دعوه للتفائل قصة حملي

الحمدلله خلق اللوح والقلم.. وخلق الخلق من عدم.. ودبر الأرزاق والآجال بالمقادير وحكم.. وجمل الليل بالنجوم في الظُلَمّ.
الحمد لله الذي علا فقهر.. ومَلَكَ فقدر.. وعفا فغفر.. وعلِمَ وستر.. وهزَمَ ونصر.. وخلق ونشر.
الحمد لله صاحب العظمة والكبرياء..
الحمد لله يُحب من دعاه خفيآ ويُجيب من ناداه نجيآ...ويزيدُ من كان منه حيِيآ ..ويكرم من كان له وفيآ ..ويهدى من كان صادق الوعد رضيآ..
الحمد لله الذي أحصى كل شيء عددًا.. وجعل لكل شيء أمدا.. ولا يُشرك في حُكمهِ أحدا.. وخلق الجِن وجعلهم طرائِق قِددا.
الحمد لله الذي جعل لكل شيء قدرا.. وجعل لكل قدرِ أجلا.. وجعل لكل أجلِ كتابا.
الحمد لله حمدًا لشُكرهِ أداءا.. ولحقهِ قضاءا.. ولِحُبهِ رجاءا.. ولفضلهِ نماءا.. ولثوابهِ عطاءا.
اخواتي انقطعت عنكن فتره لظروف الدراسه والبحث انا من متابعات هاذا القسم كم فرحنا واستبشرنا وباركنا لاخواتنا الي من الله عليهن بالحمل والي ماحملت ندعي لها
انا ام لطفلين الفرق بينهم سنه الصغير له 9سنوات ومن بعده ماجبت طبعآ كل شي عندي سليم بدأت رحلة العناء مع المنشطات من دكتور لدكتور ومن مشفى لمشفى ومن مدينه لأخرى
استمريت على الوضع ذا سنوات في البدايه تنزل لي بويضات كثيره بعدين يادوب وحده تكبر بعد مايزودون لي جرعة الابر والحمدلله على ذلك
لحد ماجيت لدكتور سعودي اعجز عن شكره وخاصمني قال انتي استنفدتي مخزون البويضات الرجال ينتج لكن المرأه ربي خلقها وعندها عدد محدد صراحه فجعني والله
وانتي سليمه لاتاخدين منشطات الا لو قررتي تعملي صناعي او مجهري طبعآ توقفت وندمت بس بعد ايه وبدأت دورتي تتلخبط تجلس شهرين وساعات شهر ونصف واغلب شي بالدفاستون تنزل وقليله جدآ
زوجي كل هالفتره ماعمل اي فحوصات احنا الضحايا دايم العيب فينا كانو يقولون له اعمل تحليل ويرفض بحجة انه جاب ولدين قبل كذا اخيرآ قبل 3سنوات تنازل وعمل تحليل وطلع عنده ضعف في الحركه
بعض الاطباء قالو هاذا مايمنع الحمل وبعضهم قال يمنع الحمل اخذ فيتامينات وبرضو مافيه اي تغير قررنا نختصر الوقت ونعمل تلقيح اول نبدأ بالصناعي
عملت كذا مره لين اخر مره قالي الدكتور طبعآ لو مانجح هاذي المره خلاص مالك إلا الحقن المجهري العمر يجري فاختصري الموضوع اول مره عملت التلقيح بخرج عن الموضوع شوي
وانا استخدم الابر لسى ماعملت اشعه حلمت اني معاي 4عقود مره تجنن وسبحان الله مافيه ولا واحد لبسته واحد اعجب اختي ولبسته سبحان الله ونزلت لي 4بويضات وفشل التلقيح
وقلت لاختي انتي حامل شفتك لابسه عقد مره حلو جلست تضحك قالت كيف احمل وانا مركبه لولب الله يرزقك انا ماعاد ابغى الي عندي مكفيني
والله يابنات طلعت حامل على اللولب سبحانك ماأعظمك وحزنت وتألمت كثير لله حكمه في ذلك طبعآ انا قررت انسى موضوع الحمل تمامآ لين نفسيتي تتحسن
وقلت بسافر الاردن واشوف ايش يقررون راح زوجي عند دكتور ناس مدحوه لنا واعطاه ابر تفجير نفس الي احنا ناخدها بعد الكلوميد مرتين بالاسبوع يضربها لمدة شهر ثم يحلل
والحمدلله حلل وطلعت الحركه تمام انصح كل وحده زوجها عنده ضعف ياخدها حتى بدون مايروح دكتور ارجع لحديثي بدأت بقراءة سورة البقره يوميآ وخصصت لها وقت بين المغرب والعشا
اقرأ وانفث على نفسي وعلى كأس ماء واشربه حسيتها خفيفه علي مع الوقت طبعآ الحمدلله لي 3سنوات محافظه على صلاة الليل ومجتهده في الدعاء آخر الليل
وبين الاذان والاقامه وآخر ساعه من يوم الجمعه ولي برنامج يومي قرآن اذكار تسبيح بنات التسبيح وجدت فيه راحه عجيبه ولا تنسون الصدقه الصدقه الصدقه
سبحان الله والله والله والله ثلاثآ نفس اليوم الي كملت فيه اربعين يوم على البقره حللت وطلعت حامل سبحانك ماأكرمك فاللهم لك الحمد حتى يبلغ الحمد منتهاه
دعواتكم لي ربي يثبته واجيب احلى بنوته مشكلتي اتوجس من اي الم قتلني الخوف والقلق حتى الحركه اخاف منها ويارب في هاذي الساعه انك تعطي كل محرومه الذريه الصالحه
واوصيكم واوصي نفسي بالدعاء ثم الدعاء ثم الدعاء استودعكم الله واي استفسار انا جاهزه