دليل السياحه مع بنات عالم حواء

بسم الله الرحمن الرحيم
السلام عليكم ورحمة الله وبركاته
كيف حالكم ياأخواتي العزيزات وكيف الصيفيه معكم جهزتوا الشناط والا بدري شوي الصراحه انا محتارين وين نروح السنه هذي والمشكله اني ما أعرف الاجواء يعني مثل الشرقيه حلو جوها الحين والا في وسط الاجازه وأبها فيها أمطار والا موسم المطر خلص ياليت كل وحده من العضوات الحلوات تكتب لنا شوي عن منطقتها وأفضل الاماكن السياحيه فيها لاني الصراحه لما نروح لاي مدينه ناخذ معنا خريطه سياحيه ولكن على الدجه يروح اليوم كله وحنا ندوج ولما نلقى الحديقه المكتوبه في الخريطه تصيرمهجوره الصراحه مايعرف للديره الا أهلها وأنا أبقول لكم عن أفضل الاماكن عندنا مع أني متاكده مراح أحد يجي عشانها الا إذا كان عنده مناسبة زواج أوزيارة أقارب وعلى العموم اللي بيجي سياحه حياه الله...

القصيم عاصمتها بريدة وفيها اشياء كثيره بس انا راح اكتب احسن شي اعرفه واللي تعرف غيره ياليت تذكره فيه شاليهات العييري وفبه منتزه العييري وحديقة مركز الملك خالد الحضاري وجرين لاند نسائي وفيه يوم يجيبون فيه طقاقات وفيها مجمعات عندك النخيل بلازا والعثيم وسيتي بلازاوالحسون سنتر وافضل المطاعم فيشون والداجن والشقق المفروشه كثيره افضلها البرانس الذهبي والحين ننتقل لعنيزززززة والسياحه في عنيزة افضل من بريده لان الناس فيها كثيرين وهم اللي يحببونك في المكان عندك دريم لاند والمزروع اللي جنبه وبالنسبه للاسواق عندك مبارك سنتر وسيتي بلازافيه شاليهات عندك مذهله وهي حقامذهله وسعرها حلواليوم ب300بس مشكلتهم دايم فل يبيلك تحجزين بفتره وفيه شاليهات الرمال احجام كبيرب800والوسط ب650 والصغيرب500 بس الصراحه مذهله احلىوالمطاعم طازج السياح وهرفي والشقق فيه المصيف والكوثرمن مميزاتها تعرض قناة المجد وفيها دي سي ال وفيه شقق كثيرة ومطاعم وحدائق لكن هذابالنسبه للافضل عندي وياليت الاخوات من القصيم يكتبون ان كان فيه شي ماعطيته حقه وبالنسبه للجو حرررررروالطلعه تبداء من 6المغرب بس بالليل براد يرد الروح والان اترك المجال لكم تفضللللوا