ام عبد العزيز .. بالنسبه لتحت الدرج انا زيك ما احب الحركات اللي تحت الدرج ولا دخلت مزاجي...احسها كلها خرابيط سواء رسوم او شلالات وبراكين او او او
زي ماقالت قمرا كرسي وطاوله و لوحه كبيرة مع ستاند الرسام وشويه شجيرات طويله

وحتى فكرة تلفزيون تحت الدرج ما افضلها ولا له لزوم... دام انه هول مو صاله معيشه.

رد على السريع

قمرا الله يبارك فيج حبيبتي .. المغسله للأسف نسيت اصورها في المحل ولما جابوها البيت طبعا مو مركبه بس ان شاء الله لما يركبونها راح اصورها وانزل الصوره

غلا

نسيت ارد عليج بخصوص المكسر الشلال انا بعد ماحب الماي مايكون قوي وهذا اهو خوفي الوحيد اما بخصوص اليهال تدرين هذا بيكون حمامي الخاص يعني محد بيستخدمه غيري وماعندنا يهال .. ولد اختي توه بيبي ما يمشي واعتقد على ما يمشي ويوصل للمغسله بينتهي عمر المغسله ولازم اغيرها خخخ

والسبوت لايت احس المدور احلى من المربع واكشخ .. في محل اسمه الفنر توه فاتح عندنا المحل كبير وشكله كشخه ان شاء الله باروح له وبشوف اذا عندهم شي حلو

ورود الدار ..... ايش هذاااا !!!!!!!!!!!!
والله قلبي عورني لما شفتها ...
الصراحه تعب فيها وخبصها بمزاااج على كيف كيفه!!!! ومسويها كأنها دواليب مطبخ من النوع القديم حق اول مدري ايش يسموه شعبي مدري وطني.....كله كوم والقطع المستطيله اللي بالنص كوم .....والكوم الثاني بويتها الزيتيه اللماعه !!! لاااا ومعرجها كماااااااان !!!............... يادي الهناء
لاااااا للتفصيل وبالذات عند ناس لا بروفيشنال ولا لهم سمعه وصيت
لا تستلميها واعترضس بقوة بحجة انها مو نفس الموديل ...خليه يبيعها اكيد بيلقالها زبون وروحي اشتري جاهز ابركلك ..ولا تستعجلي هذه الاشياء ممكن تتأجل ..خليها الين ربي يفرجها عليكم

استرخاء...كلام زوجك سليم 100%
الديكورات حاليا مالها داعي........ خليها الين تبدؤا التأثيث (( والثأثيث عادة مايكون في اول سنه ولا ثاني سنه اساليني انا .. يادوب قدرنا نأثث الصالون بعد سنة))
وعشان ما تتقيدوا بالبويات والديكورات اللي عبال ما تأثثوا تكون قدمت وولت مع انها كانت مكلفه وطلعت اشياء جديدة ......وكمان عشان تحسوا ان كل شي جديد × جديد

السلام عليكم ..

قمرا ..
لا مو العمة هيلة .. العضوة انفنتي اللي عرضت من قبل صور بيتها هي اللي رافضة احد يعرض صورها لانها مسحتهم من المنتدى بعد ما حذروها البنات من العين والحسد لان بيتها ما شاء الله روووعه قليلة عليه ناعم واثاثها كله راااقي ..
المطبخ لا خلاص ما ابي اسوووووويه لانه مو داخل مزاجي اصلا بس افكر اسوي الكاونتر مبني .. كأن انتي مسويته جذي اتذكر مرة خليتي صورة جبسه اللي كأنه خشب طيب كم مقاسه وارتفاعه ؟ وهل سويتي له خزاين الجهة الثانية لو خليتيه مفتوح وفيه رفوف من داخله ؟ وكيف طريقته اذا تقدرين تشرحينها لي ؟

ام شيماء ..
اهلا فيك اختي بس صور المسابقة جابت لي علة ما تفتح كلها وتأخذ وقت طووويل لذلك فضلت عدم المشاركة لاني ما شفت المشاركات كلها ..

ورود ..
مشكورة على سؤالك يا قمر كفاية اهتمامك .. انا صار لي كم يوم ما اتصل لها من يوم ما راحت بيت اهلها والله يعينها .. المغسلة ما ادري مو مبينة عدل بس شكلها كأنها خزائن مطبخ . اكثر من مغسلة انا رايي بعد ترجعونها لهم دام انهم ما ضبطو لكم الموديل لان الغلط منهم عساكم بس ما دفعتو لهم كامل ؟

استرخاء ..
في مسلسل اسمه تامر وشوقية يعرضونه في الام بي سي المغرب .. قبل يوميات الرابح الاكبر .. عاجبني لون السماوي اللي في شقتهم اللي في الصاله وخالطين معه اللون البني واشويه وردي واشويه بيج .. مفكرة اسوي غرفة ولدي هاذي الالوان بس يمكن بدل الوردي اخلي برتقالي فااااااااتح اللي جاي مخلوط وياه ابيض ؟ ترى من كثر ما تتكلمون عن الالوان صارت عيوني لا اراديا تبحث عن الالوان .. بس صدق شوفي هالمسلسل حلو ديكوره .. مرة سألتي عن المقاول .. الحمد لله على كل حال ما شفنا لحد الان خيره ولا شره عااااادي ..

رتووش ..
وذي تيجي ؟؟ اشتقنا لج وااايد .. يا عسوووووووووووله .. وتعودنا على طلاتك علينا ..

قهورة ..
يالله روحي المحل وعطينا التقرير .. الا بسألج شنو المحلات اللي صوبكم في عراد عطيني اسماء المحلات .. لاني ناوية من هالشهر نبدأ بجولات البحث عن البلاط وعن وعن وعن وعن الخ من امور البناء اللي ما تخلص .. وشنو اكثر محل عجبك ؟

وفاء ..
طريقتك حلوة ناوية اقلدج واسويها لاني احس روحاتي للمحلات على فشوش انسى السعر والاسم والشكل وكل شئ وزوجي قايل لي شيلي وياج مفكرة وقلم وكتبي بس انا استحي بخليه هو اللي يكتب خخخخخخخ ..

بنات بسألكم وش اسمه الرخام اللي فيه عروق مارونية ؟؟ وهو لونه بيج ؟؟ عجبني شكله كان حاطه صاحب زوجي اللي دخلنا فلته ؟ ومخلي هذا الرخام بس نسى زوجي يسأله ..عرفتوه ... وبكم سعره ..؟