السلام عليكم ورحمة الله وبركاته ..
اخواتي ورفيقات دربي ...
عندما كنت أمر بخطوات بحثي عن العلاج والسفر و تدهور النفسية لم أستطع مكالمة احد من أهلي أو صديقاتي لعدم رغبتي بمعرفتهم بالعلاج أو أثارة موضوع الحمل فهذا الموضوع كان يضايقني اكثر ويجلب لي النكد ولااستطع الفضفضة على زوجي لانه يشعر بالذنب والحسرة مثلي فكنت مابغى ازيد الهم عليه ..
وكنت اجيب معي دفتر او مجموعة اوراق واكتب فيها كل شيء احس فيه واقسم بالله اني وانا اكتب مااشوف شيء من الدموع والشهيق ومايحتاج اشرح لكم كيف يزيدها عليك الشيطان ويغلق كل الابواب بوجهك ..
وبعد فترة تجاوزت 5سنوات الى 10 سنوات بدأت دموعي تجف واخذت أفكر بعقلانية اكثر ان الدموع مانفعتني وانا جالسة ورب السموات والارض ورب العرش العظيم ينتظر مني انا العبدة الضعيفة طرق بابه وانا ذهبت لأخر الدنيا ودفعنا من المبالغ العظيمة وطلبنا هذا الدكتور ورجونا الدكتور الفلاني عشان يعالجنا ؟؟؟؟ ياربي نسيت اللي خلقني وحطيت أملي بالخلق ..
نسيت اللي ينتظر مني اعمالاً بدون دفع اي مبلغ وتوجهت للديون من اجل الخلق فقط ..
والله ثم والله جلست اتوضأ كل ليلة وادعو الله من قلبي وكل يقين بسماعه لي واجابته لي وكنت أدعي بكل اللي اتمناه حتى اتذكر اني كنت ادعي بكلام عامي وليس بلغة عربية مثل الادعية المكتوبة وكنت ادعي ان ربي ييسر لي العلاج وينور لي دربي واذا خلصت من الدعاء انام على طول وأقسم بالله اني كنت أصحى مرتاحة ونفسيتي حلوة كأني جالسة أحد يبشرني بالحمل وانا أعلم ومتأكدة ان ربي معي ماادري كيف اوصف لكم الشعور بس حسيت ان معي واسطة من ملك الملوك أو كأني طفل ينتظر قدوم نتيجته بالمدرسة كنت فرحانة وزوجي مستغرب نفسيتي وقلت له وصار احيانا يقوم بالليل بس بأمانة ماكان يقوم كل ليلة يعني بكيفه وطبعا ماكنت اجلس عنده ابدا اذا قام بالليل لأني ابغاه يطلع اللي بخاطره للرحمن الرحيم سبحانه وتعالى ..
بعد هذا الكلام بسنة كاملة تيسر لنا العلاج لدى طبيب والحمدلله حملت وجبت ولدي الاول ولله الحمد ياربي دعوتك ورجوتك وكل أمل بإجابتك ولم تتركني ياارحم من الام بولدها ..
بنات نسيت اقولكم اني بهذا السنة كنت اكثر من الاستغفار وزيارة الاقارب خاصة كبار السن ومايأست ابدا من رحمة ربي واذا سمعت كلام من احد يضيق صدري والله انتظر يجي الليل بسرعة عشان اطلع اللي بصدري محبوس ..
طبعا تسألون انفسكم الحين طيب ليش هذا الموضوع ..
ابغى من كل اخت متضايقة او فيه شيء بخاطرها او مانجحت عمليتها او ضايقها احد من جهة الحمل أو تكدرت نفسيتها أو زارها الشيطان انها تجي هنا وتفضفض كل اللي بخاطره وراح نوسع صدرها بإذن الله ونوقف معها بس الله يخليكم مانبغى نغتاب أحد ابدا وبدون ذكر اسماء الاطباء او الطبيبات أو ذكر خطوات العلاج فهناك مواضيع خاصة للخطوات اطرحي اللي بخاطرك بإذن الله ستجديننا بجانبك .. وراح تتيسر أمرك تنفرج نفسيتك المقفلة بإذن الله وعلى فكرة مو لازم انا اللي ارد عليكم فهناك اخوات يمتلكن أساليب رائعة ونفسيتهم أفضل مني بكثير ويملكون الدبلوماسية الممتازة فمن تجد في نفسها القدرة فأنا أحللها وابيحها انها ترد لكن في سبيل مواساة الباقيين ولا نزيد الطين بلة ..
:27:
الله يجزاكم دخول الجنان وفرحة الاخوان والبعد عن النيران ..
يارحمن أسألك ان تسعد كل أخت في هذا القسم وتبهج نفسها وترحم حالها وتسخر لها زوجها وان ترزقها يارؤوف وياعليم ياملك الملوك بالذرية الصالحة السليمة ..
:26:
وهذا مني لكل من قرأ موضوعي او شارك فيه ..
sense599 @sense599
محررة
يلزم عليك تسجيل الدخول أولًا لكتابة تعليق.
اخ موووضوع قووووووووووي وع الجرح الله يرزقني وكل محروم ومحرومه وكل مسلم ومسلمه
ومن قال امين ياااارب لي سنه ونص متزوجه ومررررررره بخاطري وبخاطر زوجي اني احمل والله على كل شي قدير ..
ومن قال امين ياااارب لي سنه ونص متزوجه ومررررررره بخاطري وبخاطر زوجي اني احمل والله على كل شي قدير ..
الله يعين بس
اهل زوجي واخواته دايم يدقوني بالكلام ... يبغوني ارد يابنات يجيني شعور اقول الى متى وليش ماوقفهم عن حدهم
بس اسكت واتحمل وزوجي يحب اهله بقوه مستحيل بيصدقني
تخيلي كل جلسه لازم دقه وتجريح ...انا ساكنه معاهم
ثاني شي شغلي تركته تدرون ليش ؟؟ صاروا الموظفات يعايروني بكثره مواعيدي ومديرتي ماصارت تاذن لي
تقول انتي مهمله وانا مبلغتها عن وضعي بس يارب لاتجعل حاجتي تحت خلقه
اه بس يارب لاتحرمني الذريه الصالحةكل ذا متحملته واكثر من غير جلسه قرايبنا مع اني صرت مقله بس ينظرون
لي كاني معاقه واللي عنده طفل تخبيه كل اللي معي صار عندهم 4 اطفال
ادري طولت بس حبيت افضفض
اهل زوجي واخواته دايم يدقوني بالكلام ... يبغوني ارد يابنات يجيني شعور اقول الى متى وليش ماوقفهم عن حدهم
بس اسكت واتحمل وزوجي يحب اهله بقوه مستحيل بيصدقني
تخيلي كل جلسه لازم دقه وتجريح ...انا ساكنه معاهم
ثاني شي شغلي تركته تدرون ليش ؟؟ صاروا الموظفات يعايروني بكثره مواعيدي ومديرتي ماصارت تاذن لي
تقول انتي مهمله وانا مبلغتها عن وضعي بس يارب لاتجعل حاجتي تحت خلقه
اه بس يارب لاتحرمني الذريه الصالحةكل ذا متحملته واكثر من غير جلسه قرايبنا مع اني صرت مقله بس ينظرون
لي كاني معاقه واللي عنده طفل تخبيه كل اللي معي صار عندهم 4 اطفال
ادري طولت بس حبيت افضفض
الصفحة الأخيرة
اختي بشطح عن الموضوع المشكلة كانت فيك ولا في زوجك تكفين رديلي