ما شاء الله اليقنت جبسك واو مررره حلو وكلاس الله يتمم لك على خير

صبااااااااااااااااااح الفل ....>>> اتحدى في احد قاعد ..

يا ربي باجر قصدي اليوم خخخخ عندي موعد لتنظيف اسناني بمووووت من الخوف وقاعده احاتي .. ودي اسوي لهم تبييض بعد بس وااايد غالي الميزانية ما تسمح اللحين .. خصوصا والظاهر ان حماتي اخت زوجي بتنخطب بعد الله يتمم لها على خير .. ><>> > شفتو الورطة ما دورو اعراسهم الا يوم بنينا ..

المهم طمنوني اذا احد سوا تنظيف ولا تبييض لاسنانه ..>>> كأن احد بيعطيك وجه ؟!!

اليقنت ستايل ..
ما شاء الله تبارك الرحمن وااااااااااايد حلو ونظيف شغل جبسكم وش جنسيتهم هالعمال ..
واما الخدامه اشوفك انضممتي لحزب >> لا للخدم !!
والله الفراق عنهم غنيمة وراحه نفسية وما تحدنا الا الظروف ودام انتي بعافيتك وبصحتك اللحين وما تشتغلين ريحي بالك عنهم ليما الله يفرجها ان شاء الله وتسكنون في البيت الجديد بعدها قدمي على وحده جديدة .. والله يساعدك ما شاء الله العيال يبغا لهم قوة وصبر وتحمل ... والله يعينك على تربيتهم وعلى شغل البيت ..

وفاء ..
ما جاوبتي على سؤالاتي .. يالله جاوبي واخليك الاولى بالتغشيش هههههههه ..

قهورة .. >>> من وين طالعه الشمس ... كح كح كح وحشتيييييييييينا يا شيخه .. كل هذا ضايعه هههههههه
وااااااااو حلوووووين واااايد الصور ويصلحون حق حمامات العيال .. بس ما قلتي لنا عن اسعارهم اشلون ؟ وكيف ضعتي يوم رحتي سترة هههههههههه وانا كنت اتطنز عليك اقول قهورة راحت مدينة حمد للمعرض وضاعت اتاريك ضعتي في سترة هههه بس ها عسى بس لقيتي شئ عجبك ؟ ورحتي محل عبد العزيز اللي في مدينة حمد ؟
بالنسبة للسبوت لايت لابد انه يتحدد بعد الجبس عشان يكون مع الديزاين والتصميم اللي انتي اخترتيه .. يعني اول اختاري الجبس بعدين حددي عدد ومكان السبوت لايت .. واتوقع العدد 6 كفاية وخصوصا ان انتي بعد بتحطين ثريا ..
ترانس السبوت ( الجهاز الداخلي للسبوت ) نوعيته فليليبس اما اللمبة ( النوع النمساوي ) اسمه اويستر ) واما المفاتيح على ما اظن بيركر الالمانية ..
هاذي المعلومة كنت مسجلتها من كلام بنات الديوانية عندي بالدفتر خخخخخخخ بس ما ادري عنها ..
وبعد في نصيحه اتذكرها وااايد اقرأها وقالوها بعد البنات من قبل .. مفاتيح السبوت لايت لابد ما اتكون كلها في مفتاح واحد لا خلي سبوت وترك في مفتاح .. بمعنى السبوت 1 و3 و 5 في مفتاح .. و2 و4 و6 في مفتاح عشان لو بغيتي الانارة تكون خفيفة لج ما يسوون لك السبوت لايت جهة اليمين في مفتاح والجهة اليسار في مفتاح لو طفيتيها تصير الغرفة نص مظلمة ونص منورة .. لكن الطريقة الاولى تخلي الغرفة كلها منورة لكن الاضاءة اخف .. >>> تعبت وهي توصل هالمعلومة خخخخخ ...
والله ييسر لك امورك ويرزقك ان شاء الله بولد الحلال اللي يستاهلك وتستاهلينه .. وتجين اتشاورينا ببيت العمر ان شاء الله يا رب يا كريم ..

