جرح الزمن 1978 @grh_alzmn_1978

عضوة نشيطة

رجعت لكم بفرحتي اللي ما تمت .... وقصة معاناتي

هذي قصتي الحزينه كتبتها في قسم تاخر الحمل ونصحوني ان انقل موضوعي هنا لعل وعسى القى منكم النصائح... واليكم قصتي
اخواتي .... بنات حواء
اشتقت لكم كثيييير .... بس والله الظروف ما سمحت لي اني اعطيكم اخباري اول باول

اخر ما قلت لكم ... اني تطلقت من زوجي نتيجة ظروف قاسية ....لا مني ولامنه ....

وكنت متاخره في الحمل سنتان ونصف والسبب من زوجي كان عنده ضعف في الحيوانات المنوية في العدد والحركة

تطلقت من زوجي سنه وفي خلال السنه تحجم وعالج عند دكتور استشاري في مستشفى حكومي وزاد عنده العدد الى 90 مليون والحركة زادت قليلا"
إلا ان العدد يقل ويزيد ولكن الحمد الله انه اكثر من 20 مليون

رجعت لزوجي وانا عندي امل بالله كبير واقول بنفسي ما دام العدد زاد ففيه امل ان شاء الله والامل دايما بالله مهما كانت الظروف قاسية

رجعت لزوجي وانا مخلصة الدوره الشهريه من يومين وسافرنا ورجعنا بعد اسبوع وبعد ما تم لي شهر تاخرت الدوره بس كنت ما ابي اعشم نفسي

وما حللت الابعد ما تاخرت اكثر من عشر ايام وجبت التحليل المنزلي وكانت احلا خطين بعد معاناة ثلاث سنوات
وبعدها حبيت اتاكد وسويت تحليل دم وفعلا ثبت اني حاااااااااااااااااااامل مئه بالمئه

والله كل اللي حولي واللي يعرفوني واللي يعرفون قصة معاناتي فرحوا لي كثيييييييييييييير والله بعضهم كان يعبرون لي فرحتهم بدموعهم مع اني ما قلت لاحد الا لما تميت شهرين
بعد 45 يوم رحت للدكتوره عشان اتاكد من وجود الجنين واسمع نبضاته

ااااااه ما احلاااااا هالشعور والله من كل قلبي اتمنى كل وحده محرومه تجرب هالشعور وتحس فيه ياااارب ياااا كريييييييييييييم

رحت وتاكد من وجود الجنين وسمعتني نبضاته والله كنت ابكي مع كل نبضه اسمعها ... شعووووووووووور ما يوصف وعطتني الدكتوره فيتامينات ومثبتات وقالت لي ارجعي لي في اول يوم في الرابع

رجعت لها في اول يوم لي في الشهر الرابع وهناااااا كانت صدمتي .... قالت لي الجنين مشوه وفيه ماء في الرقبه وفي الرئه وفي البطن وقالت لازم تنزلينه
قالت لي وبكل سهوله ... وانا ادري هي لازم تقول لي هالكلام ولا لها ذنب ولكن هذا الواقع المرير والله يا بنات اني في البدايه حمدت ربي ورددت اللهم اجرني في مصيبتي واخلفني خيرا" منها

وبعدها انهرت قدام الدكتوره .... والله كل اللي في العياده دروا اني فيني شي من كثر بكائي

والدكتوره تهديني وتقولي ما الومك والله حتى دموعك تاجرين عليها ...

والله رجعت البيت واستمريت في البكاء يوم كامل .... وزوجي احسن مني يهديني ويقول الله ما يبتلي الا عباده الصالحين وصدقيني ربي بيعوض
صبرنا خييييير

وامي تهديني وتدعيلي وكل اللي دروا يهدوني ويقولون لي عن كل اللي مروا في نفس الحاله والله رزقهم والحمد الله هديت بس اني رحت وتاكدت عند دكتوره ثانيه وقالت لي نفس الكلام وحولوني الى المستشفى الحكومي عشان انزل البيبي

ورحت المستشفى وقابلني استشاري وقال لي نفس الكلام وقال لي كل اللي مثل حالتك يتوفي الجنين في الشهر الثاني والثالث وغريبة انتي ان للحين ما توفي وواعدني بعد اسبوع وبيقررون

والله يا بنات اني حزنت ولكن ثقتي بالله كبيره ولكن انا اطرح موضوعي عشان ابي مشورتكم ومن اللي مر بنفس تجربتي وما هي الاسباب

مع اني سالت الدكاتره عن السبب قالوا لي ما في سبب معين ... وقلت لهم عن القرابه قالوا مالها خص مع اني انا زوجي سوينا تحاليل ما قبل الزواج

ارجووووووووكم اخوااااتي ادعوووووولي ولا تبخلوووووووون علي بنصايحكم .......

يلزم عليك تسجيل الدخول أولًا لكتابة تعليق.

تسجيل دخول

sadlove • 13 سنة

كل شي من الله جميل خيررررررررررره والله قادر يبدل حملك بحمل جنين متعافي ...قوي حبالك مع الله وحده

علامو علامو • 13 سنة

السلام عليكم
اختي الله يصبرك ويعظم اجرك ويكتب لك اللي فيه الخير
انا مامرت علي حالتك بس حبيت ارفع الموضوع علشانك
واذكرك بالدعاء اللي تقولينه اذا قمت من عز نومك مثلا تشربين موية او تبين الحمام تكرمين
تقولينه وبعدين تدعين بإذن الله تستجاب دعوتك
باذن الله
باذن الله
الدعاء ( لااله الا الله وحده لاشريك له يحي ويميت وهو على كل شي قدير سبحان الله والحمدالله والله اكبر ولا حول ولا قوة الا بالله )

طيوفه الحلوه • 13 سنة

مدري وش اقولك نزلت دموعي معاك

الله بيكتب لك اللي فيه خيره

والحمدلله مادام حصل حمل اول مره *****الله يكون فيه مرات جايه

الله يرزقك بالحمل السليم المعافى بدون زياده ولانقصان

يارب ياكريم

طمنينا عنك

طيوفه الحلوه • 13 سنة

الحنونه7 • 13 سنة

الله يطمن قلبك وبالك
ويرزقك ماتتمنين يارب