــالك جونآن
آممممم
آحسن لي ادوري إسباني
ابرك لي منذا السعوديين
خخخخخخ<<<<<<<<<تحـلم ><
هههههه آلله يسعدك خيـــالك جونآن
آممممم
آحسن لي ادوري إسباني
ابرك لي منذا السعوديين
خخخخخخ<<<<<<<<<تحـلم ><
ههههههههههههههههههههه
حلوة كتير القصة فشتلي غلي
يا ريت يصير هيك على الاقل يوم واحد بس
يسلمو
حلوة كتير القصة فشتلي غلي
يا ريت يصير هيك على الاقل يوم واحد بس
يسلمو
ههههههههههههههههههههههههههههههههههههههههههه
الله يسعدك ضحكتيني ..مساكين الحريم همومهن ماتخلص ..ليتهم يذوقون ربع الي نذوقه
الله يسعدك ضحكتيني ..مساكين الحريم همومهن ماتخلص ..ليتهم يذوقون ربع الي نذوقه
والله اني استغربت ههههههههههههههههههههههههههههههههههههههههههههههههههههههههههههههههههههههههههههههههههههه والله خيالك واسع ضحكتيني الله يسعدجوالله اني استغربت ...
تسلمين يالغلا الله يملا حياتك بالضحكات :icon31:
الصفحة الأخيرة
ههههههههههههههههههههههههههههههههههههههههههههههههههههههههههههههههههههههههههههههههههههه
والله خيالك واسع
ضحكتيني الله يسعدج