>>> بروح اصلي اذن وفرغ وانا لهيت في النت .. تصبحون على خير هههههههه

صباح الخير

هلا والله غل غل >> حلوه غلغل خخخخ

امس كان عندي تنظيف اسنان اهو ما يعور وايد بس مادري شعور كريه ماحب التنظيف بس الاسنان يصيرون وايد حلوين من بعده والمفروض التنظيف يكون كل 6 اشهر طول عمرج على كلام دكتوري بس حريمته ماراح يشوف ويهي الا السنه اليايه خخخخ

ماتذكر اسعار الحمامات بس كانت معقوله مو وايد غاليه مو مثل حاجي وربعه الي اسعارهم نار ... هذاك اليوم رحت ستره وماعرفت وين المحلات مسويه روحي ابو العريف وطاقه الويه وادور المحلات مافي ههههه

انا على بالي انهم على الشارع مجابل مجمع ستره بس ماجفت الا معارض السيارات وكان ليل وظلام وماجفت شي بس هالمحلين ودشيتهم .. مارحت مدينة حمد بعد ان رحت هناك باضيع ولا باعرف شلون ارجع البيت خخخخ

بس خلاص قررت اخذ من المحلات الي يمنا في عراد على الاقل جريب مني وفي الصراحه وايد محلات وخياراات وايد واسعار حلوه عشان بعدين لو يمكن ينقص مني شي اقدر بسهوله اروح لهم مو سفر على جسر ستره ويا هالتعديلات في الشوارع هناك الواحد يكره نفسه في الزحمه

وعن السبوت لايت انا كان في بالي ان اركب نصهم اضاءه صفره والنص الثاني ابيض عشان اقدر اتحكم بالاضاءه وقت الي ابي قويه او ضعيفه شرايج ؟؟

بس حلوه فكرتج ان اخليهم في سويج واحد نص ونص >> ويه يفكر خخخخ

ان شاء الله ما انقطع عنكم وباشارك اذا عندي شي يديد ..

حاليا احنا صبو الريدي مكس وامس يه الكهربائي يجوف المكان وقالي حددي اشكثر تبين سويجات وسبوت لايت .. في الويكند باسوي لي رسمه وباحط كلشي باحدده عشان ما انسى شي

صبااااااااااااااحووو ..

شخباركم ؟ >>> ويه متنفخه ضروسه وفيه نوووومه .!

قهورة ..
اي والله صدقتي عن الاسنان انا قاعده على الكرسي وانا اسب في روحي لعنت اليوم اللي فكرت فيه بالتنظيف خخخخخ بصراحه يعوووووور والدكتورة قالت لي عندك ضرس مسوس بس انا طنشتها انا تنظيف وطلعت روحي خخخ اشلون لو فيها بعد علاج ؟
بالنسبة للمحلات تأخذين قريب منك احسن عشان لو نقصك شئ ما تتورطين بالروحه والجيه بس لابد الواحد يأخذ لفة حول العالم عشان يجمع له افكار ورؤيته تكون واضحه ويقول المثل الفرجه ببلاش.. والمحلات مو صوب المجمع عند دوار البا على ما افتكر اسمه جذي ودوار نويدرات كأنك بتروحين سند ..
بس والله مشووووار .. وما قلتي لي شنو اسماء المحلات اللي عندكم في عراد اشوف اغلب المحلات لهم فرع هناك ؟
الاضاءة الافضل تختاري بيضاء وصفراء تنوعي .. والثريا خليها صفراء احلى ورومانسية اكثر ..

بسألك عن عملية العيون لازلتي تحطي لك من القطور ؟؟ انا تمللت منه وانساه بعض الاحيان خصوصا هالايام عطله وطلعات .. لمتى لازم نداوم عليه واللحين تحطيه كل كم ساعه ؟ وانا ودي اشتري عدسات ملونه يعني بس للشكل خبرج للحفلات والاعياد .. بس خايفة تأثر على عيوني انتي جربتي تلبسين عدسه بعد العملية .. وخصوصا ان صار لنا مدة مسوينها اتوقع عادي لو في في مشكلة !!