رايكن لا عدمتكن

السلام عليكم
استشاره لاعدمتكن اسمعن مني للأخر قبل ماخذ اي قرار وقبل لي يوميين راسي بينفجر من التفكير
ومابغا الموضوع يطول بالمنتدى لاني بطلب حذفه
بكتب بالتفصيل
....
قبل فتره كان لي موضوع تذكرنه قلت فيه الخطابه سرقتني ونزلت موضوع وطلبت الي تعرف خطابه ثقه المهم البنات ماقصرو قالو لي على وحده وتواصلت معها
.....
كلمت الخطابه وقلت لها ابغا اعزب قالت بالعمر هذا اكون معك صريحة قليل الزوج الاعزب طبعا عمري 31 قلت لو مطلق بدون اطفال
....
المهم يوم الاربعاء الماضي ارسلت علي واحد قبيلي مطوع وجهه ماشاءالله منور اعزب وتقول حافظ القرآن
وسألتها قالت انا كلمتهم ع اساس انك من جيراني
قلت تمام قالت ترا الرجال هذا تو طالع من السجن كان محكوم عليه قصاص اول ،،،، انا انجلطت قلت لا مابيه
.
ارجعت الخطابه اتصلت علي قالت الرجال اخذ 14 سنه بالسجن وعمره صغير يوم قضيته كان بالثانوي جاهل
وفكري زين لان بعطيك اسبوع وبعدها بشوف له وحده غيرك وبعطي اخته رقمك تكلمك وانا مابغا منك شي لانتي ولا هو ابغاها من الله
..
قبل يومين كلمتني اخته وصراحه ماقصرت معاها
سألتها عن كل شي تعرفن هذا زواج
..
تقول اخته احنا عشنا ايتام وخواني اثنين وانا ثالثتهم
كانو اخواني الاثنين يدرسون في الثانوية وقبيلتنا وقبيله ثانيه بنفس قريتنا يكرهون بعض
وكانو ابناء القبيله الثانيه متسلطين وحقين مشاكل وقبل اشتكوهم اخواني على الشرطه مرتين ولا صار شي
في يوم الي صارت فيه القضيه تجمعو على اخوي يضربونه حاول يطلعه اخوي الثاني من بينهم وضربوهم الاثنين وهم عددهم فوق 25 ويتزعمهم واحد
بعد ماضربوهم اخوي ركب السياره وراح ودعس أكبرهم الي متزعمهم الي كل شوي يضربهم
..
واخذ بالسجن 14 سنه تعبنا فيها وتعبت امي نفسبا وثلاث مرات يتحدد القصاص ويتأجل واخوي انسان طيب وهادي ومن طلع على الدنيا ماقتل نمله حاله حال نفسه الا ذا المصيبه مدري كيف جات
..
الحمد لله تم التنازل من قبل ابوه بمبلغ كبير وماقصرو اهل الخير ومن شروطهم ان مايبقا بالجنوب يغرب عن الجنوب وإذا شافوه يهدر دمه والمبلغ الي اجمعوه اهل الخير زاد واختار مكه وبنوله بيت في مكه ووظفته امارة مكه
..
وتقولي اخته حنا مانقدر ننقل معاه انا متزوجه ومتوظفه في الجنوب واخوي متوظف واقاربنا كلهم في الجنوب
وكل بين فتره نطلع مكه انا وامي واخوي نشوف اخوي ونجلس معاه
..
وقعدت تحالف يمين ان هذي سالفته كلها وقالت لي اذا انتي ماعندك مانع ردي لي وبجيكم انا واخواني وامي وخالي وقلت عطيني الاسبوع هذا قالت ان شاءالله
...
كلمت امي وقلت خال صديقتي بيجي لأن مايدرون اني مكلمه خطابه وعلمتها انه محكوم عليه قصاص اول قالت هذا مغضوب عليه وش نبي فيه
واحيانا اقول بقول لبوي بس مستحيه ومادري ايش تكون ردة فعله
وحيانا بخليهم يجون وبيضيفهم ابوي وراح يسمع منهم للأخر
واحيانا افكاري متقلبه احيانا اقنع نفسي واحيانا اكون مش مقتنعه