رجع قليل الادب ل اخوي والحل

السلام عليكم
تذكرون قبل فترة شهور نشرت موضوع عن ابن اخو زوجي لما تهجم على اخوي بسبب سالفة تافهة
امس رجع قليل الادب وتهجم عليه ثاني بنفس السالفة
عشان السيارة وبنفس المكان لكن تختلف انها استراحة زوجي يعني انا حرة لا في اهله ولا شي
هو استراحة ابوه جنب استراحتنا
اخوي وصلني هناك مع عيالي وقعد شوي وهو دخل بسيارته ومعاه عيال عمه وابن زوجي يبغى ياخذ اغراض ل استراحة ابوه وركن سيارته بطريقة مستفزة مثله الكلب واخوي مقابله راح قاله ل اخوي شيل سيارتك شيلها ابغى اطلع اخوي قاله اصبر دقيقة بس وانا صرخت عليه قلت له شوي بس
راح ركب سيارته وهجم بسرعة على سيارة اخوي يبغى يصدمها ونزل له بيتهجم عليه
واخوي واجهه وعيال العم لا فكو ولا شي قاعدين يعززون وابن زوجي يضحك ل ابن عمه
ولما اخوي قصر الشر وطلع ذاك صار يسب ويعلي صوته
يقوله يلا ياكلب ويطالع بعيال عمه وابن زوجي يقولهم اقسم بالله اضربه لكم هنا افسخه ملابسه افلت عليه كلب الاستراحة اخليه يطلع فوق الشجر
انا لي قهرني ابن عمه يقوله امسكه لك يقوله لاااا انت ماتمسكه انت تتفرج بس والله اخليه ياكل العشب هذا
وابن زوجي يقوله بتضربه ب عصا جدك ولا كيف يجي يقوله والله لو ضربته فيها يدخل مستشفى ماتحصله هنا الا بقسم الكسور اجلس اضربه من الخميس للخميس العصا ماتنكسر وكل هذا على سمعي انا وبنتي
انا هنا شاطت اعصابي عليه وهزئته من الباب وهو ولا على باله ركب سيارته مع عيال عمه ومشى
زوجي ولا على باله ولا خلاني اقول حرف
مايرضا يسمع فيه وخصوصا من اخر مشكلة حصلت بيني وبينه
راح كلم ابن اخوه ذاك قاله مابيني وبينه شي بس هو يستفزني كل ماتقابلت معاه والمرة الجاي بينضرب يعني بينضرب ورجع زوجي يقولي اخوكي يستفزه واخوكي كذا واخوكي يهدده وقعد يقولي اخوانك واخواتك يدخلون الاستراحة عادي يعني اما اهلي لا تسوين مصيبة وتزعلين ومشى