رجعت وجايبه لكم شي جديد

كيفكم
ابشركم المره هاذي جايه بدون مشاكل الحمدالله واللي بتعرف ايش صار باخر مشكله لي
طلع الاخ بيربيني ابوي دق على اخوه بعد يومين قال بنتي ماغلطت واخوك جابها لباب البيت يا يطلق باقرب وقت ولا يجي يتفاهم مانبي نخرب بيوت ومامدا عشر دقايق جا تفاهم مع ابوي وقال انا عارفها بس ليش ماعلمتني المهم رجعت له عشان ولدي والله وانا كلي حقد عليه

المهم موضوعي الحين
انا حاليا احاول اتغير لنفسي احب نفسي واضحي لنفسي وبس مع اني احسها صعبه حيل 😭😭

بس الله معي *****الله من امس مسويه برنامج وباذن الله بنتظم عليه علشان احب نفسي واحب الحياه واطلع من الهم اللي انا فيه

اولا انا اللي مدمرني عقلي مرره مرره واقعيه وعندي مباديء واضحك على اللي تكون خياليه ومراهقه مااسوي الشغله غير افكر فيها مليون مره بعقلي ودايما اخواني وابوي يمدحو بعقلي واني عاقله وعقلي كبير بس تدرون هاذي اكبر مشكله تدرون ليه

لان زوجي عكسي تماما خيالي ورومانسي وحالم ومتهور وطايش وعقله صغير ويحب يصاحب الصغار اتمنى وصلت لكم الفكره ويبيني مرجوجه ومراهقه عنده بالبيت اهم شي عنده الوناسه وانا جديه معه
عاد قررت اصغر عقلي واصير خياليه لو شوي لاني لاحظت الخياليات هم العايشات

ماطول عليكم جدتي توفت الاسبوع اللي راح الله يرحمها ويغفر لها جتني جارتي تعزيني اليوم وهي بكبر امي اصلها من جنسيه عربيه مو سعوديه المهم ارتحت لها واخذتنا السوالف قالت لي كلمه للحين ترن براسي وبناقشكم فيها قالت

الرجال مايبي الصادقه معه والواقعيه يبي وحده اربع وعشرين ساعه تضحك عليه وتمثل وتسوي درامات
والله يابنات للحين افكر بكلامها
وطبقته قبل شوي واحس النتيجه شوي مابانت يبي لها صبر انتم شرايككم
عطوني رايكم وتجاربكم

الموضوع للفائده

عطوني تجاربكم وارائكم