يمنع التجمعات بقسم السمنه والنحافه
الرجاء الأطلاع على قوانين المنتدى
http://forum.hawaaworld.com/showthread.php?t=2078166
اليوم كنت أقر أ موضوع لأحد الأخوات في هذا المنتدى الرائع وعجبني جدا الرجيم اللي كاتبته اللي يخص فصائل الدم ,
المهم تحمست مرررره وقررت اني اسويه وبأبدأ من يوم السبت المقبل إن شاء الله تعالى .
واللي حابه تخاويني تسجل هنا وزنها ومحيط الخصر
ونتقابل كل يوم جمعه نسجل من جديد ونقارن بين كل اسبوع وما قبلة , وفي نفس الوقت نحمس بعضنا البعض .
فوش رايكم , وهذا الرجيم نقلته لكم من موضوع الأخت حنين قطر الله يجزاها الجنة وان شاء الله تجيها دعوتي ودعواتكم بعد مانكون من الرشيقات ( كالغزلان )
تخيلي نفسك تلبسين اللي تحبين مافيه شحوم ولا ترهلات ... ( يالله يارب نصير كذا )
المهم لازم نسوي رياضة 3 أيام باأسبوع لشد الترهلات ولتسريع عملية النحت لجسمك الذي سيكون كغصن البان بإذن الله .
يله نبدأ
.ريجيم لفصيلة الدم O+
مرحبا خواتي بنات حواء ِ..
جبت لكم اليوم ريجيم لفصيلة الدم O+ريجيم حلو وايد ، تسوينه اسبوع وتاخذين راحه يوم ، وتعيدينه مره ثانيه ..
الريجيم من اخصائية تغذيه ، وهو ينزل من 3 -4 كيلو في اسبوع ..
طبعا انا ماجربته لأني حاليا أسوي الكيميائي ، بس لي صديقه جربته وتقول نزلها 4 كيلو في اسبوع ، وهي مب من الأوزان الزايده كثير يعني وزنها في السبعينات ..
الفطور : 2 توست + جبن ( قليل الدسم ) أو لبنه + شاي بالحليب مع سكر + عصير أناناس ..
(ثابت طول الاسبوع )
اليوم الأول :
الغداء : ( بروتين ) بيض أو لحم أو سمك أو تونه + سلطة ( طماطم + خيار + خس )
العشاء : ( بروتين ) بيض أو لحم أو سمك أو تونه + سلطة ( طماطم + خيار + خس ) + عصير اناناس
اليوم الثاني:الغداء: سلطة فواكه أي نوع وبأي كميه ماعدا ( البرتقال + اليوسفي + البطيخ + الشمام)
* يعني الموز والمنجا كله مسموح يم يم يمي ..
العشاء: ( بروتين ) بيض أو لحم أو سمك أو تونه + سلطة ( طماطم + خيار + خس )
اليوم الثالث:
الغداء:نفس اليوم الثاني بالضبط
اليوم الرابع :الغداء : ( بروتين ) بيض أو لحم أو سمك أو تونه + سلطة ( طماطم + خيار + خس )
العشاء :( بروتين ) بيض أو لحم أو سمك أو تونه + سلطة ( طماطم + خيار + خس )
اليوم الخامس :
الغداء : ( بروتين ) بيض أو لحم أو سمك أو تونه + سلطة ( طماطم + خيار + خس )
العشاء : ( بروتين ) بيض أو لحم أو سمك أو تونه + نص خبزه
اليوم السادس :
الغداء : ( بروتين ) بيض أو لحم أو سمك أو تونه + سلطة فواكه ( مع مراعاة الممنوع منها )
العشاء : ( بروتين ) بيض أو لحم أو سمك أو تونه + سلطة ( طماطم + خيار + خس )
اليوم السابع :
الغداء: 2 توست + جبن ( قليل الدسم ) أو لبنه + عصير اناناس
العشاء : 2 توست + جبن ( قليل الدسم ) أو لبنه + عصير اناناس
****************************** *****
طبعا اللحم يكون مشوي :)
طبعا هالريجيم حلو والأحلى ان ممكن تسوين اسبوع وتاخذين يوم راحه ، عقب تعيدين الاسبوع مره ثانيه ..
سواليف أمي ~ موضوع جميل ~
معكمـ بإذن الله ..
=)