دموعي ما توقف ابي شوركم 😭😭

يأخي هالمشاكل يأخي
بقول لكم سالفتي من طق طق لسلام عليكمممم
ربيت ببيت كلة مشاااكل وبعيد جداً عن الراحة
وكل يوم مشكلة كل يووووم
اذا مو يومياً اكيد ما بعد الهدوء الا العاصفة
يجيك مشكلة هالكبر ..
ثم أمي الله يخديها ويصلحها ويبعد عنها النميمة ونقل الكلام
سليطة لساااان بشكل فضيع
خصوصاً علينا بناااتها
وانا بالذات
لان من وانا صغيرة معروفة بالعناد
من عمري 8 سنوات
ياخي هذا طبع وما تعاملوا معي بالصح
بالتكسيح والضرب عشان يخف العناد
بالعكس ازداد ..
المهم كبرت
و دخلت للكلية واجهتني مشكلة مرة سئية " بذكرلكم هذة المشكلة في موضوع اخر "
زود ع مشاكل البيت
وانا من طبعي بالبيت لو اجلس مع امي بالصالة تبدا تسوي مشاكل وخلااااص الصبر نفذ
فصرت ارجع من الجامعة اجلس بغرفتي
تجنباً للمشاكل..
على مشاكلنا بالبيت والمشكلة الي واجهتني
صرت عصبية وانفعالاتي زااادت بشكل
رحت الصيدلية واخذت حبوب
"سانت جون " او "جون سانت " مو متذكرة
انها تنفع للأكتئاب وكذا
صحيح لمن اخذتها
امي تصارخ والا تتهاوش هي واخواني
اقول ليش هذول يتهاوشون
ليش ما يعيشون بدون هواش
واحس هواشهم ماله داعي
ويوم تهاوشني اطالع فيها واضحك صرت اخذ الامور بأقل تقدير
يعني في اثناء حديثها اتخيل انها تقول نكتة 😂😂
والحمدلله صرت ما اغضب ولا ازعل حتى لو ينتفون شعراتي 😁
وتركت الحبوب خلاص ما لها داعي
قلت بسوي زي تأثير الحبوب
اذا حد يبي يخانق سويت نفسي ما اسمع
ونفع معي الحمدلله
بس مرة زعلت مرة مرررة من امي وخلاص انفقع قلبي
طفح الكيل
رحت هاوووش وصارخت وطلعت كل الي بقلبي
وهي تدعي علي 😭😭😩
ورحت غرفتي قلت ما لي الا اني اسوي نفسي مجنونة
وقصيت شعري زي الولد تو بديت بالجزء الاول
وانا في اثناء ذلك
تحسفت ع شعري 😭💔
جلست شوي وجلست ابكي ع شعري الي خرب
وطلعت بقية الحبوب الي كنت استخدمها
قلت لاجت امي اصيح واقول"
:" بسببك
خلتيني استخدم الحبوب
وانا بسبب المشكلة "الي بذكرها لكم بعدين " بس ما علمتها وش المشكلة صرت ما اجلس مع بنات الكلية "
وجت وجا اخوي استغربوا وجلست تصيح وهو يسأل وش فيك ووش وما انتهت ذيك الليلة السوداوية الا بعد ايش
انصدموا بشكل فضيييعع
بعد ذيك الليلة ويحاولون يتجنبون المحادثة معي وزعلي
بس الي ما حسبت له
صاروا يعتبروني مجنونة
اية مجنونة 😭😭😭
المهم كان فترة اختبارات السنة الي فاتت
وداومت وكلن يسأل عن شعري 😩😩
وعدت الايام وطبعاً عشتها بغرفتي العزيزة
وثبت امر الجنون علي
طبعاً امي ما خلت وبقت احد الا وقالت له عني
ووحدة من خالاتي تقول انتبهي لها من داعش 😂😂
صراحة امي تعدت مراحل الحقد
بأخبارها الكل
المشكلة انا حية ارزق وبكامل عقلي 😅
بس الي سويته عشان تفكني من صراخها لي بالطالعة والنازلة
و انخطبت قبل كم اسبوع * هذة ثالث خطبة الي قبلها كانت وعمري 19 ما وافقت* ليتني وافقت وما قعد بذا البيت الي حطني مجنونة
وجت تسألني زوجة اخوي
انا الرد مني الموافقة والله لو يجي ابو بلة بهاليومين اني اوافق
وخبرت اخوي اني موافقة
وجا يستشير امي
لحد الا ما ادري وش
بس الي اسمعة منها يوم خواتي يدقون تقول كيف ازوجها وهي تعبانة 😩💔😩💔
اتوقع يبوني اقعد معهم طول العمر😭
وقبل شوي جلست معها ليت الله ولا هالجلسة
قالت اهتمي بنفسك ودراستك وعالجي نفسك وترا طلابك كثير
بس كيف اوافق وانتي مريضة كذا 😨😱
قلت يمة ما فيني الا العافية الحمدلله
قالت كيف ما فيك الا العافية وانتي تقعدين بغرفتك اسبوع اسبوعين ما نشوفك
قلت والله ما جلست هناك الا ابتعاد عن المشاكل
وخواتي المتزوجات كانوا قبل كذا
😐
قالت وش يعني قصدك عشاني تبعدون عن مشاكلي 😩
قلت الله المستعان يمك خلتيني عند الناس المجنونة
قالت المرض موب عيب
قلت ادري المرض موب عيب
لكن ليش اقول انا مريضة وانا ما فيني الا كل عافية
قالت اجل اثبتيلي انك منتي مريضة
امي ياجماعة امي والله خسارة عليها اسم ام الله يسامحها
سليطة وتفرح اذا هاوشني ابوي كذا من الله تكون زعلانة ولا سمعت يهاوش يوووة تفرج اساريها سبحان الله
بنات وحريم وامهات
ابي منكم مساعدة ومشورة ليت الله ولا ذيك الليلة السودا ابو قصة شعر
امي اخذتني سالفة اذا طفشت جلست تشاور بها القاصي والداني
خلاااص عفت البيت
وانا موافقة ع الخطيب بس امي مدري احس موب مخليتني
ابي اشوف حياتي ابي اعيش زي زي اي بنت
عاد يالله كانت امنياتي اني اكمل دراستي واتم آنسة
انا لو يجي دولشاد خان سواق ابوي وافقت
من الظيم الي اشوفه هنا ..
طبعاً عمري 20 سنة
والله احسني عشت 40 سنة واحس ما باقي لي سنوات تكفي لمحي حزني السابق ..
ابي رايكم وتعليقكم ..
خصوصاً الامهات الكبار 🍃