بسم الله الرحمن الرحيم
كثير منا تعب من الوزن الزائد وتعب من االإحباط إذا ماكمل الرجيم
والتنقل من رجيم لرجيم ..وصدق ملينا من هذا النظام
من الحين لالالالا لرجيم وانا حطيت العنوان رجيم علشان اجركم للموضوع يابنات الرجيم>>>يقالك شريره
أولا هذا مش رجيم هذا نمط حيااااتك وحياتي
ثانياً حطي ببالك وبالي>>>>تكلم نفسها معكم
أنك راح تبدين نظام حياة جديد
نظام لنفسك علشان صحتك وبشرتك وشبابك
نظام وثقافة
أولا ريحي اعصابك ريلاكس
لا تهمك الملابس ولا تفكرين بالمناسبات وحكم الناس عليك
ولا تفكرين بوحده قاهرتك وفرحانه انك دبا ومتختخه
لا تفكرين بزوجك والبنات النحيفات إلي بالشارع
قولي بنفسك
ما ابي انحف ما ابي اسوي رجيم واحرم نفسي
أبي اعيش افضل ونفسيتي تكون اريح من قبل
ابي دلع نفسي واهتم فيها
لا تنحفين لا تسوين رجيم
وقولي دايماً اهم حاجه الصحه والعافيه والواحد يصير حريص على صحته
لان عقلك الباطن راح يخاف لو قلتي رجيم حرمان جوع ويزيد رغبتك بالأكل
يخااف يطقه الجوع فيأمن نفسه بدري
اهم شيء بهذا النظام الإحساس بالرضاء
وانك تشكرين ربي على النعمه إلي إنتي موجوده فيها
وتقولين لنفسك .. الحمد الله انا ربي انعم على بحاجات كثيره
والجسم راح يجي إذا شلتي هاجس النحف لانك مهما نحفتي من تتقلب نفسيتك ترجعين تسمنين
وتصيرين مثل لعبت اليويو طالعه نازله
---
بعد ماتكلمنا مع نفسك تعالي شوفي كيف تنظمين يومك حتى لو كان مقلوب فوق تحت
أختاري المناسب لنفسك
دائماً قومي الصبح واشربي لك كاس ماء فاتر او دافي مع عصرت ليمون
يخليك رايقه ويزيدك نشاط وينور وجهك ويشرقها يوم عن يوم
افطر فطور دلع يعني
قطعي لك فواكه أو اشربي عصير بالفواكه إلي تحبينها
أقترح كيوي +تفاح +أناناس ..
كلي لك كم حبة تمر مع كوب لبن قليل الدسم صغير
توسته صغنطوطه ماتضر مع عسل أو لبنه
بالدوام او بالبيت جوعانه وبطنك يقررصك
أشربي كاس مويه دافي
كلي تفاحه أو برتقاله
أو كم حبة تمر مع زبادي
وقت الغدا
ابعدي عن النشويات والمحمر والمشمر لا تحرمين نفسك ذوقي بس اشغلي نفسك
بالسلطه الموجوده الفواكه
عبي صحنك سلطه وحطي كم ملعقه من الرز الابيض علشان ماتحسين بالحرمان
تقهوي وسعي صدرك
قهوه عربيه او أي نوع بدون سكر
وإذا مرره خاطرك بسكره حطي قطعه صغيره سكر نبات
مع تمر
قطعة شوكلت صغيره دايت
اشغلي فمك وعقلك بالفواكه والخضار واتذكري انها تزيد جمالك
جرجير خس
خيار مقطع شرايح مع ليمون
تونه مره مفيده بس مشخوله ومغسوله من الزيت قطعي معها سلطه علشان تشتهينها اكثر
العشاء قبل لا تنامين علشان ماتقومين زي المجنونه على الثلاجه
زبادي منزوع الدسم او قليل مع خبز بر او تمر
وراح يحسسك بالإمتلاء وراح تنامي وانتي شبعانه
لو تعشيتي برا البيت حطي ببالك انك تاكلين بس اختاري الاقل والأكثر فائده
شوربه
سلطه
عصير
لو رحتي عند ناس لا تقولين رجيم
عادي كلي بس شووي ذوقي الاكل بس لا تنفجعين وتعطي نفسك إجازه
هذا نظام هذا ستايلك إنتي مش اكوله >>>تلعبين على مين
إنتي ماتحبين تخلصين صحنك وتروحين تعبينه مره ثانيه
اشربي شوربه إذا هم مقدمين
كثري سلطه
بعد ماتخلصين خذي فاكهه وانشغلي فيها
يعني لا تجلسين على السفره مكتفه يدينك وحزينه
وإلي مضيفينك يحاولون فيك تاكلين
المهم
الببسي والكولا وأي مشروبات صودا دايت
ماتزيدك سعرات حراريه بس تزيد شهيتك للأكل
اهم شيء اقنعي نفسك وحسي انك حريصه على صحتك لا على النحف
ولا تربطين نفسك بوقت معين عيشي حياتك على هذا النحوو
إذا عجزتي وصرتي جده ان شاء الله
تصيرين قويه تمشين بدون عصاء وبدون ماتتكلين على احد
الله يحسن خاتمتنااا
