دكتورة .. كنت على وشك ولادة و لكن ..

مرحبا دكتورات و بنات المنتدى ....

مع اني ماشالله عندي عيال و لكن هاللي صار لي ما صار قبل تبدا!!

المهم.. انا حاليا في الاسبوع القبل الاخير من التاسع .. يوم السبت في الليل شربت ملعقة وحدة خروع عشان انظف بطني لان الغازات كانت متعبتني و كان فيني مغص .. المهم ساعه و جاني وجع حسيت ان وجع طلق لانه كان يروح و يرجع بشكل منتظم كل نص ساعة .. رحت المستشفى و شيكت الدكتورة لقت الرحم عندي فاتح 3 سم و عنق الرحم 1.5 بس بعده غليظ .. و نبض الجنين ممتاز و في عندي تقلصات منتظمة و على حالاساس دخلتني المستشفى للولادة .. رحت لغرفة الولادة و سوولي كل التجهيزات و قعت من الساعه 12 ليلا الى الساعه 3 ليلا و انا اتألم و لكن الرحم مثلا ما هو...
جتني النيرس و قالت بعطيكي ابره عشان تقدرين تنامين مادام الطلق لسه في بدايته .. فوافقت على اساس انها طمنتني ان الابرة ما بتبرد او تأثر عالطلق و على اثر هالابرة نمت .. صحيت ثاني يوم الساعه 8 الصبح و تفاجأت ان الطلق الحامي صار بااااااااااارد و مب كنتظم و الرحم مثل ما هو 3 سم.. ما ادري اذا ابرة التنويم كان لها اثر لاني من خذتها نمت على طووول و ما كنت اصحى كل ما جاني وجع .. و ظل يبرد الطلق و الالم لين ما صار معدوم و لكن الدكتورة خلتني في المستشفى لانها توقعت ان في ولادة بعد الطلق اللي شافته .. و ظليت هناك لحد اليوم الصبح بدون طلق و لا الم و لا توسع ابدا .. و طبعا حالتي النفسية تعبت و كلمت الدكتورة و قلتلها خلوني اطلع مادام ما فيني شي .. المهم بعد نقاااش طويل كتبتلي على خروج .. و رجعت البيت .. و لكني محتارة كيف يبرد الطلق فجأة؟؟ و هل لان الرحم مفتوح ممكن اني يجيني الطلق مرة ثانية اليوم و لا بكرة ؟؟ او ممكن اظل اسبوع نفس الشي؟؟
شو اسوي عشان اساعد نفسي على تحمية الطلق ؟؟ هل الجماع بيساعد؟؟

نسيت اقول ان بعد الفحص الداخلي اول ما وصلت للمستشفى نزل على دم .. و لكن مادري هو علامة ولادة و كان من الفحص بس ..