استرخاء :

الحمد لله ان الصفحه فتحت يمكن 20 محاوله وكلها تعثرت:09: السلام عليك جميعا اتمنى انكم بخير وعافيه تصدقون من الفرحه ضاع الكلام ههههههههه نبدا شوي شوي اولا ام حنونه وطيبه ماشاء الله الصور الي عرضتي حلوه واول وحده صورت الاوفس مره ذوق وفكرتها جديده لكن العيب الوحيد انها غير عمليه حيث ان الاوفس عادة `, ذو مكان صغير كونه يقتطع من الصاله مما يجعلنا بحاجه لاي ماكن واي مساحه فيه لتكون خزائن للمطبخ للاكواب والاشياء التى تحتاجونها في الاوفس والدواليب اكثر عمليه من اللوحات وانتي فكري فيها اذا انتي زيي تحبين الدواليب الكثيره كون المكان صغير اظنها ما راح تناسب يعني لازم نجمع بين الجمال والواقعيه وماشاء الله مره اخرى انكم اخذتو ارضيات البيت جعلها مباركه يارب ولا تتوقعين ان كثر الف يعطي نتائج افضل او توفيق في الشراء ترى ماهان تبارك والمكتوب ماعنه يعني انتي استخيرى وادعي دعاء دخول السوق دائما وتوكلى على الله وعندي نماذج حيه حمام بنتي كثر مادرت كثر ماخبصت فيه :( وصار اقل جمالا من بقيه الحمامات لكن مانبين لها كذا عندها علشان ماتزعل طيب انا مافهمت انتي في مرحله التبليط ولا الجبس ؟ لانك ذكرتي انك في بلطتي الحمام -ماشاء الله حلو-وعرضتي صورته ثم ذكرتي انك مختاره تصميم للجبس يعني تشتغلين الشيئين معا ولا انا فاهمه خطاء يمكن خربطت من كثر المشاركات شويكار كلنا صارمعنا كذا انا راعي الجبس حطي لي تصميم مدخنه( فير بليس) مكان المغسله ولا يقول حاسبوني عنها عادي تصير في كل بيت وسعي صدرك ياما للواحد بيتعود صح كلنا نتضايق لكنه بتمشي الدنيا كذا ولا كذا :) حمطانه والله ماعندي فكره مابعد وصلت لهذه المرحله لاني مااشتريت مكيفات لسى بس تسليك والله اذا مركزي يمدحون( ترين) امريكيه وانا ماجربتها لكن مثلك اسمع من الناس فقط غلا ياحبي لك بديتي في الحوسه واللفلفه يااااااااااااااااليتني اقدر اروح بالحالي :44: كان انحلت امور كثيره اقلها :arb:ما يعصب ويتضايق ويتبرم -اضيفي يتبرم تراها من المصطلحات التي بتتعلمينها لاحقا -من المشاوير واطلع حسب الوقت الي يناسبني واني اشوف براحتي وووووواشياء كثيره خليها على ربك بس تدرين ودي ان عندي سواق خصوصا هالفتره لكن الاماني لاتقدم ولا توخر المجموعات اللونيه التي عرضتيها مره ذوق لكن علشان تتضح الرؤيه اكثر ودنا تعرضين -اذا عندك- صور تبين اليه الدمج بين هذه الالوان لكن انتي وصلتي للارضيات ولا طلعتي جوله استطلاعيه وين وصلتو بشري عساكم ماشين ايه ذكرت اذا على غلا الاسعار وين اي 400 للرخام كريم مارفل يازين الرخص عندكم هوفعلا حلو مره الكريم مارفل ومايحتاج تردد لكنه يحتاج سيوله جامده عندنا اغلى من ما ذكرتي بكثير يعني اخر مره سعرته -في شهر 8 عند الملحم والنافع كان الالواح منه ب680 ريال نخب اول الله يستر علينا من الغلا ببنات عندي نقطه ودي انبهكم عليها للي مابعد حددوا ارتفاع مداخل الفله -انتبهو مداخل الي تدخلين منها على الصاله والمجلس وليس ابواب الشارع وضحت النقطه كلما زدتوا ارتعاعها كلما كانت اجمل لان التصميم مهما كان جميل اذا المدخل طوله من مترين الى مترين ونصف يطلع شكله مهوب فخم وانا انتبهت لهذه النقطه لكن ما كتب الله اني اعدله لان البناي كان يقول لازم صب عتب لسقف الباب من جديد وهذي يبيلها عمال ومايجون على امور بسيطه زي كذا وصعبها علينا وما غيرت شي لكني كلما اشوفه اتخيل انه لوكان اطول لكان له فخامه وهيبه المدخل شوفوا صور الانترنت ليش الابواب فيها حلوه لان الباب وش طوله يمكن 3-4 متر هو صحيح يكلف اكثر لكن يمكن تطلعينه من فرق اختيارتك في جانب اخر لانه مره مهم

