راسي بينفجر من التفكير,تعالوا شوفوا علاقتي بزوجي شلون صارت بسبة....

السلام عليكم
مشرفاتي الحبيبات بليز نشروا الموضوع بسرعه شوي جزاكم الله خير لانه ضروري وافكر فيه وايد :35:

خواتي بدخل في الموضوع على طول
انا متزوجه من 6 سنين تقريبا وعندي طفلين
بقول لكم نبذة موجزة عن صفات زوجي
طيب حنون كريم جدا جدا محب لاسرته طموح ما عنده سوالف بنات ومغازل كسول
ما يبخل علينا بشي وحتى لو ما عنده يتسلف حتى لو حق شي ثانوي نوعا ما
انزين
زوجي قرر قبل فترة ليست قريبة انه ياخذ قرض كبير ويفتح مؤسسة حتى اذا ربحت ودخلت مبالغ تتعدل اوضاعنا بشكل عام ويشتري لنا منزلا ... وغيرها بس هذا كله لعلم الغيب يعني محد يقدر يتوقع المستقبل شلون راح يصير
فالآن جزءكبير من راتب زوجي للقرض
وصايرين كان نعيش بمستوى اقل من مستوانا مع ان راتبنا بالاساس كبير نوعا ما .

المهم اني توظفت قبل شهرين تقريبا
وصايرة مشاكل بسبة هالراتب
الشهادة لله زوجي مو من النوع الاستغلالي
ولا يحط عينه على فلوسي ولا يرضى بالحرام
بس انا من نفسي اذا اشوف انه مو قادر ورابته يخلص بسرعه اروح وادفع بعض الالتزامات اللي علينا احيانا بدون ما اقول له بعد
لاني اعرف انه مش راح يقدر يسددها
وبعد ما ادفع اروح امن عليه الشيطان يوسوس لي واقعد امن عليه :hahaha:

وتصير بينا مشاكل لهالموضوع

حتى في بعض المرات يقول لي خلاص قعدي في البيت اذا بتتغير حياتنا بسبة هالموضوع
بس انا ما اقدر لاني احب اعيش عيالي في حياة افضل هذا اولا
وثاني لاني ما احب اكون ربة بين وبس احب اطور نفسي وانا مرتاحه بشغلي وحابته بعد

وآخر مرة قال لي
خلاص لا تدفعين شي خلي راتبج كله لج انا ما قلت لج دفعي وهاذي لتزاماتي انا مجبرو ادفع ما يهمج تسلفت او سرقت او انحبست!!
انا يوم قال لي جذي جسمي صار كله يرتعش وحالتي ما يعلم بها الا الله

الحين انابين نارين
اساعده او لا
وشلون انظم اموري

مع اني قادرة اني اساعده بس بعد تعرفون يعني

شوروا علي جزاكم الله خير ما عهدت منكم الا طيب النفس وحب الخير