راتب زوجي والبيت

السلام عليكم...رجاء للمشرفات لاتنقلون موضوعي..
انا يا اخوات زوجي عسكري وراتبه 8000 ودي يكون عندي بيت بالمدينه الي انا فيها لانه ع كلامه لو تقاعد بيرجعنا لديرة اهله وانا ابد ماتعودت ع عيشت الديره لان ماوراها الا وجع راس فلانه سوت وفلانه قالت وهذي شرت وهذي تطلقت وذيك تزوجت يعني انا ابد ماحب اعيش في مكان كذا ادري اغلب المجتمعات كذا بس اتوقع انو الديره هذا شي فيها بكثره بحكم انو كل الي فيها جماعه واحده وقرايب وانا ودي بعد مايتقاعد زوجي اضل عايشه في مدينه ..تنقاشت معه في انو يشتر ي لنا بيت عن طريق البنك في البدايه كان رافض الموضوع تمام ..بس بعد كم يوم جاء وقالي معك حق اقل شي اوفر لعيالي بيت اتطمن عليهم لاني مدري وش بيصير لي بكره ..قلت كويس يعني اقتنعت بكلامي ..بس المشكله انو ماعنده ولا ريال واذ شراء البيت بيكون عن طريق البنك وهو راتبه 8000 يدوب يكفي ان قلت له جيب لي شقه تمليك راضيه فيها ..بس هو قال دام بيروح الراتب يروح على شي يستاهل مو على شقه ...اصلن ماحنا قادرين نجمع لنا قرشين كل مانجمع راحت على الايجار ..مع اني جامعيه وقلت له بتوظف وساعدك رفض. قال انا ماارضى تتوظفين في مكان مختلط اذ جاك التعين في نفس منطقة عملي اوكي بس برا المنطقه لا...للحين ماجاء التعين واتوقع ماراح يجني تعين لاني تخرجت بشهادة انتساب...الي ابغى اعرفه منكم هل احد جرب يشتري بيت عن طريق البنك ....وكيف وضعكم بعد ماشتريتو قصدي هل انظغتو من ناحية الفلوس لانو نص راتب بيروح....والبيت الي نبغى نشتريه راعيه طالب فيه 800 الف..وهذا اقل شي مع انو مو البيت الي احلم فيه بس دام ماني قادره اجمع فلوس واشتري البيت الي ابغى راضيه بها البيت ولان راتب زوجي مايسمح له انها ياخذ لي فله بحدو مليون ونص ...شورو على ياخوات نتوكل ع الله ونشتري عن طريق البنك ولا بندخل في ديون وجع راس ...والله العظيم صرت انام واصحى وافكر لمتى بنقعد في ايجار ...كل مانجمع لنا قرشين جاء راعي البيت قال اطلعو ابغى الشقه ونروح نحط الي مجمعينه في الشقه الجديده...ودي اوفر لعيالي بيت ملك لهم ودي اتطمن عليهم ....يارب تفرجها على وعلى كل المسلمين