الحمد لله ان الصفحه فتحت يمكن 20 محاوله وكلها تعثرت:09: السلام عليك جميعا اتمنى انكم بخير...

استرخاء :

بنات امس الليل حاولت ارسل الرد لكم وما رضى ينرسل تدرون وش سويت نسخته في ملف في الوورد ويوم قمت ارسلته لكم تراها انسب شي مع المنتدى اذا خبص -للامانه هذي فكره قمرا الله يجزاها عنا خير هي الي نصحتنا بها واول مره اطبقها :biggrinloيعني وراكم وراكم ماكو فقك

بنات امس الليل حاولت ارسل الرد لكم وما رضى ينرسل تدرون وش سويت نسخته في ملف في الوورد ويوم...

استرخاء :

حمطانه ليش تاخرتوا كذا؟:( طيب لما بلطتوا كيف استخدموا المناشير لقص البلاط يعني ماعندك ماتور كهرباء من الشركه موقت لا يضيق صدرك تراها مودايم تتاخر من حي لحي تفرق وترانا في الرياض اسرع من جده لان جده غير لكن نصيحه للبنات جميعا قدموا بدري وش بتخسرون اصلا حتى لو جهز وركبوا لك العداد وكل شي تمام مايبداء يحسب رسوم ويشتغل نهائي الالما تخلصين وتشيلين المخلفات الي بعدك شرط من عندهم :( بعد وترى الي يتاخر في تقديم الكهرباء ويكون اخر واحد في حارتها -ضمن مقاسات ومساحات معينها الف ومافوق -يلزمونه بغرفه الكهرباء لان الجيران كل واحد يكون رفضها ويجي هو اخر واحد يلزمونه بها عاد تطيح في راسه

حمطانه ليش تاخرتوا كذا؟:( طيب لما بلطتوا كيف استخدموا المناشير لقص البلاط يعني ماعندك ماتور...

استرخاء :

شاعره المليون عذرا عن التاخر في الرد لكن ماكان المنتدي يقبل ارسال اي رد كل شي يرفضه 3 متر للبوابه اراها مناسب لان كلما زادت كلما كانت التكلفه في التنفيذ اكثر وعاده الابواب الحديد الي بشكل خشبي وفيها لكسان اسعارها من 100-الى 1400 للمتر المربع واحسبي عاد كم بتكلف يعني عرض 3 متر في ارتفاع 3,5 ونها بوابه =يعني 11متر تقريبا اضربيها في الحد الادنى علشان ما اقلقك يصير 11 الف ريال هذا سعر المحلات لكن الورش اتوقع ارخص انا اذكر قمرا الله يذكرها بالخير مره مدخت لنا شنقيط وقالت على ما اعتقد انه اخذ لهم المتر ب500 اتمنى اني افدتك

شاعره المليون عذرا عن التاخر في الرد لكن ماكان المنتدي يقبل ارسال اي رد كل شي يرفضه 3 متر...