رجعت للحجاب من بعد هالموقف...(المفاز)

مرحبا بنوتاااات كيفكم ...

أول شيء قبل ماأتزوج كنت مقتعنة إقتناع كامل بالحجاب (عبابة راس فضفاضة ..غطاء إلي يخفي عيونك عن الناس وأنت تشوفيهم عسى فهمتوا علي ماأعرف أوصفة خخخ ...قفازات شراريب)
يعني من يوم ونا شفت العمة تحجبت حجاب كامل ...ويارب ثبتني لحد ممات وجميع بنات المسلمين..
ومع مرور هالسنوات ..تزوجت وكان زوجي شديد في مسألة الحجاب مرره مع أني متحجبة بس مدري كيف يفكر ...يعذبني إذا حطيت ميك آب أو مناكير وكل هذا من تحت العباية يعني محد يشووفه نهائي ...ونا غرضي لرحت مطعم وكشفت بكون بكامل زينتي يعني بس هو يشوفني ...أو مرات تكون عيوني مكحلة ويفاجئني أنه بنطلع فأنا ماأمسح الكحل دام محدن بيشوووف عيوني ...شدد علي لحد أني بديت أكرره تشددة هو مل ملتزم ولاشي ونا أنقهر زيادة يعلمني الحجاب ونا أدرى فيه ...


المهم طلعت عند أهلي وشفت أخواتي كلهم عبايات كتف مب محشمة ..يعني في حركات ونقااب واسع حتى الخدود تبان ..رحت معهم السووق وقل إيماني وتحجبي الله يغفر لي ويغفر للجميع

لبست مثل أخواتي بس بدون نقش سادة ...وتحججت عشان طفلي ..قلت هذي أريح لي ...وأخف ...والله يابنات صدق أنها مريحة ظاهريا ...لكن والله عانيت أول مرره بتعرضون لي رجال ...والله يابنات يحاولون بقدر الإستطاعة يتكلموون معي وصلت فيهم أنهم مسكوا يدي ..أقسم بالله كرهتت نفسي ودي أقطع يدي ...والله يوم كنت بكامل حجابي كنت اشوفهم لمريت من طريق يبعدو من طريقي ...اصلا حتى أصحاب العطوور يتفادوني ..ولا أحد يناظر فيني !!...

تدرون وش سويت والله نفس اليوم شريت لي جلباب وتحجبت ..ورجعت مثل أول محد يلتفت لي يحسبوني عجوز ...أول كانو ينادوني ياآنسة وإلحين ياحجيه خخخخخ ..


والله يابنات مافي مثل الحجاب ...أنا مب واجب علي أغطيكمم ولكن حبيت أعلمكم تجربتي وأن الله ماأمر بشيء الا لحكمة وسبحان الله أقتنعت بعدها اقتناع تام ...أتمنى الإستفادة من موضوعي ورفعة لتراه أكثر شريحة من النساء ...وجزاكم الله خير